Yilinga 22:3 - Mukanda Wa Zambi 1970

³ “Yami nguli Kayuda. Nasemukine mu Tarsu, limbo ha mu chifuchi cha Silisia. Alioze yaangulelela mu limbo lino. Gamaliele mwe wangulongesele kanawa Shimbi ja tushakulu twetu. Nalihanyine kuli Zambi ngwe chize nwakulihana yenu musono.

MUKANDA USANDU WA ZAMBI 1975

³ iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino.

Yilinga 22:3 Iomraidhean Croise

2 Samuel 21:2

(Akwa Gibeone, hi Aisraele ko, te mbunga yikepe ya Aamore waze Aisraele alakenyene kwafunga. Alioze Saulu yafupa kwashiha mumu iye mwene yalihana liakulu kuli Aisraele ni Ayuda.)

1 MIANANGANA 4:38

Umwe mwaka, muze mu chifuchi cheswe mwabwile zala, Elisha yahiluka ku limbo lia Gilgale. Muze te analongesa mbunga ya akwa munanyi ja Zambi, yambila kavumbi kenyi anangike lundeho (yimbia) ha jiko atelekele akwa munanyi yimwe yakulia.

Luka 10:39

Neye yabwa ni mwanakwo umuwika, jina lienyi Maria. Neye yatwama ku molu ja Mwene, yevwavwa yize te analongesa.

Luka 2:46

Ha tangwa lia muchitatu, yaamuwana mu zuwo lia Zambi lia Ayuda. Te kanatwama mukachi ka alongeshi ja Ayuda, ni kwabanjika ni kwahula yihula.

Luka 8:35

Atu yaatuhuka ni kutala chize chabwile, yaaheta kuli Yesu, yaamona mutu muli yoze mwatuhukile mwiku wa luchisa, kanatwama ku molu ja Yesu, hazala mahina, habwa ni manyonga a utu, mba atu yeevwa woma.

Yilinga 11:25

Hohene Barnaba yaya ku limbo lia Tarsu nikufupa Saulu.

Yilinga 15:23

Tunganda yaaha mukanda uno ha kutuma ko. Ngwo: “Yetu tunganda twa Yesu ni makulwana, usoko wenu mu ufulielo, tunanumeneka yenu akwetu hi Ayuda ko nwatwama mu limbo lia Antiokia, ni mu chifuchi cha Siria, ni cha Silisia.

Yilinga 15:41

Yeendangana ndusu mu chifuchi cha Siria ni cha Silisia nikutakamisa Yikungulwila.

Yilinga 21:20

No, muze haachivwa, yaachichimieka Zambi, yamwamba ngwo: “Mukwetu, unamono tununu twa atu hakachi ka Ayuda haafuliela. Eswe kaakulisela ku Shimbi.

Yilinga 21:39

Paulu ngwenyi: “Yami nguli Kayuda wa ku Tarsu mu chifuchi cha Silisia. Nguli mwenya limbo ha lufuma. Ngutayize kama ngunakulembe nguhanjike ni atu.”

Yilinga 23:34

Muze mukwa kuyula hatanga mukanda, yahula Paulu chifuchi chenyi. Ha kunyingika ngwenyi, kali wa ku Silisia,

Yilinga 23:6

Paulu, muze hamona Chihanda cha Asaduseu ni Chihanda cha Afariseu, yakololoka ni liji linene mukachi ka mbunga ngwenyi: “Akwetu, yami nguli Kafariseu, mwana Kafariseu. Nguli kuno ku usopelo mumu ngunase ko mbunge ngwami, afu kumaakahinduka nawa.”

Yilinga 26:5

Kaanangunyingika kulu. Maahasa kushindakenya, nyi kaanazange. Nguli wa ku mbunga yize ya Afariseu, waze akwete tachi jahiana ja kuwayila Zambi.

Yilinga 26:9

“Chamwenemwene, yami mwene nanyongene ngwami, Changutamba kulinga yuma yeka ni yeka ha kujimuna jina lia Yesu Kanazare.

Yilinga 5:34

Alioze mu Mbunga yize yimubwa Kafariseu umuwika, jina lienyi te Gamaliele, longeshi ya Shimbi. Atu eswe te kaakumusa vumbi. Neye yakatuka, yahana Shimbi atuhwise tunganda haze hakepe.

Yilinga 6:9

Alioze yikukatuka amwe akwa kuvundula a ku zuwo lia kuwayila, lize te akuvuluka ngwo: “Kule.” Mukachi ko yimubwa Ayuda a ku membo ja Sirene, ni Alexandria. No yaabutuka kuhamika ni Estevau (Etienne) hamwe ni Ayuda akwo a ku Silisia ni Asia.

Yilinga 9:1

Alioze Saulu te kasolo kulitwamina kuhalila mu kushiha tumbaji twa Mwene Yesu. Yaya kuli mwata wa mahako,

Yilinga 9:11

Mwene ngwenyi: “Katuka, uye mu jila yize akuvuluka ngwo, Jila Yalulama. Yako ku zuwo lia umwe mutu, jina lienyi Yuda. Uhule mutu wa ku Tarsu, jina lienyi Saulu—kanalembe.

Yilinga 9:30

Muze akwa kufuliela haachivwa, yaatwala Saulu ku limbo lia Sesareai nikumutuma ku limbo lia Tarsu.

A-ROMA 11:1

Ngunahula ngwami, Zambi hanambila atu jenyi, nyi? Ngwami, ka lume! Mumu yami mwene nawa nguli Kaisraele; kashakulu kami Abrahama; vungu liami Benjamine.

2 Korintu 11:22

Ayo kaali Ahebreu? Ni yami nawa. Kaali Aisraele? Ni yami nawa. Kaali a ku Chikota cha Abrahama? Ni yami nawa.

Galashia 1:14

Mukachi ka usoko wami a miaka yimuwika ni yami, naahianyine mu kuwayila cha Ayuda. Nalihanyine kuhiana mu ndako ja tushakulu twetu.

Galashia 1:21

Hohene, yinguya mu yifuchi ya Siria ni Silisia.

Shimbi 33:3

Mwene Zambi kakuzanga atu jenyi, kakufunga waze nienyi. Kashika tuliumbenu ku molu jenyi, tufungenu Shimbi jenyi.