Yilinga 23:1 - Mukanda Wa Zambi 1970

¹ Paulu yahulikila meso ku Mbunga ya Ngaji ja Ayuda, yamba ngwenyi: “Akwetu, manyonga jami keeshi kunguhisa ku meso ja Zambi hakutwala ku mwono wami ndoo ku tangwa lino.”

MUKANDA USANDU WA ZAMBI 1975

¹ Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino.

Yilinga 23:1 Iomraidhean Croise

Yishima 28:1

Yingulungulu kaakuchina chibwe kukushi yoze unaahange, alioze akwa ululi kaali ni hamu ngwe tambwe.

Mateu 5:22

Alioze yami ngunanwambulwila ngwami, mutu yoze mevwila mukwo ufwatulo, matela ubatwilo. Yoze mambila mukwo ngwenyi: ‘Chihepuke!’ matela ubatwilo ku meso ja Mbunga ya Ngaji ja Ayuda. Yoze mamwamba ngwenyi: ‘Chizuzuke!’ kanatela kuya mu kahia.

Yilinga 22:1

“Akwetu ni atata, ivwenu haliabwila kulisambisa chami ku meso jenu.”

Yilinga 22:30

Mwata wa tujita yazanga kunyingika pundu chikuma chize Ayuda asuminyine Paulu mulonga. Kashika muze hikwacha, yamujitula ngoji. Yahana Shimbi kuli mahako a lutwe ni Mbunga ya Ngaji ja Ayuda kulikungulula. Mba yaneha Paulu, yamusa ku meso jo.

Yilinga 22:5

Mwata wa mahako ni makulwana kaanahase kushindakenya ngwo, ngunahanjika umwenemwene. Natambwile kuli ayo mikanda yize asonekene kuli akwetu Ayuda a ku limbo ha Damasku. Mba nayile mu jila ya Damasku mu kukwata akwa Kristu ni kwaneha ku Yerusaleme ha kwamwesa lamba.”

Yilinga 23:15

Kashika, haliabwila livwenu ni Mbunga ya Ngaji ja Ayuda, nuhanjike kuli mwata wa tujita ngwenu, anehe Paulu ku meso jenu nikusoloka ngwe nunazange kushishika milonga yenyi kanawa. Yetu hitwalilulika ha kumushiha shimbu kanda achiheta.”

Yilinga 23:20

Mukweze yamba ngwenyi: “Ayuda haalitesa ha kukulembejeka kupalumwisa Paulu hamene ku Mbunga ya Ngaji ja Ayuda ni kusoloka ngwe kaanazange kushishika milonga yenyi kanawa.

Yilinga 23:28

yinguzanga kunyingika chitela chize amusumine nacho, kashika namutwalile ku Mbunga ya Ngaji jo.

Yilinga 23:6

Paulu, muze hamona Chihanda cha Asaduseu ni Chihanda cha Afariseu, yakololoka ni liji linene mukachi ka mbunga ngwenyi: “Akwetu, yami nguli Kafariseu, mwana Kafariseu. Nguli kuno ku usopelo mumu ngunase ko mbunge ngwami, afu kumaakahinduka nawa.”

Yilinga 24:16

Che chikuma chino ni yami nawa nakulifumba, hanga ngukabwe ni mbunge yibema ku meso ja Zambi ni atu.

Yilinga 6:15

Eswe waze atwamine mu Mbunga ya Ngaji ja Ayuda yaahulikila Estevau (Etienne) meso, yaamona kulifwa cha meso jenyi ngwe a kanganda ka mwilu.

1 Korintu 4:4

Manyonga ja mu mbunge yami keeshi kunguhisa, alioze chibwe chize chahashile kulisambisa. Mwene Yesu mwe wakungubatwila.

2 Korintu 1:12

Ha chikuma chino twakulisamba ngwetu, manyonga jetu kaakutusongwela chize tubwa hano hashi, ni chize twakuliendela nenu. Chinalite ni umwenemwene ni ulinange ku tachi ja utu wa Zambi, alioze hi kuliendela ko ni mana ja atu.

2 Korintu 4:2

Hitunehuka yuma yeswe ya kuhengeka ni ya sonyi. Kutushi kwonga atu, kutushi kwalumuna maliji a Zambi. Yuma yize twakulinga kutushi kuyisweka, mumu yili yamwenemwene. Twakuyilinga ku meso ja atu eswe ni ku meso ja Zambi, hanga mutu mweswe ayifuliele mu mbunge yenyi.

2 Timoteu 1:3

Ngunasakwila Zambi, yoze nakulingila ni mbunge yibema, ngwe chize alingile tushakulu twami. Nakumusakwila muze nakunwiwuluka mu yilemba yami, ufuku ni mwalwa.

Hebreu 13:18

Nyongononenu ni kutulembela Zambi. Tunanyingika kanawa ngwetu, tuli ni manyonga waze keeshi uhiso, mumu tunazange kulinga kanawa matangwa eswe.

1 Petulu 3:16

Alioze Chilingenu ni uhomboloji ni vumbi. Bwenu ni mbunge yibema, hanga waze akunushililika ha yitanga yibema yize nwakulinga mumu nuli akwa Kristu, akevwe sonyi.