Yilinga 23:12 - Mukanda Wa Zambi 1970

¹² Muze hikwacha, Ayuda yaatwama punga ni kulishinga ngwo: “Kutuchi kulia chibwe kunwa ndoo hitwashiha Paulu.”

MUKANDA USANDU WA ZAMBI 1975

¹² Muze hikwacha amwe a kuli A-Yunda atwahile nikulishinga ngwo, Kutuchi kulia chipwe kunwa ndo hitwashiha Paulu.

Yilinga 23:12 Iomraidhean Croise

Ubutukilo 37:18

Josefe te uchili kusuku muze ayayo amumwene. Muze te kanda achiheta ko, yaamutwama punga akamushihe.

1 Yitanga Ya Mianangana 19:2

Jezebele yatuma liji ni kwambulwila Eliya ngwenyi: “Hamene ha ola yinoyene, nyi chakushihile ngwe chize unakashiha akwa munanyi ja Bale, mazambi jami angushihe.”

1 MIANANGANA 6:31

Mwe mwanangana yalishinga ngwenyi: “Nyi chabatwile mutwe wa Elisha musono, Mwene Zambi angushihe!”

Nehemia 10:29

hitwalichinga hamwe ni miata jetu ha chikuma chino. Twalishinga ngwetu, mutufunga Shimbi ja Zambi, jize Zambi alwezele kavumbi kenyi Mose atulweze: Ngwetu: mutwononokena longeso lieswe lize Mwene Zambi, Zambi yetu matwamba: mutufunga Shimbi jenyi jeswe ni yiyulo yenyi yeswe.

Estere 2:22

Chuma chino Mordekai yachinyingika, yachilweza Estere mwazovu wa mwanangana. Estere neye yachilweza mwanangana mu jina lia Mordekai.

Miaso (Masamu) 31:13

Ngunevu kulinyinyita cha akwa kole anji, nguneevwila woma sali ni sali. Kaanangutwama punga ya kungushiha.

Jeremia 11:19

Yami nabwile ngwe mwana panga chimbovu yoze anatwala ku chishihilo, te Chanyingikine ngwami yami analingi yuma yino. Yaamba ngwo: “Tunungunenu we mutondo shimbu unachilineke ni mihuko; tumushihenu hanga niumwe kechi kamwiwuluka nawa.”

Alevi 27:29

Chibwe mutu, nyi hamujilika liakulu kuli Mwene Zambi, niumwe mahasa kumukula. Chatamba kumushiha.

Mateu 26:4

Yaatwama Yesu punga amukwate ku tenga, amushihe.

Mateu 26:74

Hohene Petulu yabutuka kulikolola ni kulishinga ngwenyi: “Mutu yono chamunyingikine!” Susumuku ndemba yatambika.

Mateu 27:25

Atu eswe yaakumbulula ngwo: “Uhiso ubwe wa yetu ni ana jetu!”

Yilinga 23:13

Waze alishingile, kwoka cho te kuhiana makumi awana.

Yilinga 23:14

No yaakatuka, yaaya kuli mahako a lutwe a Zambi ni makulwana nikwamba ngwo: “Yetu hitunalishingi ni Shingo lino, ngwetu, kutuchi kulia nichimwe ndoo hitwashiha Paulu.

Yilinga 23:21

Alioze kanda waatayiza kwe, mumu malunga kuhiana makumi awana anamujikinyina. Haanalishingi ngwo: ‘Kutuchi kalia chibwe kunwa ndoo hitwamushiha.’ Haliabwila haalilulika. Kaanatwaminyina kumbululo lie.”

Yilinga 23:30

Mba muze haangulweza ngwo, Ayuda kaanamujikinyina, hinakutumina ye nikawashi. Hinambila waze amusumine, akamusume ku meso je.”

Yilinga 25:3

hanga aatayize kuneha Paulu ku Yerusaleme, mumu yaamutwama punga ya kumushiha mu jila.

Yilinga 9:23

Muze matangwa anji haabalika, Ayuda yamutwama punga akamushihe,

Yilinga 9:24

alioze Saulu yevwa hakutwala ku punga yo. Mwalwa ni ufuku Ayuda yaafunga yikolo ya limbo ha kumushiha.

1 Korintu 16:22

Mutu yoze keshi kuzanga Mwene Yesu—Zambi amushinge! Maranata Mwene wetu eze!

2 Korintu 11:26

Muze te nakwendangana, nabwile mu utoji ha kuzala cha njiji, ni utoji wa akwetu jami Ayuda ni wa yilambala. Nabwile ni utoji mukachi ka membo ni wa mu puya, ni utoji wa tulanga lwiji, ni utoji wa akwetu akwo akwa mahuza.

Galashia 3:13

Kristu hanatukula ku Shingo lize Shimbi jakukoka, muze atayijile Shingo lietu. Ngwe Mukanda wa Zambi unambe: “Zambi hanashingi mutu mweswe yoze wazezala ha kulusu.”

1 Tesalonika 2:16

Yaasa tachi kutukanjisa kulongesa liji lia ulamwino kuli waze hi Ayuda ko. Ngwe chino akuzalisa njongo ya milonga yo yize te akulinga matangwa eswe. Zambi kakwatenukina.

Yoshua 6:26

Ha tangwa lize Yoshua yalishinga ngwenyi: “Mweswawo meseka kutungulula limbo lia Yeriku, Mwene Zambi makamushinga. Mweswawo makasa fundamentu makafwisa mwanenyi mutangu. Mweswawo makatungulula yajilo makafwisa kasulasongo.”

Yoshua 7:1

Aisraele kaafungile ko Shimbi jize Mwene Zambi aahele ngwenyi, kanda abuba yuma mu limbo lia Yeriku. Umwe mutu jina lienyi Akane, yakolema Shimbi yize. Mba Mwene Zambi yatenukina Aisraele. (Akane te mwana wa Karmi, mujikulu wa Zabdi, wa ku jimo lia Zera, wa ku vungu lia Yuda.)

Yoshua 7:15

Mweswawo mungukatongola, nyi haamuwana ni yuma yize nasele Shimbi, maakamwocha hamwe ni akwa jiko lienyi ni yuma yenyi yeswe, mumu haneha lamba ni sonyi hali Aisraele, hashiha Usendo wami.”

1 Samuel 14:24

Aisraele te kaanahongo kuhiana ni zala tangwa lize, mumu Saulu hamba ni Shingo ngwenyi: “Kanda nulia chimwe Chuma ndoo chingoloshi, ndoo hinalikala kuli akwa kole jami, yoze malia ashingiwe.” Kashika niumwe hakachi ka atu kalile ko Chuma.