Yilinga 2:46 - Mukanda Wa Zambi 1970

⁴⁶ Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

MUKANDA USANDU WA ZAMBI 1975

⁴⁶ O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

Yilinga 2:46 Iomraidhean Croise

Nehemia 8:10

Haliabwila hiyeenu ku mazuwo jenu, nulie kanawa. Nulianyine yakulia ni vinyu ni waze keeshi nayo. Mumu musono lili tangwa lia chijila lia Mwene Zambi yetu, kashika kanda nunenganyana. Uwahililo uze Mwene Zambi ananwehe muunutakamisa.”

Miaso (Masamu) 86:11

Mwene Zambi, ngulongese kama yize unazange ngulinge, mba mungukwononokena; ngulongese kama, ngukulingile ni mbunge yeswe.

Longeshi 9:7

Likoleleze ulie yakulia ye, awahilile; nwako vinyu ye ni kuwahilila. Yino yeswe yinawaha ku meso ja Zambi.

Mateu 6:22

“Meso kaali ngwe pangu lia mujimba. Nyi meso je maabwa angunu, mujimba we weswe muupanguka.

Luka 11:41

Alioze ahenu yiswale yize yili mu misenge yenu ni mu yenga yenu, mba yeswe muyinubemena.

Luka 24:30

Yatwama ku mesa hamwe no, yanda mbolo, yasakwila Zambi, yabalula mbolo, mba yaaha yo.

Luka 24:53

Matangwa eswe yaabwabwa mu zuwo lia Zambi ni kuchichimieka Zambi.

Yilinga 16:34

Neye yaakandwisa ku zuwo lienyi, yaaha yakulia, yawahilila kuhiana hamwe ni akwa zuwo lienyi eswe, mumu haafuliela Zambi.

Yilinga 2:42

Yaalihanahana ha kwivwa longeso lia tunganda twa Yesu, ni kuliendela, ni kulia hamuwika, ni kulemba.

Yilinga 20:7

Ha tangwa lia kuhwima, yitukunguluka ha kulia hamuwika. Paulu yahanjika ku mbunga ndoo ha muchima ufuku, mumu yanyonga kuya muze hikwacha.

Yilinga 3:1

Petulu ni Yoano yaakanduka ku zuwo lia Zambi lia Ayuda ha ola ya kulemba, ola ya muchitatu, ya chingoloshi.

Yilinga 5:21

Tunganda yoononoka. Muze hikwacha, yaaya mu zuwo lia Zambi, yaabutuka kulongesa. Muze mwata wa mahako ni waze te akuliendela nenyi haaheta, yaakungulula makulwana eswe hanga Mbunga ya Ngaji ja Ayuda asopese tunganda twa Yesu. Mba yaatuma liji ku zuwo lia lamba hanga anehe tunganda.

Yilinga 5:42

Mba tangwa ha tangwa kaalitwaminyine ko kulongesa mu zuwo lia Zambi ni mu mazuwo ja atu, nikwambujola Sango Jibema jakutwala kuli Yesu, Chilamwina yoze Zambi alakenyene.

A-ROMA 12:8

Yoze uli ni mana akutakamisa akwo, chamutamba kuchilinga. Yoze wakuhana yikumba yenyi, ayihane ya kulumbama. Yoze wakuyula, alihane ku kuyula. Yoze wakukwasa akwa lamba, achilinge ni chiseke.

1 Korintu 10:16

Musenge wakuwahisa uze twakunwa muze hitwasakwila Zambi, kuushi kutununga ni manyinga ja Kristu, nyi? Mbolo yize twakubalula, muze twakuyilia, kuyishi kutununga ni mujimba wa Kristu, nyi?

2 Korintu 1:12

Ha chikuma chino twakulisamba ngwetu, manyonga jetu kaakutusongwela chize tubwa hano hashi, ni chize twakuliendela nenu. Chinalite ni umwenemwene ni ulinange ku tachi ja utu wa Zambi, alioze hi kuliendela ko ni mana ja atu.

2 Korintu 11:3

Ngunevu woma ngwami, manyonga jenu maabihaa, nawa ngwami, munwecha kulihana chenu kuli Kristu, ngwe chize kapela wongele Namutu ni ukanyame wenyi wa mahuza.

Efesu 6:5

Yenu ndungo, ononokenenu miata jenu a hano hashi, ni woma ni kuchikima. Chilingenu ni mbunge yimuwika, ngwe nunavumbika Kristu.

Shimbi 12:12

Kwenako munukawahilila ku meso jenyi, hamwe ni ana ni ngamba jenu, ni Alevi waze atwama mu membo jenu. Iwulukenu ngwenu, Alevi keechi kabwa ni chifuchi cho.

Shimbi 12:7

Kwenako ku meso ja Mwene Zambi, Zambi yenu, munukayilila, yenu ni akwa jiko lienu, ni kuwahilila ni yeswe yize Mwene Zambi hananuwahisa nayo.

Shimbi 16:11

Nukawahilila ku meso ja Mwene Zambi, Zambi yenu, hamwe ni ana ni akwa milimo jenu, ni Alevi, ni mapwo waze haanafwisa malu nga, ni shiwa, ni yilambala waze atwama mu membo jenu. Nukachilingila he homa hamuwika ha kuwayila.

Kolosu 3:22

Yenu ndungo, ononokenenu miata jenu a hano hashi mu yuma yeswe. Kanda nuchilinga ku meso wika muze akunutala, ha kubemena kuli ayo. Alioze Ononokenu ni mbunge yakutuwika, mumu ha vumbi lize nuli nalio kuli Mwene Yesu.