Yilinga 22:6 - Mukanda Wa Zambi 1970

⁶ “Muze nendele mu wenyi nikukundama ku Damasku, tangwa ha muchima, susumuku pangu ha mwilu yilingupangukila.

MUKANDA USANDU WA ZAMBI 1975

⁶ Shimbu nendele mu wenyi nikukundama ku Ndamaseku, ngwe tangwa ha muchima, susumuku mwahenyene mwilu pangu linene ha kungujingilika.

Yilinga 22:6 Iomraidhean Croise

Ubutukilo 14:15

Ku limbo lize Abrama yaahandununa tujita twenyi. Mba ha ufuku yaasa jita ni mianangana waze, yaakumba, yaahanga ndoo ku limbo lia Hoba, ku norde lia limbo lia Damasku.

Ubutukilo 15:2

Alioze Abrama yakumbulula nyi: “Mwene Zambi, Chawana chika muchingukwasa? Chishi mwana, ni Eliezere wa ku Damasku makaswana ubite wami.

2 Samuel 8:6

Mba yasa misumba ya tujita mu chifuchi cho; no yaalumuka yilolo jenyi, yaamulambwola milambu. Mwene Zambi yakwasa David kukumba kweswako ayile.

Izaya 24:23

Henaho kakweji makalaa, tangwa nelio kulichi katwa mwalwa, mumu Mwene Zambi Mukwa Ndundo Jeswe makabwa mwanangana. Ha mulundu wa Zione mu Yerusaleme, makayula; miata ja atu maakamona uhenya wenyi.

Mateu 17:2

Mba kusoloka chenyi yichalumuka ku meso jo; meso jenyi yaahenya ngwe tangwa; mahina jenyi yaabwa atoma ngwe Pangu.

Yilinga 22:7

Yingulimbuka hashi. Yingwivwa liji lize liangwambile ngwo: ‘Saulu, Saulu, kuchi unanguhungumiona?’

Yilinga 23:9

Yikubwa zungo linji. Amwe alongeshi a Shimbi, a ku mbunga ya Afariseu, yaakatuka nikuhamika chikolo ngwo: “Kutushi kuwana chibi nichimwe muli yono mutu. Tangwa likwo mwiku wa Zambi hanji kanganda ka mwilu unakahanjika nenyi.”

1 Korintu 15:8

Hakusula yangusolokela yami, chibwe nguli ngwe mwana wa kuselumuna.

Usolwelo 1:16

Te kanakwata matongonoshi shimbiali mu kwoko lienyi lia chindume, ni mukwale wambuka yiutuhuka mu kanwa lienyi. Meso jenyi yabeyima ngwe tangwa ha muchima.