Yilinga 2:17 - Mukanda Wa Zambi 1970

¹⁷ ‘Ha matangwa akusula mungukalinga chino. Mungukamwangina Mwiku wami wa Linanga muli atu eswe. Ana jenu a malunga ni a mapwo maakambujola yuma yize muyikeza ho. Akweze jenu maakamona Usolwelo; tushinakaji twenu maakalota yilota.

MUKANDA USANDU WA ZAMBI 1975

¹⁷ Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

Yilinga 2:17 Iomraidhean Croise

Ubutukilo 49:1

Yakoba yatambika ana jenyi a malunga ngwenyi: “Yenu eswe kungulukenu kuno, hanga ngunulweze yize muyikanuwana kulutwe.

Ubutukilo 6:12

Zambi yatala hashi, yamona ngwenyi, hihabihia, mumu atu te kaakulinga yibi kuhiana.

Miaso (Masamu) 65:2

mumu wakukumbulula ku kulemba cha atu. Kuma kweswe atu kumeeza kuli yena

Miaso (Masamu) 72:6

Mwanangana abwe ngwe vula mu minda ni hashi heswe,

Yishima 1:23

Banjikenu muze mungunukanjisa; mungunwaha mana abema ni kunulweza yinyingi yami.

Izaya 2:2

Ha matangwa akusula mulundu wa zuwo lia Zambi muukabwa mulundu usuku kuhiana milundu yikwo yeswe. Mavungu anji maakeza ko;

Izaya 40:5

Hohene uhenya wa Mwene Zambi muukasoloka, ni atu eswe maakaumona. Mwene Zambi mwe hanachilakenya.”

Izaya 44:3

“Munguhana meya ku chifuchi cha pwila; mungusa njiji ha mavu omu. Munguhinjila Mwiku wami hali ana je; munguwahisa vungu lie.

Izaya 49:26

Mungukashinjika waze akunubinjisa akalishihe ene; kumaakazengewa ni manyinga ni ufwatulo. Mba mavungu eswe maakanyingika ngwo, Yami nguli Mwene Zambi, yoze wakunukula ni kunutusula. Kumaakanyingika ngwo, yami mwe Zambi ya Ndundo ya Aisraele.”

Izaya 66:23

Ha yiwanyino yeswe ya Kakweji Mwaha ni tangwa heswe lia kuhwima, atu a ku yifuchi yeswe maakeza ni kunguwayila muno mu Yerusaleme.” Mwene Zambi unachambe.

Ezekiel 11:19

Mungukaaha mbunge jaha ni manyonga aha. Mungukachiza mbunge jo jikalu ja mawe ni kwaaha mbunge jize jakwononoka.

Ezekiel 39:29

Mungukamwangina mwiku wami muli atu jami Aisraele, chichi kwoomba nawa nyima. Yami Mwene Zambi nachamba.”

Daniel 10:14

Hineza ni kukulumbunwina kanawa yize muyikeza hali atu je kulutwe. Uno we Usolwelo wa yuma yize muyikeza ho.”

Hosea 3:5

Alioze tangwa kumulikeza lize Aisraele maakahiluka nawa kuli Mwene Zambi, Zambi yo, ni kuli umwe wa ku vungu lia David mwanangana wo. Mba maakalemesa Mwene Zambi ni kutambula yawana yenyi yibema.

Mika 4:1

Ha matangwa akusula mulundu wa zuwo lia Zambi muubwa mulundu usuku kuhiana milundu yikwo yeswe. Mavungu anji maakeza ko;

Zakaria 12:10

“Vungu lie David ni akwa Yerusaleme akwo, mungukaaha mbunge ya keke ni zango ya kulemba. Kumaakatala yoze atuwile kunga, yoze ashihile. Kumaakalinyenga hali iye ngwe waze analinyenge hali mwana wa wika. Maakamulila mbimbi chikolo, ngwe waze haatokesa mwano mutangu wa lunga.

Zakaria 2:13

Atu eswe holenu kuluu ku meso ja Mwene Zambi, mumu kanakatuka kuma kwenyi kwa chijila, kaneza.

Luka 3:6

Akwa hashi eswe maakamona ulamwino wa Zambi!’ ”

Yoano 17:2

Mumu hiunamwehe chiyulo hali atu eswe, hanga ahane mwono wa miaka yeswe kuli eswe waze wamuhele.

Yoano 7:39

(Yachamba hakutwala ku Mwiku wa Linanga uze akwa kufuliela maakatambula. Alioze shimbu lize Mwiku te kanda uchiza, mumu Yesu kanda achinjila mu uhenya wenyi.)

Yilinga 10:45

Akwa kufuliela ja Ayuda waze ejile hamwe ni Petulu yaalishimwoka, mumu Zambi hahinjila chawana chenyi cha Mwiku wa Linanga nawa muli waze hi Ayuda ko.

Yilinga 11:27

Ha matangwa waze, amwe akwa munanyi a Zambi yaatuhuka mu Yerusaleme, yaaya ku Antiokia.

Yilinga 11:28

Umwe hakachi ko, Agabu, yakatuka, yalweza ku tachi ja Mwiku wa Linanga ngwenyi: “Zala yinji muyikabwa hashi heswe.” (Zala yize yejile ha mwaka wa mwanangana wa Aroma, Klaudiu.)

Yilinga 2:16

Alioze Chuma chino nunamono, Zambi walambile kuli mukwa munanyi wenyi Joele, ngwenyi:

Yilinga 2:18

Ewa, ha matangwa waze, mungukamwangina Mwiku wami wa Linanga, chibwe muli tuvumbi twami a malunga ni a mapwo, mba maakambujola yuma yize muyikeza ho.

Yilinga 2:33

Zambi hanamuzundula, hanamuse ku kwoko lienyi lia chindume. Ni Yesu hanatambula kuli Tata, Mwiku wa Linanga uze alakenyene, hanatumwangina wo. Yuma yize nunevu ni yize nunamono yili yitanga ya Mwiku uze.

Yilinga 21:9

Lunga yono wabwile ni anenyi awana a mapwo waze kaayile ko ku malo, te akwa munanyi a Zambi.

A-ROMA 5:5

Kusa mbunge chino kuchishi kutukolesa sonyi, mumu Zambi hanazukwila zango lienyi mu mbunge jetu ni tachi ja Mwiku wa Linanga, uze atuhele.

1 Korintu 12:10

Wakuhana kuli umwe tachi ja kulinga yipupu, kuli mukwo mana a kuhanjika munanyi. Kuli mutu mukwo, nawa, wakuhana mana a kunyingika Mwiku wamwenemwene ni uze wa mahuza. Kuli umwe, Mwiku wakuhana yinyingi ya kuhanjika maliji waze kaanyingikine ko, ni kuli mukwo yinyingi ya kulumbununa e maliji.

1 Korintu 12:28

Mu Chikungulwila, mutu mweswe Zambi hanamwehe milimo yenyi: hatangu tunganda twa Yesu, wa muchaali akwa munanyi, wa muchitatu alongeshi, mba akwo waze akulinga yipupu, mba waze Zambi hanaahe tachi ja kuwuka mieji, hanji kukwasa, hanji kusongwela atu, hanji kuhanjika maliji waze kaanyingikine ko.

Hebreu 1:2

Alioze, ha matangwa wano akusula, Zambi yahanjika muli Mwanenyi. Zambi hanatange yuma yeswe ni kwoko lia Mwanenyi, hanamutongola nawa mu kuhinga yuma yeswe ha tangwa liakusula.

Tiangu (Jake) 5:3

Oru ni prata jenu jinaliwa ni ngengeya. Ngengeya yize yili chela yoze makanusuma, makalia misunya yenu ngwe chize yakuwema ni kahia. Hinunalitulikila ubite ha matangwa akusula.

2 Petulu 3:3

Hatangu nyingikenu chino ngwenu, ha matangwa akusula akwa kukekuna kumaakasoloka, waze maakalingalinga usolo wo Ubi. Maakanukekuna.