Yilinga 23:16 - Mukanda Wa Zambi 1970

¹⁶ Alioze mwihwa wa Paulu yevwa kujikinyina cho. Neye yaya ku zuwo lia tujita, yanjila, yambulwila Paulu maliji waze.

MUKANDA USANDU WA ZAMBI 1975

¹⁶ Alioze mwihwa wa Paulu, wevwile ha kujikinyina cho, iye wayile, wanjilile mu mbonge, wambulwile kuli Paulu.

Yilinga 23:16 Iomraidhean Croise

2 Samuel 17:17

Jonatane, mwana wa Abiatare, ni Ahimaze, mwana wa Zadoke, yaashimbwila ku shima lia Enrogele hehi ni Yerusaleme, kaanjilile ko mu limbo, nyi ka, maamona kuli atu. Umwe ngamba wa pwo yendangana ni kwalweza sango, no yaaya ni kulweza mwanangana David.

Yishima 21:30

Mana, ni yinyingi, ni ukanyame wa mutu kuyahashile kumukwasa nyi Mwene Zambi kakulimika nenyi.

Yishima 24:15

Kanda ubwa ngwe chingulungulu yoze wakweseka kwiya yuma ya mutu watuwika mbunge, hanji kububa zuwo lienyi.

Lungungu 3:37

Iya mahasa kwamba chimwe Chuma, mba chibwe, nyi Zambi kachitayijile?

Yilinga 21:34

Alioze mukachi ka mbunga amwe yaakololoka chichi, akwo yaakololoka chikwo. Mba muze mwata kahashile kusa shindakenyo chize ye mbunga anambe mumu ha Vunda, yaamba atwale Paulu mu zuwo ha tujita.

Yilinga 21:37

Alioze shimbu te himaamunjisa mu zuwo ha tujita, Paulu yahula mwata wa miata ja tujita ngwenyi: “Ngunahase kuhanjika kama chimwe Chuma kuli yena, nyi?” Mwe mwata yamuhula ngwenyi: “Unanyingika greke, nyi?

Yilinga 23:10

Yikubwa Vunda jinji. Mwata wa tujita yevwa woma ngwenyi, hanji maatanuna Paulu yihanda yihanda. Kashika yaha tujita twenyi Shimbi hanga apalumuke mukachi ka mbunga, a chize Paulu mukachi ko, ni kumutwala mu zuwo lia tujita.

Yilinga 23:17

Paulu yatambika umwe wa kuli miata ja tujita, yamwamba ngwenyi: “Twala mukweze yono kuli mwata wenu mumu liji ali nalio lia kumwambulwila.”

Yilinga 23:32

Mba muze hikwacha, yaahichika akwa tuvwalu kuya hamwe nenyi. Akwa kwenda hashi yaahiluka ku zuwo lia tujita.

Yilinga 24:23

Felix yahana Shimbi kuli mwata wa tujita akafunge Paulu kanawa ni kumutala ni meso wika, kanda akakwika niumwe wa kuli masepa jenyi ha kumukwasa.

1 Korintu 3:19

Mumu yize atu akunyonga ngwo, ya mana, ku meso ja Zambi yili uhepuke. Ngwe chize hichinasonewa mu Mukanda wa Zambi ngwo: “Zambi kakwoza akwa mana ni ukanyama wo ene.”