Yilinga 20:22 - Mukanda Wa Zambi 1970

²² Talenu, haliabwila ngunayi ku Yerusaleme. Mwiku wa Linanga unangushinjika. Chanyingikine Chuma chize muchikanguwana ko,

MUKANDA USANDU WA ZAMBI 1975

²² Haliapwila, talenu, ngunayi wa kukasa mu Spiritu ku Yerusaleme, Chanyingikine yuma yize muyikanguwanako:

Yilinga 20:22 Iomraidhean Croise

Luka 12:50

Chatamba kungupapachisa; ngunanenganyana chinji ndoo muukamanunuka!

Luka 9:51

Muze matangwa haakundama ha kutambula Yesu mwilu, yatalikisa ku Yerusaleme.

Yoano 13:1

Te hikwasala tangwa limuwika ni chiwanyino cha kwiwuluka Kubalika. Yesu yanyingika ngwenyi, ola yenyi hiyaheta yakukatuka hashi ni kuhiluka kuli Tato. Matangwa eswe yazanga atu jenyi waze te atwama hano hashi, yaazanga ndoo ku songo.

Yoano 18:4

Yesu yanyingika yuma yeswe yize muyiza hali iye. Kashika yaakundama, yaahula ngwenyi: “Iya nunafupu?”

Yilinga 17:16

Muze te Paulu anashimbula mu Atene, yalibikala kuhiana ha kumona mahamba anji mu limbo.

Yilinga 19:21

Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 20:16

Paulu yanyonga ha kuhiana Efesu, mumu te kazangile kushimbula mu chifuchi cha Asia. Yalipupwisa akahete ku Yerusaleme shimbu tangwa lia Pentekoste kanda lichiheta, nyi te muchibwa chashi.

2 Korintu 5:14

Mumu zango ha Kristu kuliakutuyula, yetu waze tunanyingika ngwetu, umuwika wafwile mumu hali atu eswe. Chinalumbunuka ngwo, eswe afwile hamwe nenyi.

Tiangu (Jake) 4:14

Alioze kunwanyingikine chize mwono wenu muukabwa hamene! Nuli ngwe mbundu yize muyisoloka ha shimbu likepe, mba muyitanduluka.

2 Petulu 1:14

Mumu ngunanyingika ngwami, kwasala hakepe ngufwe kwami, ngwe chize angulwezele Mwene Yesu Kristu.