Yilinga 2:7 - Mukanda Wa Zambi 1970

⁷ Yaatungumuka, yaalishimwoka kuhiana nikwamba ngwo: “Puu! Atu wano eswe anahanjika, hi akwa Galilea ko, nyi?

MUKANDA USANDU WA ZAMBI 1975

⁷ Eswe alishikishilile, akomokene, nikuliamba umwe kuli mukwo ni mukwo ngwo, Wano eswe anahanjika hi A-Ngalileya ko, nyi?

Yilinga 2:7 Iomraidhean Croise

Mateu 21:11

Mbunga yaakumbulula ngwo: “Awu mwe Yesu, mukwa munanyi wa Zambi wa ku Nazare mu chifuchi cha Galilea.”

Mateu 26:73

Ha shimbu likepe waze abwile ko yaakundama, yaambila Petulu ngwo: “Chamwenemwene yena uli wa kuli ayo. Kuhanjika che chinasolola kuze unakatuka.”

Mateu 8:10

Ha kwivwa maliji wano, Yesu yalishimwoka, yambila waze te anamukaula ngwenyi: “Chamwenemwene ngunanwambe ngwami, kanda ngumono kama ufulielo ubwa haha, chibwe mu Israele ka.

Marku 1:27

Atu yaalishimwoka kuhiana! Yaalihula ngwo: “Chino chika? Longeso liaha, Mumu chiyulo akwete. Chibwe mwiku wa luchisa muumwononokena!”

Marku 2:12

Atu eswe yaamutala. Mutu yoze yakatuka, yanda muhela wenyi nikawashi, yatuhuka ku meso ja atu eswe. Ayo eswe yaalishimwoka kuhiana, yaalemesa Zambi ngwo: “Kanda tuchimona kama nilimwe tangwa!”

Yoano 7:52

Yaamukumbulula ngwo: “Haa! Ni yena nawa uli Kagalilea, nyi? Hengula mu Mukanda wa Zambi, umone ngwe, niumwe mukwa munanyi wa Zambi wakukatuka ku Galilea” [

Yilinga 1:11

Yaamba ngwo: “Yenu malunga a ku Galilea, yika nunamanyina hano ni kuhulikila meso kwilu? Yono Yesu, hanutambula yo mwilu, makahiluka nawa chizechene ngwe hinwamumona nikuya mwilu.”

Yilinga 2:12

No eswe yaakomoka, yaakakashana nikulihula ngwo: “Ayiyene yika?”

Yilinga 2:8

Kuchi mba tunevu mutu ni mutu mu liji lienyi lia Chisemuko?

Yilinga 3:10

Yaamusa chinyingi ngwo, yono mwe uze te wakutwaminyina yawana ku Chikolo Chibema cha ku zuwo lia Zambi. No yaakomoka, yaalishikishila ha chize amulingile.