Yilinga 23:10 - Mukanda Wa Zambi 1970

¹⁰ Yikubwa Vunda jinji. Mwata wa tujita yevwa woma ngwenyi, hanji maatanuna Paulu yihanda yihanda. Kashika yaha tujita twenyi Shimbi hanga apalumuke mukachi ka mbunga, a chize Paulu mukachi ko, ni kumutwala mu zuwo lia tujita.

MUKANDA USANDU WA ZAMBI 1975

¹⁰ Muze Chizungozungo chinene chavundukile, manjolo, nikwivwa woma kuchina matanwona Paulu yihanda, wambile mbunga ya maswalale apalumuke, akamuchize ni tachi mukachi ko, akamunjise mu mbonge.

Yilinga 23:10 Iomraidhean Croise

Miaso (Masamu) 50:22

“Banjikenu yenu waze nwakungulelesa, nyi ka, mungunwonona; kukushi niumwe yoze manulamwina.

Miaso (Masamu) 7:2

Nyi ka, maangupapulula ngwe tambwe, Maangutwala kusuku kuze niumwe mahasa kungupulula.

Mika 3:3

Nwakuumbula atu jami. Nwakuzununa makowa jo, nwakumakwona yifwaha yo, ngwe yifwo ya mu ndeho (yimbia).

Yilinga 21:37

Alioze shimbu te himaamunjisa mu zuwo ha tujita, Paulu yahula mwata wa miata ja tujita ngwenyi: “Ngunahase kuhanjika kama chimwe Chuma kuli yena, nyi?” Mwe mwata yamuhula ngwenyi: “Unanyingika greke, nyi?

Yilinga 22:24

Mwata wa tujita yahana Shimbi kuli tujita ngwenyi, atwale Paulu mu zuwo lia tujita ni kumulamba ni fimbo (shikote), hanga ase chinyingi ha chikuma chize akalumiokenene chocho hali iye.

Yilinga 23:16

Alioze mwihwa wa Paulu yevwa kujikinyina cho. Neye yaya ku zuwo lia tujita, yanjila, yambulwila Paulu maliji waze.

Yilinga 23:27

Lunga yono, Ayuda haamukwata, te kaanazange kumushiha. Alioze muze hinevwa ngwo, kali mwenyaho wa ku wanangana wa Aroma, yinguya ni tujita nikumupulula ku moko jo,

Yilinga 23:28

yinguzanga kunyingika chitela chize amusumine nacho, kashika namutwalile ku Mbunga ya Ngaji jo.

Yilinga 23:32

Mba muze hikwacha, yaahichika akwa tuvwalu kuya hamwe nenyi. Akwa kwenda hashi yaahiluka ku zuwo lia tujita.

Yilinga 24:7

alioze mwata wa tujita Lisia yatulumuka ni kumuchiza ku moko jetu ni tachi jeswe.

2 Korintu 11:26

Muze te nakwendangana, nabwile mu utoji ha kuzala cha njiji, ni utoji wa akwetu jami Ayuda ni wa yilambala. Nabwile ni utoji mukachi ka membo ni wa mu puya, ni utoji wa tulanga lwiji, ni utoji wa akwetu akwo akwa mahuza.

Tiangu (Jake) 1:19

Akwetu akwa Kristu, iwulukenu chino ngwami, mutu mweswe alipupwise kwivwa, alioze abwe makoke kuhanjika, makoke kwivwa wuli.

Tiangu (Jake) 3:14

Alioze, nyi nuli ni ukwa usasu mu mbunge jenu, nawa nyi nwakulichichimieka, kanda nulisamba, ni kanda nuhanjika mahuza ha kulikala umwenemwene.