Yilinga 21:34 - Mukanda Wa Zambi 1970

³⁴ Alioze mukachi ka mbunga amwe yaakololoka chichi, akwo yaakololoka chikwo. Mba muze mwata kahashile kusa shindakenyo chize ye mbunga anambe mumu ha Vunda, yaamba atwale Paulu mu zuwo ha tujita.

MUKANDA USANDU WA ZAMBI 1975

³⁴ alioze amwe akalumiokene chuma chimwe, amwe akalumiokene chuma cheka hakachi ka mbunga: muze kahashile kunyingika pundu mumu ha vunda, wambile amunjise mu mbonge.

Yilinga 21:34 Iomraidhean Croise

Yilinga 19:32

Ha tangwa lize mbunga yaavundumioka. Amwe yaakololoka yiyi, akwo yaakololoka yeka. Anji kaanyingikine ko chikuma chize akungulukile.

Yilinga 21:37

Alioze shimbu te himaamunjisa mu zuwo ha tujita, Paulu yahula mwata wa miata ja tujita ngwenyi: “Ngunahase kuhanjika kama chimwe Chuma kuli yena, nyi?” Mwe mwata yamuhula ngwenyi: “Unanyingika greke, nyi?

Yilinga 22:24

Mwata wa tujita yahana Shimbi kuli tujita ngwenyi, atwale Paulu mu zuwo lia tujita ni kumulamba ni fimbo (shikote), hanga ase chinyingi ha chikuma chize akalumiokenene chocho hali iye.

Yilinga 22:30

Mwata wa tujita yazanga kunyingika pundu chikuma chize Ayuda asuminyine Paulu mulonga. Kashika muze hikwacha, yamujitula ngoji. Yahana Shimbi kuli mahako a lutwe ni Mbunga ya Ngaji ja Ayuda kulikungulula. Mba yaneha Paulu, yamusa ku meso jo.

Yilinga 23:10

Yikubwa Vunda jinji. Mwata wa tujita yevwa woma ngwenyi, hanji maatanuna Paulu yihanda yihanda. Kashika yaha tujita twenyi Shimbi hanga apalumuke mukachi ka mbunga, a chize Paulu mukachi ko, ni kumutwala mu zuwo lia tujita.

Yilinga 23:16

Alioze mwihwa wa Paulu yevwa kujikinyina cho. Neye yaya ku zuwo lia tujita, yanjila, yambulwila Paulu maliji waze.

Yilinga 23:32

Mba muze hikwacha, yaahichika akwa tuvwalu kuya hamwe nenyi. Akwa kwenda hashi yaahiluka ku zuwo lia tujita.

Yilinga 25:26

Alioze Chishi nichimwe chikuma cha kusonekena mwanangana ha milonga yenyi. Ha chino, hinamuneha ku meso jenu, ni kuhiana chikolo ku meso ja yena mwanangana Agripa, hanga muze hitwasa shindakenyo ha mulonga uno, mba munguhasa kusoneka.