Yilinga 24:14 - Mukanda Wa Zambi 1970

¹⁴ Alioze ngunatayiza ku meso je ngwami, nakuwayila Zambi ya tushakulu twetu ni kukaula jila yize akwamba ngwo, ya mahuza. Alioze nakufuliela yuma yeswe yize hiyinasonewa mu mikanda ya Shimbi ni ya akwa munanyi a Zambi.

MUKANDA USANDU WA ZAMBI 1975

¹⁴ Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta;

Yilinga 24:14 Iomraidhean Croise

1 Sango Ja Mianangana 29:18

Mwene Zambi, Zambi ya tushakulu twetu Abrahama, ni Isake, ni Yakoba, funga lume atu je, abwe ni mbunge yibema ndoo ku miaka yeswe, akwase kubwa akwa kushishika matangwa eswe.

Miaso (Masamu) 119:46

Mungwambujola Shimbi je kuli mianangana, chichi kwivwa sonyi nichimwe.

Kutuhuka 3:15

Ukalweza Aisraele ngwe: ‘Yami, Mwene Zambi, Zambi ya akakenu, Zambi ya Abrahama, ni Isake, ni Yakoba, mwe nakutuma.’ Lino lie jina liami ku miaka yeswe; waze maakasemuka kulutwe, maakanguvulwoka jina lino.

Amose 8:14

Atu waze akulishinga ni mahamba ja mu limbo lia Samaria, waze akwamba ngwo: ‘Ni Zambi ya Dan’, hanji, ‘Ni Zambi ya Bersheba — atu waze maakalimbuka, keechi kahinduka nawa.’ ”

Mika 4:2

mba maakamba ngwo: “Tukundamenu ha mulundu wa Mwene Zambi, ku zuwo lia Zambi ya Aisraele. Maakatulongesa chize anazange tulinge; mutukendangana mu majila jenyi. Mumu longeso lia Mwene Zambi liakukatuka ku Yerusaleme; ku Zione kakuhanjika ni atu jenyi.”

Mateu 10:32

“Yoze mangutayiza ku meso ja atu, ni yami nawa mungumutayiza ku meso ja Tata wa mwilu.

Mateu 22:40

Shimbi jeswe ja Mose ni longeso heswe lia akwa munanyi a Zambi jinaswila mu Shimbi jino jaali.”

Mateu 7:12

“Lingilenu atu akwo yibema, ngwe chize nunazange ayo anulingile. Yenayo Shimbi ja Mose ni longeso lia akwa munanyi a Zambi.”

Luka 1:70

Chenacho hanahanjika kulu kuli akwa munanyi jenyi a kulinanga.

Luka 16:16

“Shimbi ja Mose ni mikanda ya akwa munanyi a Zambi hiyinalinduluka ndoo ku tangwa lia Yoano Chipapachisa. Chize ku mwaka uze, atu kaakwambujola Sango Jibema ja wanangana wa Zambi. Mutu ni mutu kakunjila mo ni tachi.

Luka 16:29

Abrahama ngwenyi: ‘Anakwenu kaali ni mikanda ya Mose ni ya akwa munanyi a Zambi ha kwatoweza, aabanjike.’

Luka 24:27

Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

Luka 24:44

Mba yaamba ngwenyi: “Wano e maliji nanwambile muze nabwile hamwe ni yenu, ngwami, yize yeswe yasonewene hakutwala kuli yami mu Shimbi ja Mose, ni mu mikanda ya akwa munanyi a Zambi, ni Miaso (Masamu) chatamba yikamanunuke.”

Yoano 1:45

Mba Filipe yawana Natanele, yamwamba ngwenyi: “Hitwamona mutu yoze asonekene Mose mu mukanda wa Shimbi, ni akwa munanyi ja Zambi mu mikanda yo ngwo, makeza. Kali Yesu, mwana wa Josefe wa ku Nazare.”

Yilinga 10:43

Akwa munanyi eswe a Zambi haanamushindakenya ngwo, mweswawo wakumufuliela, Zambi kakumukonekena milonga yenyi ku tachi ja jina lia Yesu.”

Yilinga 13:15

Muze te haatanga mikanda ya Shimbi ni ya akwa munanyi ja Zambi, akwa lutwe ja zuwo lia kuwayila yaatumina liji ngwo: “Akwetu, nyi nuli ni maliji a kutakamisa no atu, ahanjikenu.”

Yilinga 15:5

Alioze yakukatuka amwe a ku mbunga ya Afariseu, waze te haanafuliela Kristu, yaamba ngwo: “Waze hi Ayuda ko, chatamba kwapwisa ngalami, ni kwaambila ononokene Shimbi ja Mose.”

Yilinga 19:23

Ha mwaka uze yikubwa zungo linji mumu ha longeso hakutwala kuli Mwene Yesu.

Yilinga 19:9

Alioze akwo yaakala mbunge, yaalituna kufuliela, yaalelesa ku meso ja atu eswe longeso hakutwala kuli Mwene Yesu. Kashika Paulu yakatuka, yatwala tumbaji hamwe nenyi nikwalongesa tangwa ha tangwa mu shikola ya Tiranu.

Yilinga 22:14

Neye yamba ngwenyi: ‘Zambi ya tushakulu twetu hanakutongola hanga unyingike upale wenyi, hanga umone mwe Mukwa Ululi, ni kwivwa liji lienyi.

Yilinga 24:22

Felix, nikunyingika pundu longeso hakutwala kuli Yesu Kristu, yaashimbwishila, yaamba ngwenyi: “Muze mwata wa tujita Lisia makeza, mba mungukabatula mulonga wenu.”

Yilinga 24:5

Twawanyine yono lunga mutu mubi, mukwa kuvundula Ayuda eswe ku yifuchi yeswe ya hashi. Kali mukwa lutwe wa mbunga ya Anazare.

Yilinga 25:8

Paulu ha kulisambisa chenyi, yakumbulula ngwenyi: “Chalingile chibi nichimwe, chibwe ku Shimbi ja Ayuda, chibwe ku Shimbi ja zuwo lio lia Zambi, chibwe ku Shimbi ja mwanangana wa Aroma.”

Yilinga 26:22

Alioze Zambi hanangukwase ndoo musono uno. Kashika, ngunamana hano ni kushindakenya kuli eswe, alelu ni alemu. Chichi kwambulula yuma yikwo shina yizeyene ambulwile akwa munanyi a Zambi ni Mose ngwo:

Yilinga 26:27

Mwanangana Agripa! Unafuliela akwa munanyi a Zambi, nyi? Ngunanyingika unaafuliela.”

Yilinga 26:4

“Ayuda eswe kaananyingika ngwe chize natwamine chize ku ukweze wami. Hatangu te natwama mu chifuchi chami, mba kulutwe yingutwama nawa mu Yerusaleme.

Yilinga 26:6

Haliabwila kanagusopesa mumu ngunase mbunge ku chize Zambi alakenyene tushakulu twetu.

Yilinga 28:22

Alioze tunazange kwivwa manyonga je chize Unanyongo, mumu tunanyingika ngwetu, kuma kweswe atu kaakulimika ni mbunga yize yena uli.”

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

Yilinga 3:13

Zambi ya Abrahama, ni ya Isake, ni ya Yakoba, ni ya tushakulu twetu hanahenyesa kavumbi kenyi Yesu. Yenwene nwamukunjikile kuli mianangana, nwalitunyine ye ku meso ja Pilatu muze iye abatwile ha kumutusula,

Yilinga 5:30

Zambi ya tushakulu twetu hahindwisa Yesu ku kufwa, yoze nwashihile muze nwamuhachile ha kulusu.

Yilinga 7:32

‘Yami nguli Zambi ya tushakulu twe, Zambi ya Abrahama, ni Isake, ni Yakoba.’ Mose yachikima ni woma, kahamukine ko ni kutala.

Yilinga 9:2

yamwita mikanda ya kunjila nayo mu mazuwo ja kuwayila ja Ayuda mu limbo lia Damasku Yazanga kufupa atu waze te akukaula jila ya Yesu, malunga ni mapwo, ha kwakwata ni kwaneha ku Yerusaleme.

A-ROMA 1:9

Zambi kali chela chami, yoze nakulingila ni mbunge yami yeswe ha kwambujola Sango Jibema ja Mwanenyi. Kananyingika ngwenyi, nakunuvulwoka matangwa eswe

A-ROMA 3:21

Alioze haliabwila Zambi hasolola chize akupwisa atu akwa ululi—ni chize hi cha ku Shimbi ko. Shimbi ni akwa munanyi a Zambi haanashindakenya kulu ha chikuma chino.

1 Korintu 11:19

(Chamwenemwene chinalite uhandunwino ubwe hakachi kenu, hanga nunyingike waze ali ni manyonga analite.)

Galashia 5:20

ni kukombelela mahamba, ni kupanda wanga, ni kole, ni Vunda, ni ukwa, ni ufwatulo, ni kulilamba ha bambo, ni kulihandununa;

2 Timoteu 1:3

Ngunasakwila Zambi, yoze nakulingila ni mbunge yibema, ngwe chize alingile tushakulu twami. Nakumusakwila muze nakunwiwuluka mu yilemba yami, ufuku ni mwalwa.

Titu 3:10

Kanjisa yimwe yisuho yaali yoze wakuhandunyona, mba litune ye.

1 Petulu 1:11

Mwiku wa Kristu, uze wabwile muli ayo, te wakwanyingikisa ngwo, Kristu makamona lamba hatangu, mba kulutwe makabwa ni uhenya. Te kaakuhengula hanga anyingike tangwa lika yuma yize muyikabwa ni ngwe kuchi muyikabwa ko.

Usolwelo 19:10

Yingufulamana ku molu jenyi ha kumuwayila. Alioze yangwamba ngwenyi: “Ka, kanda uchilinga! Nguli kavumbi ni mukwenu hamwe ni akwenu waze akwete umwenemwene uze asolwele Yesu. Wayila Zambi!” Mumu umwenemwene uze asolwele Yesu, wenawo te Wakukolesa akwa munanyi a Zambi ha kwambujola maliji jenyi.