Yilinga 23:23 - Mukanda Wa Zambi 1970

²³ Mwata yatambika tujita aali nikwamba ngwenyi: “Lulikenu kulakaji jaali ja tujita, ni makumi shimbiali waze akwenda ha tuvwalu, ni kulakaji jaali ja akwa makunga. Lilulikenu eswe ha kuya ku limbo lia Sesarea ha ola ya muchilivwa ya ufuku.

MUKANDA USANDU WA ZAMBI 1975

²³ Iye watambikile aali a kuli tupitau eze kuli iye, wambile ngwenyi, Lulikenu kulakaji aali a maswalale, hanga akaye ndo ku Sesarea, ni makumi shimbiali a akwa tuvwalu, ni kulakaji aali a akwa makunga ha ola yamuchitatu ya ufuku:

Yilinga 23:23 Iomraidhean Croise

Mateu 14:25

Muze himukucha, Yesu yakundama kuli tumbaji twenyi nikwenda ha meya.

Luka 12:38

Kaawaha, nyi maawana nikukanyama, chibwe meza ha muchima ufuku hanji kuhiana.

Yilinga 23:22

Mwata yashika mwe mukweze, nikumwaha koki ngwenyi: “Kanda wambulwila niumwe yize hiwangwambulwila yami.”

Yilinga 23:31

Tujita, nikulita ni chize aambile, yaatwala Paulu, yaamuneha ha ufuku uze ku limbo lia Antipatri.

Yilinga 23:32

Mba muze hikwacha, yaahichika akwa tuvwalu kuya hamwe nenyi. Akwa kwenda hashi yaahiluka ku zuwo lia tujita.

Yilinga 23:33

Muze akwa tuvwalu haaheta ku limbo lia Sesarea, yaakunjika mukanda kuli mukwa kuyula, yaatumbika Paulu ku meso jenyi.

Yilinga 24:7

alioze mwata wa tujita Lisia yatulumuka ni kumuchiza ku moko jetu ni tachi jeswe.

Yilinga 8:40

Filipe yasolokela ku limbo lia Azoto. Mba yabalika mu limbo ni limbo nikwambujola Sango Jibema kweswe, ndoo yaheta ku Sesarea.