Yilinga 21:9 - Mukanda Wa Zambi 1970

⁹ Lunga yono wabwile ni anenyi awana a mapwo waze kaayile ko ku malo, te akwa munanyi a Zambi.

MUKANDA USANDU WA ZAMBI 1975

⁹ Achi, yono wapwile ni anenyi a mapwo awana, waze kanda aya ulo, akwa kuprofeteza.

Yilinga 21:9 Iomraidhean Croise

1 MIANANGANA 22:14

Chenacho Hilkia, ni Ahikame, ni Akbore, ni Shafane, ni Asaya ayile ni kuhula umwe pwo Hulda, mukwa munanyi yoze te watwama ku chota chaha cha Yerusaleme. (Lunga lienyi Shalume, mwana wa Tikva mujikulu wa Harhasa, te mukwa kufunga mahina a mu zuwo lia Zambi.) Yaamulumbunwina yuma yize yeswe.

Nehemia 6:14

Yingulemba ngwami: “Aa Zambi, iwuluka chize Tobia ni Sambalate haalinga, amwese kama lamba. Iwuluka nawa pwo yoze mukwa munanyi Nodia ni akwa munanyi akwo eswe waze anakazanga kunguvwisa woma.”

Kutuhuka 15:20

Mba mukwa munanyi Miriame, ndumbwa Arone, yanda muyaya, yabutuka kwimba, ni mapwo eswe ja Aisraele yaamukaula nikwimba miyaya ni kuhangana.

Ezekiel 13:17

Mwene Zambi yamba ngwenyi: “Mwana mutu, haliabwila achitala mapwo a hakachi ka atu je waze akulongesa munanyi wa yuma yize muyiza ho, ahise.

Joele 2:28

“Kulutwe mungukamwangina Mwiku wami wa linanga muli atu eswe: ana jenu a malunga ni a mapwo maakambujola yuma yize muyikeza ho. Tushinakaji twenu maakalota yilota, akweze jenu maakamona Usolwelo.

Luka 2:36

Yikubwa nawa umwe pwo mukwa munanyi, Ana, mwana wa Fanwele, wa ku vungu lia Asere. Yabwa ku ulo miaka shimbiali, mba yatwama twamishi miaka makumi nake ni yiwana ndoo ku ushinakaji wenyi. Te keshi kukatuka mu zuwo lia Zambi, alioze yanyongonona mu kuwayile mwalwa ni ufuku, ni kulitwamina kulia, ni kuliumba.

Yilinga 13:1

Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

Yilinga 2:17

‘Ha matangwa akusula mungukalinga chino. Mungukamwangina Mwiku wami wa Linanga muli atu eswe. Ana jenu a malunga ni a mapwo maakambujola yuma yize muyikeza ho. Akweze jenu maakamona Usolwelo; tushinakaji twenu maakalota yilota.

1 Korintu 7:38

Chenacho, yoze unambata pwo lienyi kanalingi kanawa, alioze yoze keshi kumbata, kanalingi kanawa kuhiana.

Usolwelo 2:20

Alioze chibi chize ngunakumwena chino: wakutayiza pwo yoze Jezebele, yoze wakulivuluka ngwenyi, mukwa munanyi wa Zambi. Kakupiangula tuvumbi twami mu kulinga utanji, ni ha kulia yifwo yize akulambula ku mahamba.

Akwa Kuyula 4:4

Debora mukwa munanyi, pwo lia Lapidote, te ngaji wa Aisraele.