Yilinga 2:18 - Mukanda Wa Zambi 1970

¹⁸ Ewa, ha matangwa waze, mungukamwangina Mwiku wami wa Linanga, chibwe muli tuvumbi twami a malunga ni a mapwo, mba maakambujola yuma yize muyikeza ho.

MUKANDA USANDU WA ZAMBI 1975

¹⁸ ewa, ni chipwe hali ndungo jami a malunga ni hali ndungo jami a mapwo mungukazukwila Spiritu yami ha matangwa aze; no kumakaprofeteza;

Yilinga 2:18 Iomraidhean Croise

Luka 12:45

Alioze, nyi kavumbi yoze malihanjikisa ngwenyi: ‘Mwata wami kanashimbula,’ mba mabutuka kulamba tuvumbi ni akwo a malunga ni a mapwo, ni kulialia, ni kunwanwa, ni kuzengewa,

Yilinga 2:17

‘Ha matangwa akusula mungukalinga chino. Mungukamwangina Mwiku wami wa Linanga muli atu eswe. Ana jenu a malunga ni a mapwo maakambujola yuma yize muyikeza ho. Akweze jenu maakamona Usolwelo; tushinakaji twenu maakalota yilota.

Yilinga 2:19

Mungukasolola yuma ya kulishimwoka ya mwilu, ni yikomokeso ya hano hashi, ni manyinga, ni kahia, ni mwishi unji.

Yilinga 21:10

Shimbu twatwamine ko amwe matangwa, mukwa munanyi umuwika, jina lienyi Agabu, yoze te unakatuka ku chifuchi cha Yudea, yaheta ko.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.