Yilinga 2:33 - Mukanda Wa Zambi 1970

³³ Zambi hanamuzundula, hanamuse ku kwoko lienyi lia chindume. Ni Yesu hanatambula kuli Tata, Mwiku wa Linanga uze alakenyene, hanatumwangina wo. Yuma yize nunevu ni yize nunamono yili yitanga ya Mwiku uze.

MUKANDA USANDU WA ZAMBI 1975

³³ Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Yilinga 2:33 Iomraidhean Croise

Miaso (Masamu) 118:16

Hatukwasa kukumba mu jita, ni ndundo jenyi jahiana!”

Miaso (Masamu) 89:19

Miaka yinji hiyabalika, hiunambila tuvumbi twe akwa kushishika mu Usolwelo ngwe: “Hingunakwase umwe kajita wa lufuma, hingunahana chitwamo cha wanangana kuli mutu yoze natongwele.

Miaso (Masamu) 89:24

Mungumuzanga, mungubwa mukwa kushishika; mungumukwasa akumbe matangwa eswe.

Izaya 52:13

Mwene Zambi kanambe ngwenyi: “Kavumbi kami makawaha mu milimo yenyi; atu maakamulemesa kuhiana.

Izaya 53:12

Ha chino mungukamwaha muhela wa vumbi mukachi ka atu a tachi ni alemu. Yafwa ku zango lienyi mwene, yamwalula mukachi ka yingulungulu. Yambata shili ya atu anji, yalemba ngwenyi: ‘Akonekene kama.’ ”

Mateu 28:18

Yesu yaakundama, ngwenyi: “Tata hanangwehe yiyulo yeswe mwilu ni hashi.

Marku 16:19

Muze Mwene Yesu hahanjika maliji wano, Zambi yamutambula mwilu, yatwama ku chindume cha Zambi.

Luka 24:49

Mungukanutumina yami mwene chawana chize Tata hanalakenya. Alioze chanutamba kushimbwila ku limbo ndoo ndundo ja mwilu mujinuhulumukina.”

Yoano 14:16

Mungukaliumba kuli Tata hanga anwehe Chikwashi mukwo, hanga akabwe hamwe ni yenu miaka yeswe, we Mwiku wamwenemwene.

Yoano 14:26

Mwe Chikwashi, Mwiku wa Linanga, yoze Tata makatuma mu jina liami, makanulongesa yeswe, makanwiwulula yuma yeswe yize hinanwambulwila.

Yoano 15:26

“Chikwashi makeza, Mwiku wamenemwene, yoze unakatuka kuli Tata. Mungukanutumina yo wa kuli Tata. Makashindakenya hali yami.

Yoano 17:5

Tata, haliabwila muze nguli ku meso je, ngwehe uhenya uze nabwile nawo hamwe ni yena muze te hashi kanda habwa.

Yilinga 1:4

Muze haalikungulula, yaaha koki ngwenyi: “Kanda nukatuka mu Yerusaleme, alioze twaminyinenu chawana chize Tata alakenyene, chize nanulwezele.

Yilinga 10:45

Akwa kufuliela ja Ayuda waze ejile hamwe ni Petulu yaalishimwoka, mumu Zambi hahinjila chawana chenyi cha Mwiku wa Linanga nawa muli waze hi Ayuda ko.

Yilinga 2:17

‘Ha matangwa akusula mungukalinga chino. Mungukamwangina Mwiku wami wa Linanga muli atu eswe. Ana jenu a malunga ni a mapwo maakambujola yuma yize muyikeza ho. Akweze jenu maakamona Usolwelo; tushinakaji twenu maakalota yilota.

Yilinga 5:31

Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.

A-ROMA 5:5

Kusa mbunge chino kuchishi kutukolesa sonyi, mumu Zambi hanazukwila zango lienyi mu mbunge jetu ni tachi ja Mwiku wa Linanga, uze atuhele.

Galashia 3:14

Kristu yashingiwa hanga uwahiso uze Zambi alakenyene kuli Abrahama ukabwe hali waze hi Ayuda ko, ku kukwasa cha Yesu Kristu, hanga yetu, ku ufulielo, tutambule Mwiku uze alakenyene Zambi.

Efesu 1:13

Ni yenu nawa, muze nwevwile liji liamwenemwene, Sango Jibema jize janulamwinyine, yinufuliela Kristu. Mba Zambi yanusa chinyingi ha kubwa nienyi, ha kunwaha Mwiku wa Linanga uze alakenyene.

Efesu 4:8

Ngwe chize Mukanda wa Zambi unambe: “Muze azezukile mwilu, Yatwala funge hamwe nenyi. Yahana yawana kuli atu.”

Titu 3:6

Mumu Zambi, kuli Yesu Kristu Chilamwina chetu, yatuhinjila Mwiku wa Linanga wa kulumbama.

Hebreu 10:12

Alioze Kristu yalambula mulambu chisuho chimuwika lume, ha kuchiza shili ya atu, ni mulambu uze unalite ku miaka yeswe. Mba yazezuka, yatwama ku chindume cha Zambi.

Hebreu 2:9

Alioze tunamono Yesu. Shimbu likepe Zambi yamusa kushi lia tunganda a mwilu, hanga, ku utu wa Zambi, afwile atu eswe. Haliabwila tunamumono ni uhenya ni ulemu Wahiana, mumu ha lamba lia kufwa lize amwene.

1 Petulu 1:21

Ku tachi ja Yesu Kristu nwakufuliela Zambi, yoze wamuhindwishile ku kufwa ni wamuhele uhenya. Ha chino, nwakufuliela Zambi, ni nwakumusa mbunge.

1 Petulu 3:22

Yesu Kristu hanazezuke mwilu, hanayi ni kutwama ku chindume cha Zambi. Kwenako akuyula tunganda a mwilu, ni akwa kuyula, ni akwa tachi akwo a mwilu.