Yilinga 21:4 - Mukanda Wa Zambi 1970

⁴ Yituwana tumbaji, mba yitutwama ko matangwa shimbiali. Ku tachi ja Mwiku wa Linanga, e tumbaji yaambila Paulu ngwo: “Kanda uya ku Yerusaleme.”

MUKANDA USANDU WA ZAMBI 1975

⁴ Ni se twawanyine tumbaji, twasalileko matangwa shimbiali: waze ambile kuli Paulu ku tachi ja Spiritu ngwo, Kanda ukakanduka ku Yerusaleme.

Yilinga 21:4 Iomraidhean Croise

Mateu 10:11

“Muze munukaheta mu limwe limbo hanji mu chimwe chihunda, fupenu yoze mazanga kunuzumbula. Mba twamenu ku mahienyi ndoo munukakatuka kwe kuze.

Yilinga 11:26

Muze hamumona, yamutwala ku Antiokia. Mwaka wa muundu yaakunguluka hamwe ni akwa Chikungulwila, yaalongesa mbunga yinene. Ku Antiokia, kwenako aliangile kuluka tumbaji ngwo, akwa Kristu.

Yilinga 19:1

Muze te Apolo achili ku limbo lia Korintu, Paulu yabalika ndusu mu yifuchi ya ku tunda, yaheta ku limbo lia Efesu, yawana ko amwe tumbaji,

Yilinga 21:16

Amwe tumbaji a ku Sesarea yaaya hamwe ni yetu, yaatuhetesa ku zuwo lia Nasone, mutu wa ku tungu lia Shipre, hanga tukatwame ko. Mutu yono te kambaji mukulu.

Yilinga 28:14

Kwenako twawanyine akwetu akwa Kristu. Yaatulembela ha kutwama no matangwa shimbiali. Mba yituheta ku limbo lia Roma.

Yilinga 9:16

Yami mwene mungukamulweza lamba lize chamutamba kumona mumu ha jina liami.”

2 Timoteu 1:17

Alioze muze haheta mu Roma, yangufupafupa ni mbunge yeswe ndoo ni muze angumwene.

Usolwelo 1:10

Ha tangwa lia Mwene Yesu, Mwiku wa Linanga wanguyulile, mba yingwivwa liji linene kunyima liami ngwe lia chitavwi,