Yilinga 2:21 - Mukanda Wa Zambi 1970

²¹ Hohene mweswawo malemba ngwenyi, Mwene ungulamwine kama, mamulamwina.’

MUKANDA USANDU WA ZAMBI 1975

²¹ Mba kumuchikapwa, mweswawo matambika ha jina lia Mwene kumakamulamwina.

Yilinga 2:21 Iomraidhean Croise

Miaso (Masamu) 86:5

Mwene Zambi, yena wakutulinga kanawa, wakutukonekena; zango lie kulishi kuhwa kuli waze akukuwayila.

Joele 2:32

Alioze eswe waze maakalemba Mwene Zambi, kumakaalamwina. Ngwe chize Mwene hanambe ngwenyi: ‘Amwe mukachi ka Yerusaleme kumaakachina; waze natongwele kumaasala ni mwono.’ ”

Mateu 28:19

Kashika, yeenu ku mavungu eswe, nukaapwise tumbaji twami, ni kwapapachisa mu jina lia Tata, ni lia Mwana, ni lia Mwiku wa Linanga,

Yilinga 2:20

Tangwa mulikalaa, kakweji makachila ngwe manyinga, mba Tangwa lia Mwene Yesu mulikeza, tangwa linene ni lia uhenya.

Yilinga 22:16

Mba haliabwila kuchi unalaluka? Katuka, akupapachise, ulikose milonga ye ha kulemba kuli Yesu Kristu.’ ”

Yilinga 9:11

Mwene ngwenyi: “Katuka, uye mu jila yize akuvuluka ngwo, Jila Yalulama. Yako ku zuwo lia umwe mutu, jina lienyi Yuda. Uhule mutu wa ku Tarsu, jina lienyi Saulu—kanalembe.

Yilinga 9:15

Alioze Mwene yamwamba ngwenyi: “Yako, hingunamutongola ha kunyingikisa jina liami kuli waze hi Ayuda ko, ni kuli mianangana jo, ni kuli Aisraele.

1 Korintu 1:2

Tunanumeneka akwa Chikungulwila cha Zambi mu limbo lia Korintu. Zambi hananutambika ha kubwa akwa kulinanga. Nwakuliendela hamwe nenyi mu kulinunga ni Kristu Yesu. Tunameneka nawa eswe a kuma kweswe waze akuwayila Zambi mu jina lia Mwene Yesu Kristu, Mwene wo kanda niwetu.

Hebreu 4:16

Kashika tukundamenu ni hamu ku chitwamo cha wanangana wa Zambi, ku chitwamo chenyi kuze akulwezela utu wenyi. Kuze mutuwana keke ni utu yize yinalite ni kutukwasa ha tangwa lia kuhona.