Yilinga 21:3 - Mukanda Wa Zambi 1970

³ Muze hitwamona tungu lia Shipre, yitulihichika ku kwoko lia chindume, yitwenda ndoo ku chifuchi cha Siria, ni kuheta ku limbo lia Tiru, kuze te maalongolwela yikashi mu ulungu.

MUKANDA USANDU WA ZAMBI 1975

³ Muze hitwamona chifuchi cha Saipuru, nikuchihichika ku chimeso chetu, twendele ndo ku Seria, twahetele ku Teru; mumu kuze ulungu te himalongolola yiteli yawo.

Yilinga 21:3 Iomraidhean Croise

2 Samuel 8:6

Mba yasa misumba ya tujita mu chifuchi cho; no yaalumuka yilolo jenyi, yaamulambwola milambu. Mwene Zambi yakwasa David kukumba kweswako ayile.

Miaso (Masamu) 45:12

Akwa limbo lia Tiru maakunehena yawana, pichi maakufupa hanga walingile yibema.”

Miaso (Masamu) 87:4

Kanambe ngwenyi: “Mungukavuluka akwa Egiptu ni Ababilonia, mukachi ka akwa yifuchi waze akungwononokena; mungukalula Afilistia ni Atiru, ni Asudane mukachi ka akwa Yerusaleme.”

Izaya 7:2

Muze mwanangana wa Yuda hevwa ngwo: “Tujita twa Siria haanjila mu chifuchi cha Israele,” iye ni e atu jenyi yeevwa mwongo, yaachikima ngwe mitondo yize yinatukunga ni fuji.

Mateu 11:21

Yaamba ngwenyi: “Lamba lienu akwa Korazine, lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo te haanazala kulu mwanji ni kulikwita uto ha kulweza ngwo, haanalumuka ku mbunge.

Mateu 4:24

Lufuma wenyi yafumana mu chifuchi cheswe cha Siria. Kashika, yaamunehena eswe waze ayijile misongo yeka ni yeka, ni waze amwene lamba lieka ni lieka, ni waze abwile ni mwiku wa luchisa, ni akwa chikonya, ni akwa kusosewa. Yesu yaawuka eswe.

Luka 10:13

“Lamba lienu akwa Korazine! Lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo haanatwama kulu hashi ni kuzala mwanji ni kulikwita uto ha kulweza ngwo, haanalumuka ku mbunge.

Luka 2:2

Chino che Chisoneko chitangu muze te Kirinu ayulile mu Siria.

Yilinga 11:19

Lamba lize liakawile kushiha cha Estevau (Etienne) yilimwanga akwa k ufuliela mwamwaa. Akwo yaaya ndoo ku chifuchi cha Fenishia, ni ku tungu lia Shipre, ni ku limbo lia Antiokia. Kaambile ko maliji a Zambi kuli niumwe shina kuli Ayuda wika.

Yilinga 12:20

Herode yevwila akwa Tiru ni akwa Sidone ufwatulo. Kashika e atu yeeza kuli iye mu mbunga. Hatangu yaalembejeka Blastu, mukwa lutwe wa zuwo lia mwanangana Herode. Mba yaaheta kuli Herode nikwita uwanyino, mumu chifuchi cho te kaakuchihoka ku chifuchi cha mwanangana Herode.

Yilinga 13:4

Mwiku wa Linanga yiutuma Barnaba ni Saulu. No yaaya ku limbo lia Selusia. Kwe kuze azaukile mu ulungu ndoo ku tungu lia Shipre.

Yilinga 15:23

Tunganda yaaha mukanda uno ha kutuma ko. Ngwo: “Yetu tunganda twa Yesu ni makulwana, usoko wenu mu ufulielo, tunanumeneka yenu akwetu hi Ayuda ko nwatwama mu limbo lia Antiokia, ni mu chifuchi cha Siria, ni cha Silisia.

Yilinga 15:39

Yaalihamika kuhiana, kashika yaalihandununa. Barnaba yaya ni Marku, yaanjila mu ulungu, yaazauka ku tungu lia Shipre.

Yilinga 15:41

Yeendangana ndusu mu chifuchi cha Siria ni cha Silisia nikutakamisa Yikungulwila.

Yilinga 18:18

Paulu yatwama matangwa anji ku Korintu, mba yalishika ni akwetu akwa Kristu, yanjila mu ulungu, yaya ku chifuchi cha Siria hamwe ni Prisila ni Akwila. Muze kanda achikatuka ku limbo lia Senkria, Paulu yalakenya chilakenyo, mba yatewula kambu jenyi.

Yilinga 21:16

Amwe tumbaji a ku Sesarea yaaya hamwe ni yetu, yaatuhetesa ku zuwo lia Nasone, mutu wa ku tungu lia Shipre, hanga tukatwame ko. Mutu yono te kambaji mukulu.

Yilinga 21:2

Yituwana ko ulungu te unazauka nikuya ku chifuchi cha Fenishia, yitunjila mo, yituya.

Yilinga 21:7

Muze hitwakatuka ku Tiru, yituzauka ku limbo lia Tolemaisa. Chenacho twamanunwine wenyi wetu mu ulungu. Ku Tolemaisa, yitulimeneka ni akwetu akwa Kristu, yitutwama ko tangwa limuwika.

Yilinga 27:4

Muze hitwakatuka ko, yikubwa fuji yinji, yiilimika ni yetu. Kashika, muze twakatukile ku Sidone yitubalika mu ulungu ku mbumbulu lia tungu lia Shipre, kuze te kukushi fuji yinji.

Yilinga 4:36

Yikubwa mutu umuwika jina lienyi te Josefe, Kalevi, yoze wasemukine ku tungu lia Shipre. Tunganda twa Yesu yaamuluka jina likwo ngwo, Barnaba (kulumbunuka ngwo, mukwa kutakamisa atu.)

Akwa Kuyula 10:6

Aisraele yaavulumuna nawa Mwene Zambi, yaawayila mahamba Bale ni Astarte, ni mazambi ja Asiria, ni akwa Sidone, ni Amoabe, ni Aamone, ni Afilistia. Yeehuka Mwene Zambi yo, yaalitwantina kumuwayila.