Yilinga 22:5 - Mukanda Wa Zambi 1970

⁵ Mwata wa mahako ni makulwana kaanahase kushindakenya ngwo, ngunahanjika umwenemwene. Natambwile kuli ayo mikanda yize asonekene kuli akwetu Ayuda a ku limbo ha Damasku. Mba nayile mu jila ya Damasku mu kukwata akwa Kristu ni kwaneha ku Yerusaleme ha kwamwesa lamba.”

MUKANDA USANDU WA ZAMBI 1975

⁵ Chizechene ngwe sasendote mukwa lutwe, ni makulwana eswe kanangushindakenya: kuli ayo nawa natambwile mikanda kuli mandumbu, nayile wenyi ku Ndamaseku, mukuneha waze nawa apwileko a kukasa ku Yerusaleme, akaalambe.

Yilinga 22:5 Iomraidhean Croise

Luka 22:66

Muze hikwacha, makulwana ja Ayuda ni mahako a lutwe a Zambi ni alongeshi a Shimbi yaalikungulula, yaatwala Yesu ku meso ja Mbunga yo ya Ngaji,

Yilinga 1:15

Ha matangwa waze, Petulu yamana hakachi ka akwa kufuliela. Ayo eswe te ngwe kulakaji ni makumi aali. Neye yamba ngwenyi:

Yilinga 13:26

“Akwetu, ana ja Abrahama, Zambi hanatumu sango jino ja ulamwino kuli yetu, ni kuli yenu waze nwakuwayila Zambi hamwe ni Ayuda.

Yilinga 2:29

“Akwetu, ngutayizenu kama kuhanjika mwazu kuli yenu hakutwala kuli kashakulu ketu David. Hanafu, haanamufundu. Fuka lienyi lili mukachi ketu ndoo musono uno.

Yilinga 22:1

“Akwetu ni atata, ivwenu haliabwila kulisambisa chami ku meso jenu.”

Yilinga 23:1

Paulu yahulikila meso ku Mbunga ya Ngaji ja Ayuda, yamba ngwenyi: “Akwetu, manyonga jami keeshi kunguhisa ku meso ja Zambi hakutwala ku mwono wami ndoo ku tangwa lino.”

Yilinga 23:6

Paulu, muze hamona Chihanda cha Asaduseu ni Chihanda cha Afariseu, yakololoka ni liji linene mukachi ka mbunga ngwenyi: “Akwetu, yami nguli Kafariseu, mwana Kafariseu. Nguli kuno ku usopelo mumu ngunase ko mbunge ngwami, afu kumaakahinduka nawa.”

Yilinga 26:10

Chenacho nalingile mu Yerusaleme. Yingutambula chiyulo kuli mahako a lutwe a Zambi, mba yingusa akwa kufuliela anji mu zuwo lia lamba. Ni muze abatwile ha kwashiha, yinguchitayiza.

Yilinga 26:11

Yisuho yinji naamwesene lamba mu mazuwo ja kuwayila, nikwashinjika kulikala ufulielo wo. Yingwevwila ufwatulo, yingwahungumiona ndoo ku membo ja yilambala.”

Yilinga 26:12

“Chenacho nayile ku limbo lia Damasku ni chiyulo ni tachi ja mahako a lutwe a Zambi.

Yilinga 28:17

Muze matangwa atatu haabalika, Paulu yatambika akwa lutwe ja Ayuda. Muze haalikungulula, yaamba ngwenyi: “Akwetu, chalingile chibi nichimwe kuli usoko wetu Ayuda, hanji hakutwala ku ndako ja tushakulu twetu. Hindu yaangukwata ku Yerusaleme, yaangukunjika kuli Aroma.

Yilinga 28:21

No yaamukumbulula ngwo: “Yetu kutwatambwile mukanda niumwe ku chifuchi cha Yudea mumu hali yena. Chibwe mukachi ka akwetu, mutu niumwe unakeza ni kutunyingikisa hanji kwamba chibi chimwe hali yena.

Yilinga 3:17

“Akwetu, ngunanyingika kanawa ngwami, yenu ni akwa kuyula jenu nwachilingile ni kwalajala.

Yilinga 4:5

Muze hikwacha, akwa kuyula ja Ayuda, ni makulwana, ni alongeshi a Shimbi yaalikungulula mu Yerusaleme.

Yilinga 5:21

Tunganda yoononoka. Muze hikwacha, yaaya mu zuwo lia Zambi, yaabutuka kulongesa. Muze mwata wa mahako ni waze te akuliendela nenyi haaheta, yaakungulula makulwana eswe hanga Mbunga ya Ngaji ja Ayuda asopese tunganda twa Yesu. Mba yaatuma liji ku zuwo lia lamba hanga anehe tunganda.

Yilinga 9:14

Kezanga kuno ku Damasku ni chiyulo kuli mahako a lutwe cha kukwata eswe waze akufuliela jina lie.”

Galashia 1:13

Hinunevu ngwe chize nalingile muze nalihanyine ku kuwayila cha Ayuda. Nunanyingika chize nahungumionene, ni chize nenyekene Chikungulwila cha Zambi nikweseka kuchonona.

Filipu 3:6

Hakutwala ku kuzangumioka, nahungumionene Chikungulwila. Hakutwala ku ululi uze wakwiza ha kufunga Shimbi, chabwile kwami ni chitela.

1 Timoteu 4:14

Kanda ulelesa chawana cha mana chize uli nacho, chize watambwile muze akwa munanyi a Zambi ahanjikile ni muze makulwana akusele moko.