Yilinga 2:39 - Mukanda Wa Zambi 1970

³⁹ Mumu chilakenyo chino chili cha yenu, ni cha ana jenu, ni cha eswe waze ali kusuku, ni cha eswe waze Mwene Zambi yetu hanaatambika iye mwene.”

MUKANDA USANDU WA ZAMBI 1975

³⁹ Mumu kuli yenu chilakenyo kuchili, ni kuli ana jenu, ni kuli waze atwama kusuku, ni kuli waze eswe mwe Mwene Zambi yetu makatambika kuli iye.

Yilinga 2:39 Iomraidhean Croise

Izaya 44:3

“Munguhana meya ku chifuchi cha pwila; mungusa njiji ha mavu omu. Munguhinjila Mwiku wami hali ana je; munguwahisa vungu lie.

Izaya 54:13

“Yami mwene mungukalongesa atu je, ni kwawahisa ni kwahwimisa.

Izaya 57:19

Nakuhana uhwimino kuli eswe waze ali hehi, ni waze atwama kusuku! Munguwuka atu jami.

Izaya 59:19

Ku chivumbuko ni ku chitokelo atu eswe maakamuvwila woma mumu ha ndundo jenyi jahiana. Makeza ngwe muhuji wa tachi, ngwe chijimbi.

Izaya 59:20

Mwene Zambi kanambila atu jenyi ngwenyi: “Mungwiza ku Yerusaleme ni kukula eswe waze akwalumuka ku mbunge.

Izaya 65:23

Milimo yo muyikawaha, ni ana jo keechi kumona lamba. Mungukaawahisa ni lie vungu lio ku miaka yeswe.

Ezekiel 37:25

Maakatwama mu chifuchi chize nahele kashakulu ko Yakoba, chifuchi chize te atwama tushakulu two. Maakatwama ku miaka yeswe, ni ana ni ajikulu jo. Umwe mwanangana ngwe kavumbi kami David maakaayula ku miaka yeswe.

Joele 2:28

“Kulutwe mungukamwangina Mwiku wami wa linanga muli atu eswe: ana jenu a malunga ni a mapwo maakambujola yuma yize muyikeza ho. Tushinakaji twenu maakalota yilota, akweze jenu maakamona Usolwelo.

Joele 2:32

Alioze eswe waze maakalemba Mwene Zambi, kumakaalamwina. Ngwe chize Mwene hanambe ngwenyi: ‘Amwe mukachi ka Yerusaleme kumaakachina; waze natongwele kumaasala ni mwono.’ ”

Yilinga 10:45

Akwa kufuliela ja Ayuda waze ejile hamwe ni Petulu yaalishimwoka, mumu Zambi hahinjila chawana chenyi cha Mwiku wa Linanga nawa muli waze hi Ayuda ko.

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 15:14

Simone hatunyingikisa ngwe chize hatangu Zambi hewuluka waze hi Ayuda ko, ni kutongola hakachi ko atu waze maabwa nienyi.

Yilinga 15:3

Chikungulwila yaashinjikila mu jila. No yaabalika ndusu mu chifuchi cha Fenishia ni cha Samaria. Muze te anabalika yaambujola ngwe chize waze hi Ayuda ko haanatewulukila kuli Zambi. Yuma yize yiiwahisa akwa Kristu kuhiana.

Yilinga 15:8

Ni Zambi, yoze wanyingika mbunge ja atu, hanaahe shindakenyo ha kwaha Mwiku wa Linanga chizechene ngwe yetu.

A-ROMA 11:29

Mumu Zambi keshi kutambula nawa yize hanahane. Keshi kwalumuna manyonga jenyi hali waze atongwele.

A-ROMA 8:30

Waze Zambi atongwele kulu, yaatambika nawa. Waze atambikile, yaapwisa nawa akwa ululi. Waze apwishile akwa ululi, yaaha nawa Chihanda cha uhenya wenyi.

A-ROMA 9:24

Mumu tuli waze hanaatambika, hi hakachi ka Ayuda wika ko, alioze nawa hakachi ka mavungu akwo.

A-ROMA 9:4

Zambi yaapwisa ana jenyi. Hanaliendela no mu uhenya wenyi. Hanalingi no Usendo. Hanaahe Shimbi, ni uwayilo, ni yilakenyo yenyi.

1 Korintu 7:14

Mumu Zambi kakutayiza lunga yoze hi mukwa Kristu ko, mu kulinunga ni pwo lienyi. Chimuwika nawa, Zambi kakutayiza pwo yoze hi mukwa Kristu ko, mu kulinunga ni lunga lienyi mukwa Kristu. Nyi kuchabwile chocho, ana jo maabwa ngwe waze kaanyingikine Zambi. Alioze Zambi kakwatayiza.

Efesu 1:18

Nakuliumba ngwami, anwazulwile manyonga jenu ha kumona Pangu lienyi. Chenacho nunyingike: Chuma chize anutambikilile Zambi ha kuchisa mbunge, ni kulumbama cha yiwape yize akulakenya akwa Kristu,

Efesu 2:12

Yenu, waze hi Ayuda ko, iwulukenu chize nwabwile kusuku ni Kristu. Nwabwile yilambala; kunwabwile ko a ku mbunga yize atongwele Zambi. Kunwabwile ko ni Chihanda ku Usendo uze Zambi alakenyene atu jenyi. Te kunwanyingikine yoze munuhasa kusa mbunge, te kunushi Zambi!

Efesu 4:4

Kuuli lume mujimba umuwika ni Mwiku wa Linanga umuwika. Chizechene nawa, kuchili lume Chuma chimuwika chize Zambi anulwezele ha kuchisa mbunge.

Shimbi 29:15

Kaukolesa nawa hamwe ni eswe waze anamana kuno ku meso jenyi musono ni kuli vungu lietu waze kanda achisemuka.

2 A-TESALONIKA 1:11

Kashika twakunulembejeka matangwa eswe. Twakuliumba kuli Zambi, hanga akanupwise akwa kutela ku kutambika chenyi, hanga ku ndundo jenyi amanunune zango lienu heswe mu kulinga yibema ni kumanununa yitanga ya ufulielo wenu.

2 Timoteu 1:9

Iye hanatulamwina ni hanatutambika hanga tubwe atu jenyi, hi ha yitanga ko yize twalingile, alioze mumu ha manyonga jenyi ni utu wenyi. Hanatulweze utu uno muli Kristu Yesu shimbu te miaka kanda yibwa,

Hebreu 3:1

Kashika akwetu, yenu waze Zambi hanatambika, chanutamba kunyonga Yesu, yoze Zambi hanatumu hanga abwe Mwata wa mahako ja Zambi hakutwala ku ufulielo wetu.

Hebreu 9:15

Kashika Kristu kali Chitakanyishi cha Usendo Waha, hanga waze Zambi hanatambika ahase kutambula yiwape ya miaka yeswe yize Zambi alakenyene. Maahasa kuyitambula mumu Kristu hanafu, ni kufwa chenyi chakulamwina atu ku milonga yize alingile muze ononokene ku Usendo uze utangu.

1 Petulu 5:10

Alioze, muze hinwamona lamba ha shimbu likepe, Zambi ya utu weswe, yoze wanutambikile hanga nubwe ni kamwe ka uhenya wenyi wa miaka yeswe mu kulinunga ni Kristu, makanupwisa angunu, makanutakamisa, makanujikijisa.

2 Petulu 1:10

Kashika, akwetu, likolezenu kuhiana kujikijila ku kutambika chize anutambikile Zambi ni kutongola chenyi. Mumu, nyi nwakulinga chino, kunuchi kalimbuka nichimwe.

2 Petulu 1:3

Ndundo ja uzambi wa Yesu jinatwehe yuma yeswe yize twakuhona mu kuliendela ni Zambi. Twakutambula yuma yize mumu tunanyingika Zambi, yoze watutambikile hanga tubwe ni kamwe ka uhenya ni utu wenyi.

Usolwelo 17:14

Wano maakasa jita ni Mwana Panga. Alioze Mwana Panga, hamwe ni atu jenyi waze atambikile, waze atongwele, akwa kushishika, maakakumba. Mumu iye kali Mwene wa ene eswe ni Mwanangana wa mianangana eswe.”

Usolwelo 19:9

Kanganda ka mwilu yangwamba ngwenyi: “Soneka ngwe: Kawaha waze hanaatambika ku umbachiso wa Mwana Panga.” Yangwamba nawa ngwenyi: “Maliji wano ngunahanjika kaali maliji amwenemwene a Zambi.”