Yilinga 2:24 - Mukanda Wa Zambi 1970

²⁴ Alioze Zambi hanamuhindwisa, hanamujitula ku lamba lia kufwa, mumu kufwa kuchahashile kumukwata nawa.

MUKANDA USANDU WA ZAMBI 1975

²⁴ mwenawo Zambi hanamuhindwisa, nikukasulula yikola ya kufwa, mumu te kahashile kukwachika ni tachi jacho.

Yilinga 2:24 Iomraidhean Croise

Miaso (Masamu) 116:16

Mwene Zambi, nguli kavumbi ke; nakukulingila ngwe chize te akukulingila mama. Wangulamwinyine ku kufwa.

Izaya 10:7

Alioze mwanangana wa Asuria kali ni manyonga jenyi mwene akumwesa atu lamba. Habatula ha kwonona mavungu anji.

Izaya 25:8

Mwene Zambi makakumba kufwa ndoo ku miaka yeswe! Makakusumuna masoji ku meso ja atu eswe ni kuchiza sau lize atu jenyi aasawile hashi heswe. Mwene Zambi wachamba!

Izaya 26:19

Atu jetu waze haanafu kumaakahinduka nawa! Mijimba yo muyikahinduka nawa. Atu eswe waze akubomba mu mafuka jo maakahinduka ni kwimba ni chiseke. Ngwe chize mume wakuhuzulula hashi, Chenacho nawa Mwene Zambi makahindwisa waze haanafu kulu.

Izaya 53:10

Mwene Zambi kanambe ngwenyi: “Yami nazangile ngwami, iye amone lamba; kufwa chenyi chabwile mulambu hanga akonekene akwa hashi. Ha chino makamona vungu lienyi; makabwa ni mwono wa miaka yinji, upale wami muukamanunuka mumu hali iye.

Hosea 13:14

Mungukalamwina atu wano muma lia afu, nyi? Hanji kwapulula ku tachi ja kufwa, nyi? Aa kufwa, jilihi tachi je? Jisoloke! Aa muma lia afu, tachi je jilihi? Jisoloke! Hichichi kevwila nawa atu wano keke.

Mateu 27:63

yaamba ngwo: “Mwanangana, tunewuluka mukwa kwonga yoze, muze abwile ni mwono, kwamba chenyi ngwenyi: ‘Ha tangwa lia muchitatu mungukahinduka.’

Yoano 10:18

Mutu niumwe mahasa kuchiza mwono wami, alioze ngunaukunjika nikulita ni chize ngunazange yami mwene. Chiyulo nguli nacho cha kuukunjika ni chiyulo nguli nacho cha kuutambula nawa. Chenacho Tata anguhele Shimbi ha kulinga.”

Yoano 10:35

Tunanyingika ngwetu, yuma yize Mukanda wa Zambi unambe yakulinduluka matangwa eswe, ni Zambi hanavuluka atu waze ahanyine liji lienyi ngwenyi: ‘mazambi’.

Yoano 12:39

Kaahashile ko kufuliela mumu Izaya yamba nawa ngwenyi:

Yoano 20:9

(Te tumbaji kanda achinyingika yuma yize yasonewene mu Mukanda wa Zambi ngwo, Yesu chamutamba kuhinduka ku kufwa.)

Yilinga 1:16

“Akwetu, chinalite chize maliji akamanunuke, waze Mukanda wa Zambi wambile shimbu kanda hakutwala kuli Yudase. Liji lize Mwiku wa Linanga wahanjikile kuli David, hakutwala kuli Yudase, kasongo ka waze ashihile Yesu.

Yilinga 13:30

Alioze Zambi yamuhindwisa ku kufwa.

Yilinga 13:37

Alioze yoze ahindwishile Zambi kabolele ko.

Yilinga 17:31

Mumu te hanatongola kulu tangwa lize makabatwila akwa hashi ni ululi, kuli lunga yoze hanatongola. Hanahana chinyingi kuli atu eswe ha kumuhindwisa ku kufwa.”

Yilinga 2:32

Yono Yesu, Zambi hanamuhindwisa ku kufwa. Yetu eswe tuli yela ja chikuma chino.

Yilinga 3:15

nwashihile Kabutu ka mwono, alioze Zambi hanamuhindwisa ku kufwa. Yetu tuli kwetu yela ja yuma yino.

Yilinga 3:26

Ha chino, Zambi hanahindwisa Kavumbi kenyi, hanamutumu hatangu kuli yenu, mu kunuwahisa nikutewulula mutu mweswe hakachi kenu ku shili yenyi.”

Yilinga 4:10

Aisraele eswe ni yenu eswe chanutamba kunyingika ngwenu, mutu yono kanamana ku meso jenu mungunu ku tachi ja jina lia Yesu Kristu wa ku Nazare, yoze nwahachile ha kulusu, alioze Zambi hanamuhindwisa ku kufwa.

Yilinga 5:30

Zambi ya tushakulu twetu hahindwisa Yesu ku kufwa, yoze nwashihile muze nwamuhachile ha kulusu.

A-ROMA 10:9

Nyi muutayiza ni kanwa lie ngwe: “Yesu kali mwe Mwene,” nawa, nyi muufuliela mu mbunge ye ngwe, Zambi wamuhindwishile ku kufwa, kumakulamwina.

A-ROMA 14:9

Mumu Kristu hanafu, hanahinduka nawa ha kuyula afu ni waze ali ni mwono.

A-ROMA 4:24

Yaasonewa nawa mumu hali yetu, yetu waze Zambi malula akwa ululi, waze twakufuliela Zambi yoze wahindwishile Yesu Mwene wetu ku kufwa.

A-ROMA 6:4

Upapachiso unalumbununa ngwo, hitunafu hamwe ni Kristu, hanatufundu hamwe nenyi, hanga ngwe chize Tata Zambi, ni ndundo jenyi ja uhenya, wahindwishile Kristu ku kufwa, Chenacho nawa mutuhasa kwenda ni mwono Waha.

A-ROMA 8:11

Zambi yoze wahindwishile. Yesu ku kufwa, nyi Mwiku wenyi watwama muli yenu, kachi makapwisa nawa ni mwono mijimba yenu yize muyikafwa. Makachilinga ni tachi ja Mwiku wa Linanga.

A-ROMA 8:34

Iya mahasa kwahisa? Niumwe, mumu Yesu Kristu, yoze wafwile, yoze Zambi ahindwishile ku kufwa, kali ku kwoko lia chindume cha Zambi. Kakutuhakwila kuli Zambi.

1 Korintu 15:12

Nyi twakwambujola ngwetu, Kristu hanahinduka ku kufwa, mba kuchi amwe hakachi kenu akwamba ngwo, afu keechi kahinduka ku kufwa?

1 Korintu 15:15

Nyi chize akwamba ngwo: “Uhindukilo wa afu kuushiko,” chili chamwenemwene, kuma tuli yela ja mahuza ha chikuma cha Zambi. Mumu hitunambujola ngwetu, Zambi hanahindwisa Kristu ku kufwa.

1 Korintu 15:20

Alioze chamwenemwene Zambi hanahindwisa Kristu ku kufwa. Iye mwe mutangu kuhinduka ku kufwa. Uhindukilo wenyi unalweze ngwo, waze haanafu, Zambi makaahindwisa ku kufwa.

1 Korintu 15:4

Atu yaamufunda. Mba Zambi yamuhindwisa ku kufwa ha tangwa lia muchitatu ngwe chize hichinasonewa mu Mukanda wa Zambi.

1 Korintu 6:14

Zambi hanahindwisa Mwene Yesu ku kufwa, ni yetu nawa makatuhindwisa ku ndundo jenyi mwene.

2 Korintu 4:14

Mumu tunanyingika ngwetu, Zambi yoze wahindwishile Mwene Yesu ku kufwa, makatuhindwisa nawa hamwe ni Yesu, ni kutuhetesa yenu ni yetu ku meso jenyi.

Galashia 1:1

Yami, Paulu, ngunanusonekena mukanda uno. Yesu Kristu ni Tata Zambi, yoze wamuhindwishile ku kufwa, hanangupwisa kanganda. Hi atu ko angupwishile kanganda, chibwe hi nguli kanganda ko wa kutongola cha mutu.

Efesu 1:20

Zambi ahindwishile najo Kristu ku kufwa ni kumutwamisa ku chindume chenyi mwilu.

Kolosu 2:12

Mumu, muze anupapachishile, yanufunda hamwe ni Kristu, yanuhindwisa nawa hamwe nenyi. Chino chabwile mumu nwafulielele ndundo ja Zambi yoze wamuhindwishile.

1 Tesalonika 1:10

ni ha kushimbwila kuhulumuka cha Mwanenyi Yesu mwilu—Zambi wamuhindwishile ku kufwa. Mwe Yesu mwe unatupulula ku utenu wa Zambi uze muwiza ho.

Hebreu 13:20

Zambi hanahindwisa Mwene wetu Yesu ku kufwa. Mumu ha kufwa chenyi Yesu hanalumuka Kafunga Munene wa mapanga ku manyinga ja Usendo wa miaka yeswe. Zambi ya uhwimino anukolese ni kulinga yuma yeswe yize yinatela ha kumanununa chize anapale. Alinge muli yetu ku tachi ja Yesu Kristu chize chakumuwahila. Uhenya wa Kristu usoloke ku miaka yeswe! Chibwe kama Chenacho.

Hebreu 2:14

Ana waze musunya ni manyinga akwete. Kashika Yesu neye yalumuka mutu yoze uli ni musunya ni manyinga ngwe ayo. Yalumuka mutu hanga, ku kufwa chenyi, akafwenye Sakwonga yoze ukwete chiyulo cha kufwa,

1 Petulu 1:21

Ku tachi ja Yesu Kristu nwakufuliela Zambi, yoze wamuhindwishile ku kufwa ni wamuhele uhenya. Ha chino, nwakufuliela Zambi, ni nwakumusa mbunge.

Usolwelo 1:18

Nguli mukwa mwono. Nafwile, alioze tala, haliabwila nguli ni mwono ndoo ku miaka yeswe ni miaka yeswe. Ngunayulu kufwa. Ngunayulu nawa chifuchi cha waze haanafu.