Yilinga 20:21 - Mukanda Wa Zambi 1970

²¹ Hingunashindakenya kuli Ayuda ni kuli waze hi Ayuda ko, ngwe chize chaatamba kwalumuna mbunge jo kuli Zambi ni kufuliela Mwene wetu Yesu.

MUKANDA USANDU WA ZAMBI 1975

²¹ nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Yilinga 20:21 Iomraidhean Croise

Mateu 3:2

“Alumukenu ku mbunge, mumu Wanangana wa mwilu hiwakundama.”

Mateu 4:17

Chize ku mwaka uze, Yesu yabutuka kwambujola. Yamba ngwenyi: “Alumukenu ku mbunge, mumu Wanangana wa mwilu hiwakundama!”

Marku 1:15

Ngwenyi: “Tangwa hiliaheta. Wanangana wa Zambi hiwakundama! Alumukenu ku mbunge! Fulielenu je Sango Jibema!”

Marku 6:12

No yaatuhuka, yambujola ngwo, atu alumuke ku mbunge.

Luka 13:3

Ngwami, ka, alioze nyi kunwalumukine ku mbunge, yenu eswe munukafwa ngwe ayo.

Luka 13:5

Ngwami, ka, alioze, nyi kunwalumukine ku mbunge, eswe munukafwa ngwe ayo.”

Luka 15:10

Chimuwika nawa ngwami, tunganda a Zambi kaakwivwa chiseke mumu hali Chivulumunyi umuwika yoze malumuka ku mbunge.”

Luka 15:7

Chimuwika nawa ngwami, chiseke chinji muchikabwa mwilu mumu hali Chivulumunyi umuwika yoze malumuka ku mbunge, kuhiana waze makumi livwa ni livwa akwa ululi, keeshi kwo ni Chuma cha kwalumuka ku mbunge.”

Luka 16:28

kuli anakwetu atano. Aye hanga akaatoweze, kuchina ayo nawa maakeza muma muno mwa kubinda.’

Luka 24:47

Ni chatamba kwambujola mu jina lienyi sango jino kuli mavungu eswe butu ku Yerusaleme. Ngwenu: ‘Alumukenu ku mbunge, mba Zambi manukonekena milonga yenu.’

Yoano 20:31

Alioze yino yasonewene hanga nufuliele ngwenu, Yesu mwe Chilamwina yoze Zambi alakenyene, mwe Mwana Zambi, ni hanga, ku ufulielo uno, munuhasa kubwa ni mwono mumu ha jina lienyi.

Yoano 3:36

Yoze wakufuliela mwe Mwana, mwono wa miaka yeswe ali nawo. Yoze keshi kwononokena Mwana, kechi kamona mwono, alioze Zambi kakumuvwila ufwatulo.

Yilinga 10:43

Akwa munanyi eswe a Zambi haanamushindakenya ngwo, mweswawo wakumufuliela, Zambi kakumukonekena milonga yenyi ku tachi ja jina lia Yesu.”

Yilinga 11:18

Muze heevwa maliji wano, kaahamikine ko nawa. Yaachichimieka Zambi nikwamba ngwo: “Chamwenemwene Zambi hahana nawa kuli waze hi Ayuda ko kwalumuka cha mbunge hanga abwe ni mwono.”

Yilinga 16:31

No ngwo: “Fuliela Mwene Yesu, mba makulamwina, yena ni akwa zuwo lie eswe.”

Yilinga 17:30

Zambi keshi kwalula miaka ya kwalajala, alioze haliabwila kakwambila atu eswe a kuma kweswe alumuke ku mbunge.

Yilinga 19:17

Akwa Efesu, Ayuda ni waze hi Ayuda ko, yaachivwa, yeevwa woma, yaalemesa jina lia Mwene Yesu.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 2:40

Ni maliji anji akwo Petulu yashindakenya, yaalembejeka ngwenyi: “Lilamwinenu ku ubatwilo uze muukeza hali atu wano abi!”

Yilinga 20:23

shina Mwiku wa Linanga wakungushindakenya mu limbo ni limbo ngwenyi: Luyinda ni zuwo lia lamba yinakutwaminyina.”

Yilinga 20:24

Alioze Chishi kwalula mwono wami ngwe Chuma chilemu. Nakuzanga kuhwisa kwenda chami ni milimo yami yize natambwile kuli Mwene Yesu. Milimo yino yenayi ayi: kushindakenya chikolo Sango Jibema ja utu wa Zambi.

Yilinga 24:24

Muze matangwa amwe haabalika, Felix yaheta hamwe ni mukwo pwo Drusila, Kayuda. Yasaka Paulu, yamwivwa hakutwala ku kufuliela Kristu Yesu.

Yilinga 26:18

mu kwalawisa meso hanga akatuke ku milima atale ku Pangu, akatuke ku tachi ja Sakwonga eze kuli Zambi; hanga ku ufulielo, Zambi aakonekene milonga yo, mba abwe ni chihinga mukachi ka atu waze Zambi atongwele iye mwene.’ ”

Yilinga 26:20

Alioze hatangu yingwambujola mu Damasku ni mu Yerusaleme, mba mu chifuchi cheswe cha Yudea, ni mukachi ka waze hi Ayuda ko. Yingwambujola ngwami: ‘Alumukenu ku mbunge, nutewulukile kuli Zambi. Nulinge yitanga yize yinalweze kwalumuka cha ku mbunge.’

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

Yilinga 3:19

Kashika alumukenu ku mbunge, nuhiluke kuli Zambi, hanga anukonekene milonga yenu,

Yilinga 8:25

Mba muze tunganda haashindakenya ni haalongesa liji lia Mwene Yesu, yaahiluka ku Yerusaleme. Mu jila yaambujola Sango Jibema mu yihunda yinji ya mu Samaria.

A-ROMA 1:14

Mumu Changutamba kuya kuli eswe, kuli waze haanalilongesa kulu ni kuli waze kanda achililongesa, kuli akwa mana ni kuli waze keeshi mana.

A-ROMA 1:16

Mumu Chishi kwivwa sonyi ha Sango Jibema, mumu jili ndundo ja Zambi ha kulamwina eswe waze akufuliela, hatangu Ayuda, ni mavungu akwo nawa.

A-ROMA 10:9

Nyi muutayiza ni kanwa lie ngwe: “Yesu kali mwe Mwene,” nawa, nyi muufuliela mu mbunge ye ngwe, Zambi wamuhindwishile ku kufwa, kumakulamwina.

A-ROMA 2:4

Hanji unalelesa kulumbama cha utu wa Zambi, ni uhumikizo ni uhomboloji wenyi, nyi? Kuwanyingikine ngwe, utu wa Zambi unatambe kukutwala ku kwalumuka cha mbunge ye, nyi?

A-ROMA 4:24

Yaasonewa nawa mumu hali yetu, yetu waze Zambi malula akwa ululi, waze twakufuliela Zambi yoze wahindwishile Yesu Mwene wetu ku kufwa.

A-ROMA 5:1

Chenacho Zambi hanatupwisa akwa ululi mumu ha ufulielo. Kashika hitunawane ni Zambi mumu hali Mwene wetu Yesu Kristu.

1 Korintu 1:22

Ayuda kaakufupa yilayi, mba afuliele, Agresia kaakufupa mana.

2 Korintu 7:10

Mumu chinyengo cha uzambi chakwalumuna mbunge ya mutu, chakumulamwina. Kashika kuchatambile kulinyenga ha chiyo. Alioze chinyengo cha hano hashi chakukoka kufwa.

Galashia 2:16

Tunanyingika ngwetu, Zambi kakupwisa mutu mukwa ululi shina ha kufuliela Yesu Kristu, hi ha kumanununa Shimbi ko. Ni yetu nawa, hitunafuliela Kristu Yesu hanga Zambi atupwise akwa ululi mumu twafuliela Kristu, hi mumu twamanununa Shimbi ko. Mumu Zambi keshi kupwisa mutu mukwa ululi ha kumanununa Shimbi.

Galashia 2:20

Kashika hi yami ko nguli ni mwono, alioze Kristu kali ni mwono muli yami. Mwono uze nguli nawo haliabwila, nguli nawo ha kufuliela. Mwana Zambi, yoze wanguzangile ni wakunjikile mwono wenyi hali yami.

Galashia 3:22

Alioze Mukanda wa Zambi unambe ngwo: “Akwa hashi eswe kaali mu chiyulo cha shili, hanga chawana chize alakenyene Zambi chikabwe cha waze akufuliela Yesu Kristu.”

Efesu 1:15

Kashika, butu ku tangwa lize nevwile chize nwakufuliela Mwene Yesu ni chize nwakuzanga akwa Kirstu eswe,

Kolosu 2:5

Mumu, chibwe nguli kusuku ni yenu mu mujimba, hindu mu manyonga nguli hakamwihi. Ngunawahilila ni kumona chize nwakumana nguu ha kufuliela Kristu.

Filemu 1:5

Mumu nakwivwa chize wakuzanga akwa Kristu eswe ni chize unafuliela Mwene Yesu.

1 Yoano 5:1

Mweswawo wakufuliela ngwenyi, Yesu mwe Chilamwina yoze Zambi alakenyene, kali mwana wa Zambi. Yoze wakuzanga tata kakuzanga nawa mwanenyi.

1 Yoano 5:5

Iya makumba yibi ya hano hashi? Shina yoze wakufuliela ngwenyi, Yesu mwe Mwana Zambi.