Yilinga 20:7 - Mukanda Wa Zambi 1970

⁷ Ha tangwa lia kuhwima, yitukunguluka ha kulia hamuwika. Paulu yahanjika ku mbunga ndoo ha muchima ufuku, mumu yanyonga kuya muze hikwacha.

MUKANDA USANDU WA ZAMBI 1975

⁷ Ha tangwa litangu lia semana, muze twakungulukile mukupalula mbolo, Paulu wahanjikile kuli ayo, se muze mukucha wahalile kukatuka; iye watwalile maliji jenyi ndo ha muchima ufuku.

Yilinga 20:7 Iomraidhean Croise

Nehemia 8:3

Kwe ku lwaze hehi ni chikolo Ezra yaatangila we mukanda wa Shimbi, chize ku chichamene ndoo ni tangwa ha muchima. Eswe yaabanjika kanawa.

Nehemia 9:3

Akwa lutwe yaatangila Aisraele Shimbi ja Mwene Zambi, Zambi yo, ola jitatu. Mba atu yaashikisa milonga yo ni kuwayila Mwene Zambi, Zambi yo, ola jikwo jitatu.

Marku 16:9

Muze te Yesu hahinduka ku kufwa mu lumingu chichamene, yasolokela hatangu Maria Kamandala, yoze atuhwishile mwiku wa luchisa shimbiali.

Luka 22:19

Mba yanda mbolo, yasakwila Zambi, yayibalula, mba yayaha tumbaji twenyi nikwamba ngwenyi: “Mbolo yino yili mujimba wami [uze ngunahane mumu hali yenu. Lingenu chino ni kungwiwuluka.”

Luka 24:35

Ni ayo nawa yaambulwila yize yabwile mu jila, ni chize anyingikine Yesu ha shimbu lize abalwile mbolo.

Yoano 20:1

Mu lumingu, chichamene cheswe, shimbu te kuchili milima, Maria Kamandala yeza ku fuka, yawana liwe haalilangumuna ko,

Yoano 20:19

Chingoloshi cha lumingo yoze, tumbaji te kaanalikungulula mu limwe zuwo. Yajilo yeswe te yakukasa ni sapi, mumu yeevwila Ayuda woma. Yesu yeza, yamana mukachi ko, yamba ngwenyi: “Uhwimino kuli yenu!”

Yoano 20:26

Lumingu umuwika kulutwe, tumbaji twa Yesu yaalikungulula nawa mu zuwo. Tomase yabwa hamwe no. Yajilo te yakukasa ni sapi. Alioze Yesu yeza, yamana mukachi ko, yamba ngwenyi: “Uhwimino kuli yenu!”

Yilinga 16:10

Muze Paulu hamona Usolwelo, hazehene yitufupa kuya ku Masedonia, mumu te hitwanyingika ngwetu, Zambi hatutambika kwaambujolela Sango Jibema.

Yilinga 2:42

Yaalihanahana ha kwivwa longeso lia tunganda twa Yesu, ni kuliendela, ni kulia hamuwika, ni kulemba.

Yilinga 2:46

Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

Yilinga 20:11

Muze hanyina nawa kwilu, yabalula mbolo, yalia, yahanjika nawa Chipinji chisuku ndoo kwabatwokele ngwangwangwa, mba yaya.

Yilinga 20:31

Kashika kanyamenu, iwulukenu ngwenu, ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 20:5

Wano yaatetekela, yaatutwaminyina ku limbo lia Troa.

Yilinga 20:9

Mukweze umuwika, jina lienyi Utiku, te ha kapenda anatwama. Muze Paulu alongesele shimbu lisuku, tulo yamuhiana, Utiku yanongwoka, mba yaholokela mu chibatulo cha muchitatu cha kwilu. No yaamuzundula te hanafu kulu.

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

1 Korintu 10:16

Musenge wakuwahisa uze twakunwa muze hitwasakwila Zambi, kuushi kutununga ni manyinga ja Kristu, nyi? Mbolo yize twakubalula, muze twakuyilia, kuyishi kutununga ni mujimba wa Kristu, nyi?

1 Korintu 15:10

Alioze ku utu wa Zambi nguli chize nguli, ni utu uze angulwezele hi wamokomko ko. Mumu hingunahondangana kuhiana tunganda akwo eswe, alioze yize yeswe hi tachi ja yami mwene ko, alioze utu wa Zambi uze walinga hamwe ni yami.

1 Korintu 16:2

Mu lumingo mweswe, mutu mweswe hakachi kenu chamutamba kuchiza Chihanda cha mbongo jenyi nikulita ni jize akutambula ni kujisweka mu zuwo lienyi. Mba muze mungukeza kutuchi kakunga nawa mbongo.

2 Timoteu 4:2

ambujola liji lia Zambi, sako tachi ha kuliambujola ha mwaka Ubema ni ha uze hi Ubema ko, kumika, ambila, shinjila nikulongesa ni uhomboloji weswe.

Usolwelo 1:10

Ha tangwa lia Mwene Yesu, Mwiku wa Linanga wanguyulile, mba yingwivwa liji linene kunyima liami ngwe lia chitavwi,