Yilinga 23:11 - Mukanda Wa Zambi 1970

¹¹ Ha ufuku uze, Mwene Yesu yamana hehi ni Paulu, yamba ngwenyi: “Hamuka lume! Hiwangushindakenyena muno mu Yerusaleme. Chizechene nawa Chakutamba kushindakenya ku Roma.”

MUKANDA USANDU WA ZAMBI 1975

¹¹ Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.

Yilinga 23:11 Iomraidhean Croise

Miaso (Masamu) 109:31

mumu iye wakuhakwila yiswale, ni kwalamwina kuli waze akuzanga kwashiha.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 41:14

Mwene Zambi ngwenyi: “Israele, uli mukepe, unalele; alioze kanda wivwa woma, mungukukwasa, Yami Mukwa Kukukula, Munangi wa Aisraele.

Izaya 43:2

Muze muubalika mu meya anji, mungubwa hamwe ni yena; lamba lie kulichi kukumba. Muze muwenda mu kahia, kuuchi kuwema; yeseko yikalu yize muyiza kuyichi kukulemeka.

Izaya 46:10

Chize ku Ubutukilo, yingulumbununa yuma yize muyikeza kulutwe. Ku shakulu nambujolele shimbu kanda yuma yize muyikabwa ko. Yingwamba ngwami, manyonga jami keechi kwalumuka nichimwe, ngwami mungukalinga yuma yeswe yize nanyongene.

Mateu 14:27

Hazehene Yesu yahanjika no ngwenyi: “Hamukenu! Yami mwene, kanda nwivwa woma!”

Mateu 28:20

ni kwalongesa kwononokena yeswe yize nanuhele Shimbi. Nyingikenu ngwenu, nguli hamwe ni yenu matangwa eswe ndoo ku kumanunuka cha mwaka.”

Mateu 9:2

Kuma amwe yaamunehena mukwa kalepa, te kanabombo ha muhela. Muze hamona ufulielo wo, Yesu yambila mukwa kalepa ngwenyi: “Mwanami, hamuka, milonga ye hiyakonekenewa.”

Luka 16:28

kuli anakwetu atano. Aye hanga akaatoweze, kuchina ayo nawa maakeza muma muno mwa kubinda.’

Yoano 14:18

“Chichi kanuhichika ana ashiwa. Mungukeza nawa kuli yenu.

Yoano 16:33

Hinanulweza yuma yino yeswe hanga nukabwe ni uhwimino ha kulinunga ni yami. Munukabwa ni lamba linji hano hashi, alioze hamukenu, hingunakumbu hashi.”

Yilinga 18:9

Ha umwe ufuku, Mwene Yesu yambila Paulu mu Usolwelo ngwenyi: “Kanda wivwa woma, hanjika lume, kanda, uhola,

Yilinga 19:21

Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 2:25

Mumu David hanahanjika kulu hakutwala kuli iye ngwenyi: ‘Namwene mwe Mwene ku meso jami matangwa eswe. Kali ku chindume chami, chichi kwivwa woma nichimwe.

Yilinga 20:22

Talenu, haliabwila ngunayi ku Yerusaleme. Mwiku wa Linanga unangushinjika. Chanyingikine Chuma chize muchikanguwana ko,

Yilinga 22:15

Mumu muukabwa chela chenyi kuli atu eswe ha yeswe yize hiwamona ni yize hiwevwa.

Yilinga 22:18

Yingumona Mwene Yesu. Yangwamba ngwenyi: ‘Lipupwise, ukatuke ku Yerusaleme, mumu atu wano keechi katayiza shindakenyo ye hakutwala kuli yami.’

1 Korintu 9:1

Yami hi nguli mukwa kutusuka ko, nyi? Hanji hi nguli kanganda ka Yesu ko, nyi? Hanji Chamwene Yesu, Mwene wetu, nyi? Hi nuli mihuko ya milimo yami ko, yize nakulingila Mwene, nyi?

Filipu 1:13

Mba tujita eswe twa mwanangana wa Aroma ni akwo eswe kuno kaananyingika ngwo, nguli mu zuwo lia lamba mumu nguli kavumbi ka Kristu.

2 Timoteu 4:17

Alioze Mwene wabwile hamwe ni yami, yangutakamisa. Kashika, nambujolele Sango Jibema kuli eswe waze hi Ayuda ko, ni Mwene Zambi yangupulula ku kanwa lia tambwe.