Yilinga 22:16 - Mukanda Wa Zambi 1970

¹⁶ Mba haliabwila kuchi unalaluka? Katuka, akupapachise, ulikose milonga ye ha kulemba kuli Yesu Kristu.’ ”

MUKANDA USANDU WA ZAMBI 1975

¹⁶ Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.

Yilinga 22:16 Iomraidhean Croise

Miaso (Masamu) 119:60

Mungulipupwisa kufunga Shimbi je, chichi kulaluka.

Miaso (Masamu) 51:2

Ngusanyise liakulu ku uhenge wami, ngubemese kama ku shili yami!

Jeremia 8:14

Atu ja Zambi kaanalihula ngwo; “Ayenu, kuchi mba tunalihulika chichize nee? Tukatukenu, tuchinyine ku membo akukoleka, tukafwile ko, mumu Mwene Zambi hatutakwila kufwa; hatwaha ulembe usasu ha kunwa, mumu hitwamuvulumuna.

Yoano 13:8

Petulu ngwenyi: “Ka! Kuuchi kusanyisa molu jami nichimwe!” Yesu ngwenyi: “Nyi chichi kukusanyisa, kuuchi kubwa kambaji kami nichimwe.”

Yilinga 2:21

Hohene mweswawo malemba ngwenyi, Mwene ungulamwine kama, mamulamwina.’

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 7:59

Muze te anamwase mawe, Estevau (Etienne) yakololoka ngwenyi: “Mwene Yesu, tambula kama mwono wami.”

Yilinga 9:14

Kezanga kuno ku Damasku ni chiyulo kuli mahako a lutwe cha kukwata eswe waze akufuliela jina lie.”

Yilinga 9:18

Hazehene yuma yalifwa ngwe mahalo ja yishi yiiholoka mu meso ja Saulu, neye yamona nawa, yakatuka, mba Anania yamupapachisa.

1 Korintu 1:2

Tunanumeneka akwa Chikungulwila cha Zambi mu limbo lia Korintu. Zambi hananutambika ha kubwa akwa kulinanga. Nwakuliendela hamwe nenyi mu kulinunga ni Kristu Yesu. Tunameneka nawa eswe a kuma kweswe waze akuwayila Zambi mu jina lia Mwene Yesu Kristu, Mwene wo kanda niwetu.

1 Korintu 12:13

Chimuwika nawa, yetu eswe, Ayuda ni waze hi Ayuda ko, ndungo ni enyaho, hanatupapachisa ni Mwiku umuwika hanga tubwe mujimba umuwika. Yetu eswe hanatunwisa kuli Mwiku umuwika.

1 Korintu 6:11

Amwe hakachi kenu nwabwile chizechene, alioze hinunalibemesa ku shili. Zambi hananupwisa akwa kulinanga kanda akwa ululi, mu jina lia Mwene Yesu Kristu ni Mwiku wa iye mwene, Zambi.

Galashia 3:27

Haananupapachisa mu kulinunga ni Kristu. Hinunazala ndako ja Kristu ngwe mahina.

Efesu 5:26

Yachilinga hanga akunjike Chikungulwila kuli Zambi; yachilinga ni liji lienyi muze hachibemesa ni meya.

Titu 3:5

yatulamwina, hi mumu ha yitanga ya ululi ko yize twalingile, alioze mumu watuvwilile keke. Yatulamwina ku kubemesa cha Mwiku wa Linanga, ku kusemuka chaha ni ku mwono Waha.

Hebreu 10:22

Kashika tukundamenu kuli Zambi ni mbunge yamwenemwene, ni ufulielo wa tachi, ni mbunge yakubemesa, ni mujimba wakusanyisa ni meya abema.

1 Petulu 3:21

Meya aze kaanalifu ngwe upapachiso uze unanulamwina haliabwila. Upapachiso kuushi kuchiza majilo ja mujimba, alioze kuuli chilakenyo kuli Zambi ni mbunge yibema. Kuwakunulamwina ku uhindukilo wa Yesu Kristu ku kufwa.