Yilinga 22:12 - Mukanda Wa Zambi 1970

¹² “Yikubwa umwe mutu, jina lienyi Anania, mukwa kuwayila Zambi, yoze wononokenene Shimbi jetu. Ayuda eswe a mu Damasku yaamushindakenya ngwo, kali mubema.

MUKANDA USANDU WA ZAMBI 1975

¹² Mba umwe Ananiya, mukwa kuwayila Zambi nikulita ni shimbi, mukwa Shindakenyo kuli A-Yunda eswe, atwamineko,

Yilinga 22:12 Iomraidhean Croise

Luka 2:25

Mu Yerusaleme yimubwa umwe lunga, jina lienyi te Simone, mukwa ululi, mukwa kuwayila Zambi. Te kakushimbwila ulamwino wa Israele. Mwiku wa Linanga yiubwa muli iye.

Yilinga 10:22

No yaamukumbulula ngwo: “Mwata wa tujita Korneliu unakatutuma. Kali mukwa ululi, ni kakuwayila Zambi hamwe ni Ayuda. Ayo eswe kaakumushindakenya. Kanganda ka mwilu wamulwezele ha kwiza ni kukusaka, uye ku zuwo lienyi akevwe maliji kuli yena.”

Yilinga 17:4

Akwo hakachi ko yaafuliela, yaalichinga ni Paulu ni Sila. Chimuwika nawa, mbunga yinene ya Agresia akwa kuwayila Zambi, ni mapwo anji a lufuma yaafuliela.

Yilinga 6:3

Ha chino, akwetu, Sakulenu a kuli yenwene malunga shimbiali a lufuma mubema, anazala ni Mwiku wa Linanga, akwa mana, hanga twaahe milimo yino.

Yilinga 8:2

Amwe akwa kuwayila Zambi yaafunda Estevau (Etienne), yaamulila mbimbi chikolo.

2 Korintu 6:8

Kaakutulemesa ni kutuvwisa sonyi. Kaakutushililika ni kutuchichimieka. Kaakutumona ngwe tuli akwa mahuza, alioze twakuhanjika umwenemwene;

1 Timoteu 3:7

Chamutamba kubwa ni shindakenyo yibema kuli waze hi akwa Kristu ko, hanga kechi kulimbuka mu milonga ya sonyi ni mu muheto wa Sakwonga.

Hebreu 11:2

Zambi yatayiza tushakulu mumu ha ufulielo wo.

3 Yoano 1:12

Atu eswe kaakuchichimieka Demetriu, maliji waze kaali amwenemwene. Yetu tunamuchichimieka. Unanyingika ngwe, yize twakwamba yili yamwenemwene.