Yilinga 20:25 - Mukanda Wa Zambi 1970

²⁵ “Hinabalika nikwambujola Wanangana wa Zambi hakachi ka yenu eswe. Alioze haliabwila ngunanyingika ngwami, kunuchi kangumona nawa.

MUKANDA USANDU WA ZAMBI 1975

²⁵ Haliapwila, ngunanyingika, yenu eswe, hakachi kenu nendanganyine nikwambujola wanangana wa Zambi, kunuchi kamona meso jami nawa.

Yilinga 20:25 Iomraidhean Croise

Mateu 10:7

Yeenu ni kwambujola ngwenu: ‘Wanangana wa mwilu hiwakundama!’

Mateu 13:19

Waze akubanjika ku longeso lia Wanangana wa Zambi, alioze kulialumbunukine, kaalifwa ngwe sesa lia jila kuze kwakuholokela mbuto. Sakwonga kakwiza ni kuchanga yize akuwile mu mbunge jo.

Mateu 13:52

Mba yaamba ngwenyi: “Chenacho longeshi mweswe wa Shimbi yoze mabwa kambaji mu Wanangana wa mwilu walifwa ngwe mwenya zuwo yoze matuhwisa mu chibatulo muze akuswekela ubite wenyi, yuma yaha ni yikulu.”

Mateu 4:17

Chize ku mwaka uze, Yesu yabutuka kwambujola. Yamba ngwenyi: “Alumukenu ku mbunge, mumu Wanangana wa mwilu hiwakundama!”

Mateu 4:23

Yesu yendangana mu chifuchi cheswe cha Galilea, yalongesa mu mazuwo jo a kuwayila, yambujola Sango Jibema ja Wanangana, yawuka milali yeswe ya misongo ni weji hakachi ka atu.

Luka 16:16

“Shimbi ja Mose ni mikanda ya akwa munanyi a Zambi hiyinalinduluka ndoo ku tangwa lia Yoano Chipapachisa. Chize ku mwaka uze, atu kaakwambujola Sango Jibema ja wanangana wa Zambi. Mutu ni mutu kakunjila mo ni tachi.

Luka 9:60

Yesu ngwenyi: “Echele afu afunde afu jo ene. Alioze yena yako ni kwambujola Wanangana wa Zambi.”

Yilinga 20:38

Yeevwa chinyengo chahiana ha maliji waze ambile ngwenyi: “Kunuchi kangumona nawa.” No yaamushinjikila ndoo ku ulungu.

Yilinga 28:31

yambujola Wanangana wa Zambi nikulongesa yikuma yakutwala kuli Mwene Yesu Kristu ni hamu heswe. Kukwabwile chikwiko nichimwe.

Yilinga 8:12

Alioze muze malunga ni mapwo haafuliela Sango Jibema jize alongesele Filipe, yaapapachisa. Te kanalongesa hakutwala ku Wanangana wa Zambi ni jina lia Yesu Kristu.

A-ROMA 15:23

Mumu hasuku nevwilile usona ha kwiza ni kunumona, mba haliabwila hinamanununa milimo yami mu yifuchi yino.

Galashia 1:22

Ha miaka yize yeswe akwa Kristu a mu Yikungulwila ya mu chifuchi cha Yudea kaangunyingikine ko ku meso,

Kolosu 2:1

Ngunazange nunyingike chize nakuhondangana ni chinyengo hali yenu, ni hali waze atwama mu limbo lia Laodisea, ni eswe waze kaangunyingikine ku meso.