Yilinga 22:25 - Mukanda Wa Zambi 1970

²⁵ Alioze shimbu amukashile ni kusa hanga amulambe, Paulu yahula mwata wa tujita yoze te uli ko ngwenyi: “Chinalite ni Shimbi ha kulamba mwenyaho wa ku wanangana wa Aroma yoze kanda achimusopesa, nyi?”

MUKANDA USANDU WA ZAMBI 1975

²⁵ Alioze shimbu machimukesa ni yikapa, Paulu wambile kuli kapitau, yoze wamanyineko ngwenyi, Kuchinate ni shimbi kulamba ni shikote mutu Ka-Roma shimbu kanda amusopesa, nyi?

Yilinga 22:25 Iomraidhean Croise

Mateu 10:17

Kanyamenu, mumu atu maakanukwata, maakanukunjika ku Mbunga ya Ngaji ja Ayuda, maakanulamba ni fimbo (shikote) mu mazuwo jo a kuwayila.

Mateu 27:54

Muze mwata wa tujita ni e tujita waze afungile Yesu haamona kunyika cha hashi ni yize yeswe yabwile ko, yeevwa woma unji, yaamba ngwo: “Chamwenemwene yono mwe Mwana Zambi.”

Mateu 8:8

Alioze mwe mwata yamukumbulula ngwenyi: “Mwene, yami chatelele nichimwe yena unjile mu zuwo liami, alioze amba liji wika mba kavumbi kami kumahinduka.

Yilinga 10:1

Yikubwa umwe lunga mu limbo lia Sesarea, jina lienyi Korneliu, mwata wa mbunga ya tujita yize anayivuluka ngwo: “Mbunga ya Italia.”

Yilinga 16:37

Alioze Paulu yakumbulula tujita ngwenyi: “Haatulamba ku meso ja atu eswe, kaatusopesele ko chibwe tuli enyaho ku wanangana wa Aroma. Haatunjisa mu zuwo lia lamba. Haliabwila atutuhwise ku tenga, nyi? Ka! Eze ayo ene atutusule.”

Yilinga 22:26

Ha kwivwa liji lino, mwata wa tujita yaya ni kuhula mwata wenyi ngwenyi: “Kuchi unambe kulinga? Mutu yono kali mwenyaho wa ku wanangana wa Aroma!”

Yilinga 23:17

Paulu yatambika umwe wa kuli miata ja tujita, yamwamba ngwenyi: “Twala mukweze yono kuli mwata wenu mumu liji ali nalio lia kumwambulwila.”

Yilinga 23:27

Lunga yono, Ayuda haamukwata, te kaanazange kumushiha. Alioze muze hinevwa ngwo, kali mwenyaho wa ku wanangana wa Aroma, yinguya ni tujita nikumupulula ku moko jo,

Yilinga 25:16

Yingwaambulwila ngwami: ‘Aroma keeshi ni ndako ya kukunjika yoze anasumu mulonga, shimbu kanda achimana ku meso ja waze anamusumu, nyi kanda achibwa ni tangwa lia kukumbulula ku kusuma chize.’

Yilinga 27:1

Muze habatula ngwo, mutwenda mu ulungu ku chifichi cha Italia, yaakunjika Paulu ni funge akwo kuli mwata wa tujita, jina lienyi Juliu, wa ku mbunga ya tujita yize anavuluka ngwo, Mbunga ya mwanangana wa Aroma,

Yilinga 27:3

Muze hikwacha yituheta ku limbo lia Sidone. Juliu yalweza utu kuli Paulu, yamutayiza kuya kuli masepa jenyi, amuzumbule.

Yilinga 27:43

Alioze mwata wa tujita yazanga kulamwina Paulu. Kashika yaakinda kuchilinga, alioze yaaha malunga eswe Shimbi, ngwenyi, waze anyingika kusana maaumbila mu meya hatangu nikusana ndoo maatuhuka ku tunda.