Yilinga 21:5 - Mukanda Wa Zambi 1970

⁵ Muze hitwatwama matangwa shimbiali mu limbo lize, yitukatuka ni kuya mu jila yetu, ayo eswe, ni mapwo jo ni ana jo, yaatushinjikila ndoo haze lia limbo. Yitusa makungunwa hashi ku mbumbulu ya kalunga lwiji, yitulemba.

MUKANDA USANDU WA ZAMBI 1975

⁵ Alioze muze te hitwatwama matangwa, twakatukile, twayile mu wenyi wetu; o eswe ni akwo-mapwo ni ana, atushinjikilile ndo haze lia limbo, mba nikuliumba makungunwa ha ngenge ya kalunga twalembele, twalishikile umwe ni mukwo ni mukwo;

Yilinga 21:5 Iomraidhean Croise

1 Yitanga Ya Mianangana 8:54

Muze mwanangana Solomone hamanununa kulemba kuli Mwene Zambi, yakatuka kulutwe lia chilumbilo, kuze te anafukama ni kwolola moko kwilu.

2 Sango Ja Mianangana 20:13

Malunga eswe ja Yuda, hamwe ni mapwo ni ana jo, te kaanamana kulutwe lia zuwo lia Zambi.

Nehemia 12:43

Ha tangwa lize yaalambula milambu yinji. Atu yaawahilila kuhiana mumu Zambi yaawahisa. Mapwo ni ana yaalichinga ni yetu ni kuwahilila. Milolo yize akololokele yiiheta ndoo kusuku.

Miaso (Masamu) 95:6

Tweyenu, tufukamenu tumuwayile, tusenu makungunwa hashi ku meso ja Mwene Zambi, Tangi yetu.

Mateu 14:21

Waze alile, kwoka cho ngwe tununu atano a malunga, kuweza mapwo ni ana.

Marku 1:40

Mukwa mbumba yeza kuli Yesu, yaliumba ha makungunwa ku meso jenyi ngwenyi: “Nyi unazange, muuhasa kama kungubemesa.”

Luka 22:41

Mba Yesu yasenya kulutwe ngwe kachipinji ka kukonga cha liwe, yasa makungunwa hashi, yalemba

Yilinga 15:3

Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 17:10

Hazehene ha ufuku, akwa Kristu yaatwala Paulu ni Sila ku limbo lia Berea. Muze haaheta ko, yaanjila mu zuwo lia kuwayila lia Ayuda.

Yilinga 20:36

Muze te hamba yuma yino, Paulu yasa makungunwa hashi hamwe ni ayo eswe, yalemba.

Yilinga 20:38

Yeevwa chinyengo chahiana ha maliji waze ambile ngwenyi: “Kunuchi kangumona nawa.” No yaamushinjikila ndoo ku ulungu.

Yilinga 9:40

Petulu yatuhwisa atu eswe, yasa makungunwa hashi, yalemba, mba yatewuluka ku mujimba, ngwenyi: “Tabita, hinduka!” Neye yalaula, yamona Petulu, yahinduka.

Yoshua 24:15

Nyi kunwazangile kumulingila, hitongolenu musono yoze munulingila, mazambi waze tushakulu twenu te akukombelela mu Mesopotamia hanji mazambi ja Aamore, a mu chifuchi chize nwatwama haliabwila. Alioze yami ni akwa jiko liami mutulingila Mwene Zambi.”

Yoshua 8:35

Yoshua yatanga Shimbi jeswe ja Mose ku meso ja atu. Mu mbunga yimubwa mapwo, ni ana, ni njize waze te atwama mukachi ko.