Yilinga 2:45 - Mukanda Wa Zambi 1970

⁴⁵ yaalanjisa yuma ni yikumba yo, yaalitetela mbongo jize nikulita ni kuhona cha mutu ni mutu.

MUKANDA USANDU WA ZAMBI 1975

⁴⁵ O alanjishile upite wo ni yikumba yo, ayanyinyine kuli eswe, nikulita ngwe mutu ni mutu wahonene.

Yilinga 2:45 Iomraidhean Croise

Miaso (Masamu) 112:9

Kakupangila yiswale yuma yenyi, kakulweza atu utu matangwa eswe; kumabwa mukwa tachi, ni atu maamusa vumbi.

Yishima 19:17

Muze unahane kuli yiswale, chili ngwe unasondamisa kuli Mwene Zambi, neye makukundulula.

Mateu 19:21

Yesu ngwenyi: “Nyi unazange kubwa mungunu, yako ulanjise yeswe yize uli nayo, utetele yiswale mbongo jize, muukabwa ni ubite mwilu. Mba Wize ungukaule.”

Luka 16:9

Yesu yaweza ho ngwenyi: “Yami ngunanwambe ngwami, lingilenu ni ubite wa hano hashi ha kubwa ni masepa, hanga muze kunushi ni chikala nawa cha ubite, akanutambule muma mwa miaka yeswe.

Luka 18:22

Ha kwivwa chino, Yesu yamwamba ngwenyi: “Hindu chimuwika unahono. Lanjisa yeswe yize uli nayo, utetele yiswale mbongo jize, muukabwa ni ubite mwilu. Mba Wize ungukaule.”

Luka 19:8

Alioze Zakeu yamana kikilii, yambila Mwene ngwenyi: “Talenu, Mwene! Munguhana Chihanda cha hakachi cha yikumba yami kuli yiswale. Nyi natambwile kuli umwe mbongo ni kaliongelo, mungumuhilwishila jo yisuho yiwana.”

Yilinga 11:29

Tumbaji yaalitesa ngwo, mutu ni mutu ahane nikulita ni kuhasa chenyi, ha kutumina akwa kufuliela waze atwama mu Yudea akalikwase najo.

Yilinga 4:34

Mutu niumwe hakachi ko wahonene Chuma, mumu eswe waze abwile ni minda hanji mazuwo, yaayilanjisa. Yaaneha mbongo ja yuma yize alanjishile,

Yilinga 4:35

yaajikunjika kuli tunganda twa Yesu. No yaalianyina mbongo jize kuli mutu ni mutu nikulita ni kuhona chenyi.

2 Korintu 9:1

Ngunamono ngwe, kuchatambile kunusonekena hakutwala ku yawana yize tunatumina akwetu akwa Kristu a mu Yudea.

2 Korintu 9:9

Ngwe chize hichinasonewa mu Mukanda wa Zambi: “Kakuhana yuma yakulumbama kuli yiswale. Utu wenyi kuwakulinduluka ku miaka yeswe.”

1 Yoano 3:17

Nyi umwe mutu, pichi, kanamono mukwo kanahono, alioze nyi makalisa mbunge yenyi, ngwe kuchi mahasa kwamba ngwenyi, kakuzanga Zambi?