Yilinga 2:14 - Mukanda Wa Zambi 1970

¹⁴ Mba Petulu yakatuka hamwe ni tumbaji akwo kumi ni kashi, yakololoka ngwenyi: “Akwetu Ayuda, ni yenu eswe waze nwatwama mu Yerusaleme, achivwenu, ngubanjikenu.

MUKANDA USANDU WA ZAMBI 1975

¹⁴ Alioze Petulu, nikukatuka hamwe ni kumi ni kashi wakololokele, nikwamba kuli ayo ngwenyi, Yenu A-Yunda, ni yenu eswe nwakutwama mu Yerusaleme, nyingikenu chino, panjikenu ku maliji jami.

Yilinga 2:14 Iomraidhean Croise

Yishima 8:32

“Haliabwila yenu akweze, ngubanjikenu. Lingenu ngwe chize ngunambe, mba munuwahilila.

Izaya 40:9

Yerusaleme, kandukenu ha mulundu usuku nwambujole sango jibema! Zione, kololoka ni liji linene wambulule sango jibema! Hanjika kanda nwivwa woma. Lweza membo ja Ayuda ngwe, Zambi yenu kaneza!

Izaya 51:1

Mwene Zambi kanambe ngwenyi: “Ngubanjikenu yenu nwazanga anulamwine, yenu waze nwakwiza kuli yami hanga ngunukwase. Talenu ku luliwe luze anuchijile, ku wina uze anutuhwishile.

Izaya 51:4

“Atu jami, ngubanjikenu, ivwenu yize ngunanwambe ngwami, ngunalongesa akwa mavungu; ululi wami muwapangulwisa.

Izaya 51:7

“Ngubanjikenu, yenu nwanyingika yize yinalite, yenu nuli ni longeso liami mu mbunge jenu. Kanda nwivwa woma muze atu maanuchoka ni kunusaula;

Izaya 52:8

Waze akufunga limbo kaanakololoka, kaanakololoka ni chiseke! Maahasa kumona ni meso jo ene chize Mwene Zambi kanahiluka mu Yerusaleme!

Izaya 55:2

Mumu yika nwakumwanga mbongo ha yuma yize hi yakulia ko? Kuchi mba nwakuhana ubite ha yakulia yize kuyishi kunukuchisa? Ngubanjikenu, nulinge yize ngunambe, mba hanga nukawahilile ni yakulia yibema yahiana.

Izaya 58:1

Mwene Zambi kanambe ngwenyi: “Kololokenu chikolo! Lwezenu atu jami Aisraele milonga yo!

Hosea 8:1

Mwene Zambi ngwenyi: “Humunenu chitavwi! Akwa kole kaanahulumuka ha chifuchi chami ngwe tela! Atu jami haashiha Usendo uze nakolesele no, haanakolema Shimbi jami.

Mateu 2:1

Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

Yilinga 1:26

Mba yaata chela. Yichiholokela hali Mataya. Mwenawo alwile hamwe ni tunganda twa Yesu kumi ni kashi.

Yilinga 13:16

Petulu yakatuka, yalahula ni kwoko, yamba ngwenyi: “Akwetu Aisraele, ni yenu akwo waze nwakuwayila Zambi, banjikenu!

Yilinga 2:22

“Malunga ja Israele, ngubanjikenu! Zambi hanashindakenya hakutwala kuli Yesu wa ku Nazare, ni yipupu, ni yikomokeso, ni yilayi. Yuma yino Zambi wayilingile muli iye, ngwe chize nunanyingika yenwene, mumu wayilingile hakachi kenu.

Yilinga 21:28

yaakololoka ngwo: “Malunga a Israele, tukwasenu. Mutu yono kakuya kweswe nikwambujola ha kulimika ni Aisraele, ni Shimbi, ni zuwo lino. Chibwe haliabwila hanjisa waze hi Ayuda ko mu zuwo lino lia Zambi, hajilula muma muno mwa chijila.”

Yilinga 5:35

Mba yambila Mbunga ya Ngaji ngwenyi: “Yenu malunga ja Israele, kanyamenu yenwene ha chize nunambe kulinga wano atu.

Yilinga 7:2

Neye yakumbulula ngwenyi: “Akwetu ni atata, achivwenu! Zambi ya uhenya waswekelele kashakulu ketu Abrahama muze atwamine mu chifuchi cha Mesopotamia, shimbu te kanda achiza ni kutwama mu limbo lia Harane.

Shimbi 27:9

Mba Mose yakungulula mahako ja Alevi, yambila Aisraele eswe ngwenyi: “Yenu Aisraele nungwivwa kanawa, nungubanjika. Musono hinwabwa atu ja Mwene Zambi, Zambi yenu,

Tiangu (Jake) 2:5

Akwetu akwa Kristu, banjikenu! Zambi hanatongola yiswale a hano hashi hanga abwe pichi mu ufulielo, ni maswana mu Wanangana wenyi uze alakenyene waze akumuzanga.