Yilinga 23:6 - Mukanda Wa Zambi 1970

⁶ Paulu, muze hamona Chihanda cha Asaduseu ni Chihanda cha Afariseu, yakololoka ni liji linene mukachi ka mbunga ngwenyi: “Akwetu, yami nguli Kafariseu, mwana Kafariseu. Nguli kuno ku usopelo mumu ngunase ko mbunge ngwami, afu kumaakahinduka nawa.”

MUKANDA USANDU WA ZAMBI 1975

⁶ Alioze muze Paulu anyingikine ngwenyi, Chihanda chimwe chapwile cha A-Satuseu ni chikwo cha A-Fwariseu, wakololokele mukachi ka akwa kuyula ngwenyi, Mandumbu, yami nguli Kar-Fwariseu, mwana Ka-Fwariseu: kanangusopesa ha kutwala ku kutalatala cha Uhindukilo wa afu.

Yilinga 23:6 Iomraidhean Croise

Mateu 10:16

“Achivwenu! Ngunanutumu ngwe mapanga mukachi ka tungunga. Kanyamenu ngwe tupela, bemenu ngwe membe.

Mateu 22:23

Tangwa lizeliene amwe Asaduseu yeeza kuli Yesu. (Waze akwamba ngwo: “Afu keeshi kuhinduka.”)

Mateu 3:7

Ha kumona Afariseu ni Asaduseu anji kaanezaza hanga aapapachise, Yoano yaahula ngwenyi: “Yenu, vungu lia yihili, iya unakanutoweza kuchina ufwatulo wa Zambi uze muukeza?

Yilinga 22:3

“Yami nguli Kayuda. Nasemukine mu Tarsu, limbo ha mu chifuchi cha Silisia. Alioze yaangulelela mu limbo lino. Gamaliele mwe wangulongesele kanawa Shimbi ja tushakulu twetu. Nalihanyine kuli Zambi ngwe chize nwakulihana yenu musono.

Yilinga 22:30

Mwata wa tujita yazanga kunyingika pundu chikuma chize Ayuda asuminyine Paulu mulonga. Kashika muze hikwacha, yamujitula ngoji. Yahana Shimbi kuli mahako a lutwe ni Mbunga ya Ngaji ja Ayuda kulikungulula. Mba yaneha Paulu, yamusa ku meso jo.

Yilinga 22:5

Mwata wa mahako ni makulwana kaanahase kushindakenya ngwo, ngunahanjika umwenemwene. Natambwile kuli ayo mikanda yize asonekene kuli akwetu Ayuda a ku limbo ha Damasku. Mba nayile mu jila ya Damasku mu kukwata akwa Kristu ni kwaneha ku Yerusaleme ha kwamwesa lamba.”

Yilinga 23:1

Paulu yahulikila meso ku Mbunga ya Ngaji ja Ayuda, yamba ngwenyi: “Akwetu, manyonga jami keeshi kunguhisa ku meso ja Zambi hakutwala ku mwono wami ndoo ku tangwa lino.”

Yilinga 23:15

Kashika, haliabwila livwenu ni Mbunga ya Ngaji ja Ayuda, nuhanjike kuli mwata wa tujita ngwenu, anehe Paulu ku meso jenu nikusoloka ngwe nunazange kushishika milonga yenyi kanawa. Yetu hitwalilulika ha kumushiha shimbu kanda achiheta.”

Yilinga 23:20

Mukweze yamba ngwenyi: “Ayuda haalitesa ha kukulembejeka kupalumwisa Paulu hamene ku Mbunga ya Ngaji ja Ayuda ni kusoloka ngwe kaanazange kushishika milonga yenyi kanawa.

Yilinga 23:7

Muze te hamba chino, hakachi ka Afariseu ni Asaduseu yihabwa pami jinji. Ye mbunga yaalihandununa.

Yilinga 24:15

Nakufuliela Zambi, ngwe ayo ene, ngwami, akwa ululi ni yihenge, eswe aali maakahinduka ku kufwa.

Yilinga 24:21

Chuma chimuwika lume nalingile, muze namanyine ku meso jo, yingukololoka ngwami: ‘Nunangusopesa musono mumu nakufuliela ngwami, afu kumaakahinduka.’ ”

Yilinga 28:20

Kashika hinanutambika nikuhanjika nenu. Haangukasa ni ngoji jino ja utale mumu hali yoze Aisraele akusa mbunge.”

Filipu 3:5

Yangupwisa ngalami muze nabwile ni matangwa nake. Ku Chisemuko, nguli Kaisraele wa ku Chikota cha Benjamine, Kahebreu wamwenemwene. Ha kukaula Shimbi ja Ayuda, te nguli Kafariseu.

Kolosu 1:5

Muze maliji amwenemwene, Sango Jibema, januhetele chisuho chitangu, yijinulumbunwina ha kusa mbunge ku chize hananutulikila mwilu. Kashika nuli ni ufulielo ni zango mumu ha yize te nwakusa mbunge.

Hebreu 6:19

Yuma yize twakusa mbunge yili ngwe kwachiliji ja ulungu mu mbunge jetu. Yili yamwenemwene ni ya tachi. Yinanjila ndusu mu chikalakala cha hina mu zuwo lia Zambi mwilu. Yinanjila ndoo mu chibatulo cha muchima.