Yilinga 21:14 - Mukanda Wa Zambi 1970

¹⁴ Mba, muze kutwahashile kumukununa, yitwecha kumulembejeka, yitwamba ngwetu: “Zambi akalinge upale wenyi.”

MUKANDA USANDU WA ZAMBI 1975

¹⁴ Muze katayileko, twaholele, ngwetu, Upale wa Mwene ukalingiwe.

Yilinga 21:14 Iomraidhean Croise

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

1 MIANANGANA 20:19

Mwanangana Hezekia, yevwa ulumbunwiso uze, yanyingika ngwenyi, mukubwa uhwimino ha matangwa jenyi. Kashika yakumbulula ngwenyi: “Maliji wano hiwangulweza a kuli Mwene Zambi kaanabeme.”

Mateu 26:39

Mba Yesu yasenya kulutwe, yafulamana hashi, yalemba ngwenyi: “Tata, nyi muchilita, unguchize kama musenge uno wa lamba. Hindu kanda chibwa ngwe chize ngunazange yami, alioze ngwe yena unazange.”

Mateu 26:42

Yesu yaya chisuho cha muchaali, yalemba ngwenyi: “Tata, nyi kuchalitele kuchiza musenge uno wa lamba, linga ngwe yena unapale.”

Mateu 6:10

Wanagana we wize, upale we ulingiwe hano hashi ngwe chize unalingiwa mwilu.

Luka 11:2

Yesu yamba ngwenyi: “Muze munulemba, ambenu ngwenu: ‘Tata, alemese jina lie. Wanangana we Wize.

Luka 22:42

ngwenyi: “Tata, nyi unazange nguchize kama musenge uno wa lamba. Hindu kanda chibwa ngwe chize ngunazange yami, alioze ngwe yena unazange.” [

Rute 1:18

Muze Naomi hanyingika ngwenyi, Rute kanazange nguye nenyi, kambile ko nawa nichimwe.

1 Samuel 3:18

Kashika Samuel yamulweza yeswe, kamuswekelele nichimwe. Eli ngwenyi: “Iye kali Mwene Zambi; alinge chize anazange.”