Yilinga 24:10 - Mukanda Wa Zambi 1970

¹⁰ Muze mukwa kuyula hatenya Paulu ni mutwe hanga ahanjike, Paulu yamba ngwenyi: “Ngunanyingika ngwami, yena uli ngaji mukulu wa vungu lino. Kashika ngunalisambisa ku meso je ni chiseke.

MUKANDA USANDU WA ZAMBI 1975

¹⁰ Muze nguvulu amulahwile ahanjike, Paulu wakumbulwile ngwenyi, Se ngunanyingika ngwe ha miaka yinji yena wapwa sopi ku vungu lino, ngunalisambisa ni kuwaha chahiana.

Yilinga 24:10 Iomraidhean Croise

Luka 12:11

“Muze maakanutwala hanga anubatwile mu mazuwo ja kuwayila, hanji ku meso ja akwa lutwe hanji akwa kuyula, kanda nukalibikala ha chize munukakumbulula hanji chize munukamba.

Luka 12:14

Yesu ngwenyi: “Mukwetu, iya wangupwishile ngaji wa kunubatwila hanji kunwanyina yikumba yenu?”

Luka 18:2

“Yimubwa ngaji mu limwe limbo, te keshi kuvwila Zambi woma, ni keshi kulemesa mutu niumwe.

Yilinga 12:17

Petulu yaaholesa ni kwoko, yaalumbunwina ngwe chize Mwene wamutuhwishile mu zuwo lia lamba. Yamba nawa ngwenyi: “Chambulwilenu Tiangu (Jake) ni akwetu akwo.” Mba yakatuka, yaya kweka.

Yilinga 13:16

Petulu yakatuka, yalahula ni kwoko, yamba ngwenyi: “Akwetu Aisraele, ni yenu akwo waze nwakuwayila Zambi, banjikenu!

Yilinga 18:15

Alioze, mumu yili yihula hakutwala ku maliji ni majina a Shimbi ja yenwene, yami chichi kuyisopa.”

Yilinga 19:33

Amwe a ku mbunga yaanyonga ngwo, Alexandre mwe waneha Vunda, mumu Ayuda amushinjikile kulutwe. Mwe Alexandre yaaholesa ni kwoko, yazanga kulisambisa ku meso ja mbunga.

Yilinga 21:40

Muze te hamutayiza, Paulu yamana ha ndalo, yaholesa atu ni kwoko. Muze e atu haahola kuluu, Paulu yahanjika mu liji ha hebreu ngwenyi:

Yilinga 23:24

Lulikenu tuvwalu, nutwalile ho Paulu kanawa ndoo kuli mukwa kuyula Felix.”

Yilinga 26:1

Agripa yambila Paulu ngwenyi: “Hinakutayiza ulihanjikile yena mwene.” Mba yolola kwoko lienyi, yalisambisa ni maliji wano ngwenyi:

1 Petulu 3:15

Alioze lemesenu Kristu mu mbunge jenu, mupwisenu Mwene wenu. Lilulikenu matangwa eswe ha kukumbulula waze akunuhula ha kunyingika ku chize nwakusa mbunge.

1 Samuel 2:25

Nyi mutu mavulumuna mutu ni mukwo, Zambi maamubatwila. Alioze nyi wavulumuna Mwene Zambi, iya mba mamuhakwila?” Hindu kaabanjikile ko liji lia tato, mumu te Mwene Zambi habatula twashiha.