Yilinga 22:15 - Mukanda Wa Zambi 1970

¹⁵ Mumu muukabwa chela chenyi kuli atu eswe ha yeswe yize hiwamona ni yize hiwevwa.

MUKANDA USANDU WA ZAMBI 1975

¹⁵ Mumu kumukapwa chela hali iye kuli atu eswe, ha chize hiwamona, ni chize hiwevwa.

Yilinga 22:15 Iomraidhean Croise

Yoano 15:27

Ni yenu nawa, munukashindakenya hali yami, mumu nwabwile hamwe ni yami chize ku kabutu.”

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 22:14

Neye yamba ngwenyi: ‘Zambi ya tushakulu twetu hanakutongola hanga unyingike upale wenyi, hanga umone mwe Mukwa Ululi, ni kwivwa liji lienyi.

Yilinga 23:11

Ha ufuku uze, Mwene Yesu yamana hehi ni Paulu, yamba ngwenyi: “Hamuka lume! Hiwangushindakenyena muno mu Yerusaleme. Chizechene nawa Chakutamba kushindakenya ku Roma.”

Yilinga 26:20

Alioze hatangu yingwambujola mu Damasku ni mu Yerusaleme, mba mu chifuchi cheswe cha Yudea, ni mukachi ka waze hi Ayuda ko. Yingwambujola ngwami: ‘Alumukenu ku mbunge, nutewulukile kuli Zambi. Nulinge yitanga yize yinalweze kwalumuka cha ku mbunge.’

Yilinga 27:24

Ngwenyi: ‘Paulu, kanda wivwa woma! Chakutamba kumana ku meso ja mwanangana wa Aroma. Ni chikwo nawa, Zambi, ku utu wenyi, hakwaha mwono wa eswe waze unazauka no.’

Yilinga 4:20

Mumu yetu kutwahashile kuhola ha yize twevwile ni yize twamwene.”