Yilinga 2:22 - Mukanda Wa Zambi 1970

²² “Malunga ja Israele, ngubanjikenu! Zambi hanashindakenya hakutwala kuli Yesu wa ku Nazare, ni yipupu, ni yikomokeso, ni yilayi. Yuma yino Zambi wayilingile muli iye, ngwe chize nunanyingika yenwene, mumu wayilingile hakachi kenu.

MUKANDA USANDU WA ZAMBI 1975

²² Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Yilinga 2:22 Iomraidhean Croise

Izaya 41:14

Mwene Zambi ngwenyi: “Israele, uli mukepe, unalele; alioze kanda wivwa woma, mungukukwasa, Yami Mukwa Kukukula, Munangi wa Aisraele.

Mateu 12:28

Alioze, nyi ni tachi ja Mwiku wa Zambi nakutuhwisa najo mwiku wa luchisa, chinalumbunuka ngwo, Wanangana wa Zambi hiuneza kulu mukachi kenu.

Mateu 2:23

Yaya ni kutwama mu limwe limbo jina lialio Nazare. Chenacho chamanunukine liji lize Zambi ahanjikile kuli akwa munanyi jenyi ngwenyi: “Kumakamuvuluka ngwo, Kanazare!”

Mateu 9:8

Muze mbunga achimwene, yevwa woma unji, yaalemesa Zambi ha kuhana chiyulo chibwa haha kuli atu.

Luka 11:20

Alioze hi chocho ko. Nakuutuhwisa ni ndundo ja Zambi, Kulumbunuka ngwo, Wanangana wa Zambi hiuneza kulu mukachi kenu.

Luka 18:37

No yaamukumbulula ngwo: “Yesu Kanazare kanabalika.”

Luka 24:18

Umwe hakachi ko, jina lienyi te Kleofase, yamuhula ngwenyi: “Kuma yena wika mu Yerusaleme kuwanyingikine yuma yize yinakabwa mo matangwa wano, nyi?”

Yoano 1:45

Mba Filipe yawana Natanele, yamwamba ngwenyi: “Hitwamona mutu yoze asonekene Mose mu mukanda wa Shimbi, ni akwa munanyi ja Zambi mu mikanda yo ngwo, makeza. Kali Yesu, mwana wa Josefe wa ku Nazare.”

Yoano 10:37

Nyi Chishi kulinga yitanga ya Tata, kanda nungufuliela.

Yoano 11:47

Hohene Afariseu ni mahako a lutwe yaakungulula Mbunga ya Ngaji ja Ayuda ni kwamba ngwo: “Kuchi mutulinga? Mumu mutu yono kakulinga yilayi yinji!

Yoano 12:17

Mbunga yize te ali hamwe ni Yesu muze atambikile Lazaru atuhuke mu fuka ni kumuhindwisa ku kufwa, yaambujola yize amwene.

Yoano 15:24

Nyi chilingile yitanga ku meso jo yize mutu niumwe kayilingile, kachi keeshi mulonga. Alioze haliabwila haanamono yitanga yami, hindu kaakutuvutwokela yami ni Tata.

Yoano 19:19

Pilatu yasonekesa Chisoneko ni kuchisa ha kulusu: “Yesu Kanazare, mwe Mwanangana wa Ayuda.”

Yoano 3:2

Mwenawo yeza kuli Yesu te ufuku, yamwamba ngwenyi: “Longeshi, tunanyingika ngwetu, Zambi hanakutumu ha kulongesa, mumu mutu niumwe mahasa kulinga yilayi yize wakulinga yena, shina Zambi abwe hamwe nenyi.”

Yoano 4:48

Yesu yamwamba ngwenyi: “Nyi kunwamwene yilayi ni yikomokeso, kunuchi kufuliela.”

Yoano 5:36

Alioze nguli ni shindakenyo yahiana yize ya Yoano. Yitanga yize nakulinga, yize Tata anguhele kulinga, yakungushindakenya, yakulweza ngwo, Tata wangutumine.

Yoano 6:14

Muze atu amwene chilayi chize alingile Yesu, yaamba ngwo: “Mutu yono kali mukwa munanyi wa Zambi yoze chatamba kwiza hano hashi.”

Yoano 6:27

Kanda nulingila mbolo yize yakubola, alioze lingilenu mbolo yize yakunyongonona, yize yakupwisa atu ni mwono wa miaka yeswe. Mbolo yino Mwana Mutu makanwaha yo, mumu Tata Zambi hanamuse chinyingi chakulweza ngwenyi, iye mwene hanamutongola.”

Yoano 7:31

Alioze mukachi ka mbunga anji yaamufuliela nikwamba ngwo: “Muze Chilamwina yoze Zambi alakenyene makeza, kuma makalinga yilayi yahiana ya mutu yono, nyi?”

Yoano 9:33

Nyi mutu yono hi wa kuli Zambi ko, kachi kahashile kulinga nichimwe.”

Yilinga 13:16

Petulu yakatuka, yalahula ni kwoko, yamba ngwenyi: “Akwetu Aisraele, ni yenu akwo waze nwakuwayila Zambi, banjikenu!

Yilinga 14:27

Muze haaheta ko, yaakungulula akwa Chikungulwila eswe, yaalumbunwina yeswe yize Zambi alingile no, ni ngwe chize hanazulwila waze hi Ayuda ko chajilo, hanga no afuliele.

Yilinga 2:19

Mungukasolola yuma ya kulishimwoka ya mwilu, ni yikomokeso ya hano hashi, ni manyinga, ni kahia, ni mwishi unji.

Yilinga 2:43

Tunganda twa Yesu yaalinga yikomokeso ni yilayi yinji. Atu eswe yeevwa woma.

Yilinga 21:28

yaakololoka ngwo: “Malunga a Israele, tukwasenu. Mutu yono kakuya kweswe nikwambujola ha kulimika ni Aisraele, ni Shimbi, ni zuwo lino. Chibwe haliabwila hanjisa waze hi Ayuda ko mu zuwo lino lia Zambi, hajilula muma muno mwa chijila.”

Yilinga 22:8

Yingukumbulula ngwami: ‘Mwene, yena iya?’ Yangulweza ngwenyi: ‘Yami nguli Yesu Kanazare, yoze wakuhungumiona.’

Yilinga 24:5

Twawanyine yono lunga mutu mubi, mukwa kuvundula Ayuda eswe ku yifuchi yeswe ya hashi. Kali mukwa lutwe wa mbunga ya Anazare.

Yilinga 26:26

Mwanangana Agripa! Ngunahase kuhanjika ni hamu kuli yena, mumu Unanyingika yuma yino. Chafulielele ngwami, kuwayinyingikine, mumu kuyalingiwile ko ku tenga.

Yilinga 26:9

“Chamwenemwene, yami mwene nanyongene ngwami, Changutamba kulinga yuma yeka ni yeka ha kujimuna jina lia Yesu Kanazare.

Yilinga 3:12

Ha kuchimona, Petulu yaamba ngwenyi: “Malunga Aisraele, kuchi nunatuhulikila meso ngwe ni tachi hanji ni kulinanga cha yetwene twamwendesanga?

Yilinga 3:6

Alioze Petulu ngwenyi: “Mbongo Chishi najo, alioze chize nguli nacho ngunakwehe cho. Ngwami, mu jina lia Yesu Kristu Kanazare, katuka, wende!”

Yilinga 4:10

Aisraele eswe ni yenu eswe chanutamba kunyingika ngwenu, mutu yono kanamana ku meso jenu mungunu ku tachi ja jina lia Yesu Kristu wa ku Nazare, yoze nwahachile ha kulusu, alioze Zambi hanamuhindwisa ku kufwa.

Yilinga 5:35

Mba yambila Mbunga ya Ngaji ngwenyi: “Yenu malunga ja Israele, kanyamenu yenwene ha chize nunambe kulinga wano atu.

Yilinga 6:14

Hitunamwivu mamba ngwenyi: ‘Yesu yono, wa ku Nazare, makonona zuwo lino lia Zambi ni kwalumuna Shimbi jize atuhele Mose.’ ”

2 Korintu 12:12

Nalihumikijine kuhiana ni milimo yize nalingile hakachi kenu. Ku milimo yize Zambi yasolola yinyingi, ni yikomokeso, ni yipupu, ha kulweza ngwo, nguli kanganda ka Kristu.

Hebreu 2:4

Mwaka uzewene Zambi yalweza yilayi, ni yipekesa, ni yipupu yeka ni yeka ha kulweza ngwo, hatayiza yuma yize te akwamba. Ku upale wenyi yaalianyina yawana yeka ni yeka ya Mwiku wenyi.