Yilinga 2:1 - Mukanda Wa Zambi 1970

¹ Muze tangwa lia chiwanyino cha Pentekoste hiliaheta, ayo eswe yaabwa hamuwika, muma mumuwika.

MUKANDA USANDU WA ZAMBI 1975

¹ Muze tangwa lia Pentekoste hiliaheta, o eswe apwile hamuwika ni mbunge yimuwika muma mumuwika.

Yilinga 2:1 Iomraidhean Croise

2 Sango Ja Mianangana 30:12

Zambi yalinga nawa milimo mu Yuda. Yaaha atu mbunge yimuwika ni kulinga upale wenyi ha kufunga Shimbi ja mwanangana ni akwa kuyula jenyi.

Miaso (Masamu) 133:1

Cho kuwaha, cho kubema, nyi atu ja Zambi kaakutwama hamuwika ni kulivwa!

Kutuhuka 23:16

“Ukalinga chiwanyino cha Kubatula Mbuto, muze unabatula mbuto yitangu ya mu munda we. “Ukalinga nawa chiwanyino cha Yikulika ha kuhwa cha mwaka, muze muukahela mihuko ya vinyu ni ya olive.

Kutuhuka 34:22

“Ukalinga chiwanyino cha Kubatula Mbuto, muze unabatula mbuto yitangu ya mu munda we. Ukalinga nawa chiwanyino cha Yikulika ha kuhwa cha mwaka wa kuhela mihuko.

Jeremia 32:39

Mungukaaha nyonga limuwika lia kungulemesa matangwa eswe, mumu ha yibema yo ene ni ha yibema ya vungu lio.

Zefania 3:9

“Mba mungwalumuna mbunge ja akwa mavungu. No maalemba kuli yami wika, hi kuli mazambi eka ko. Eswe maangwononokena.

Yilinga 1:5

Yoano te kakupapachisa ni meya, alioze kulutwe lia matangwa akepe, mungukanupapachisa ni Mwiku wa Linanga.”

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

Yilinga 2:46

Tangwa ha tangwa yaalikungulula mu zuwo lia Zambi lia Ayuda, yaalia yakulia yo hamuwika mu mazuwo jo ni kutuwika cha mbunge,

Yilinga 20:16

Paulu yanyonga ha kuhiana Efesu, mumu te kazangile kushimbula mu chifuchi cha Asia. Yalipupwisa akahete ku Yerusaleme shimbu tangwa lia Pentekoste kanda lichiheta, nyi te muchibwa chashi.

Yilinga 4:24

Ha kwivwa liji lino, yaalemba Zambi ni mbunge yimuwika ngwo: “Mwene, yena watangile lilu, ni hashi, ni kalunga lwiji, ni yeswe yize yilimo.

Yilinga 4:31

Muze haalemba, muma muze akungulukile yimunyika. Ayo eswe yaazala ni Mwiku wa Linanga, mba yaabutuka kwambujola liji lia Zambi ni hamu.

Yilinga 4:32

Mbunga ya akwa kufuliela yaabwa ni mbunge yimuwika ni nyonga limuwika. Mutu niumwe hakachi ko wambile ngwenyi: “Chuma chize nguli nacho cha yami mwene.” Alioze yaalianyina yuma yo mukachi ko eswe.

Yilinga 5:12

Zambi yalinga yilayi ni yikomokeso yinji hakachi ka atu ku moko ja tunganda twa Yesu. Akwa kufuliela te kaakulikungulula hamuwika ni mbunge yimuwika mu chisambwe cha Solomone.

A-ROMA 15:6

hanga yenu eswe hamuwika, ni liji limuwika, nukahalise Zambi, Tato ya Mwene wetu Yesu Kristu.

1 Korintu 16:8

Alioze ngunanyongo kusala muno mu Efesu ndoo ku tangwa lia Pentekoste.

Filipu 1:27

Chuma chimuwika, talenu kanawa hanga ndako jenu jilite ni sango ja Kristu, hanga, chibwe mungunuheta ni kunumona hanji chishiko, ngukevwe ngwo, nunamana nguu ni kunyonga chi muwika ni kulitachika hamuwika ni mbunge yimuwika hakutwala ku ufulielo wa Sango Jibema.

Filipu 2:2

Ngunaliumbu kuli yenu ngwami, nunguwahise ha kubwa ni nyonga limuwika, ni zango limuwika, ni kulikunda chimuwika ni mbunge yimuwika.