Yilinga 20:16 - Mukanda Wa Zambi 1970

¹⁶ Paulu yanyonga ha kuhiana Efesu, mumu te kazangile kushimbula mu chifuchi cha Asia. Yalipupwisa akahete ku Yerusaleme shimbu tangwa lia Pentekoste kanda lichiheta, nyi te muchibwa chashi.

MUKANDA USANDU WA ZAMBI 1975

¹⁶ Mumu Paulu te hahala kuhiana Efwesu, hanga kechi katwama shimbu mu Eshia; mumu walipupwishile, hanga kachi mahasa, akahete ku Yerusaleme ha tangwa lia Pentekoste.

Yilinga 20:16 Iomraidhean Croise

Kutuhuka 34:22

“Ukalinga chiwanyino cha Kubatula Mbuto, muze unabatula mbuto yitangu ya mu munda we. Ukalinga nawa chiwanyino cha Yikulika ha kuhwa cha mwaka wa kuhela mihuko.

Yilinga 12:13

Petulu yangongwela ku chikolo cha haze. Umwe mwana pwo, kavumbi, jina lienyi Roda, yakundama ha kwazulula.

Yilinga 16:6

Shimbu abalikile ndusu mu chifuchi cha Frigia ni cha Galashia, Mwiku wa Linanga yiwakinda kwambujola maliji a Zambi mu chifuchi cha Asia.

Yilinga 18:19

Yaheta ku limbo lia Efesu. Kwenako ahichikile Prisila ni Akwila. Neye yanjila mu zuwo lia kuwayila lia Ayuda, yahamika no.

Yilinga 18:21

alioze yalishika no ngwenyi: “Mungukeza nawa, nyi Zambi mapala.” Mba yakatuka ku Efesu, yanjila mu ulungu.

Yilinga 19:1

Muze te Apolo achili ku limbo lia Korintu, Paulu yabalika ndusu mu yifuchi ya ku tunda, yaheta ku limbo lia Efesu, yawana ko amwe tumbaji,

Yilinga 19:21

Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 2:1

Muze tangwa lia chiwanyino cha Pentekoste hiliaheta, ayo eswe yaabwa hamuwika, muma mumuwika.

Yilinga 20:13

Yetu yitutetekela ni kunjila mu ulungu, yituzauka ku limbo lia Asose. Kwe kuze twanyongene kuhitula Paulu ni kuya nenyi mu ulungu. Chenacho atushikile, mumu iye yazanga kwenda hashi.

Yilinga 20:18

Muze heeza, yaamba ngwenyi: “Yenwene nunanyingika ndako yami chize nabwile hakachi kenu matangwa eswe, chize ku tangwa litangu muze nahetele ku chifuchi cha Asia.

Yilinga 20:22

Talenu, haliabwila ngunayi ku Yerusaleme. Mwiku wa Linanga unangushinjika. Chanyingikine Chuma chize muchikanguwana ko,

Yilinga 20:4

Waze ayile hamwe nenyi wano: Sopatere, mwana wa Piruse wa ku Berea, ni Aristarku, ni Sekondu a ku Tesalonika, ni Gayu wa ku Derbe, ni Timoteu, ni Tichiku, ni Trofimu, a ku chifuchi cha Asia.

Yilinga 20:6

Kulutwe lia chiwanyino cha Mbolo Kuyishi Yitumbo, yitukatuka ku Filipu mu ulungu, ni muze matangwa atano akwo haabalika, yituheta ku limbo lia Troa, yitutwama ko matangwa shimbiali.

Yilinga 21:4

Yituwana tumbaji, mba yitutwama ko matangwa shimbiali. Ku tachi ja Mwiku wa Linanga, e tumbaji yaambila Paulu ngwo: “Kanda uya ku Yerusaleme.”

Yilinga 24:17

“Miaka yinji yabalikile yize chabwile ko ku Yerusaleme. Mba yinguya ko nikwaha vungu liami yawana ni kulambula Zambi milambu.

1 Korintu 16:8

Alioze ngunanyongo kusala muno mu Efesu ndoo ku tangwa lia Pentekoste.