Yilinga 21:10 - Mukanda Wa Zambi 1970

¹⁰ Shimbu twatwamine ko amwe matangwa, mukwa munanyi umuwika, jina lienyi Agabu, yoze te unakatuka ku chifuchi cha Yudea, yaheta ko.

MUKANDA USANDU WA ZAMBI 1975

¹⁰ Shimbu twatwamineko matangwa amwe, kwakatukile ku Yundeya umwe profeta, jina lienyi Angavu.

Yilinga 21:10 Iomraidhean Croise

Mateu 2:1

Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

Yilinga 11:28

Umwe hakachi ko, Agabu, yakatuka, yalweza ku tachi ja Mwiku wa Linanga ngwenyi: “Zala yinji muyikabwa hashi heswe.” (Zala yize yejile ha mwaka wa mwanangana wa Aroma, Klaudiu.)

Yilinga 20:16

Paulu yanyonga ha kuhiana Efesu, mumu te kazangile kushimbula mu chifuchi cha Asia. Yalipupwisa akahete ku Yerusaleme shimbu tangwa lia Pentekoste kanda lichiheta, nyi te muchibwa chashi.

Yilinga 21:4

Yituwana tumbaji, mba yitutwama ko matangwa shimbiali. Ku tachi ja Mwiku wa Linanga, e tumbaji yaambila Paulu ngwo: “Kanda uya ku Yerusaleme.”

Yilinga 21:7

Muze hitwakatuka ku Tiru, yituzauka ku limbo lia Tolemaisa. Chenacho twamanunwine wenyi wetu mu ulungu. Ku Tolemaisa, yitulimeneka ni akwetu akwa Kristu, yitutwama ko tangwa limuwika.