Yilinga 19:3 - Mukanda Wa Zambi 1970

³ Paulu yaahula ngwenyi: “Mba ni upapachisa uka anupapachishile?” Ayo ngwo: “Ni upapachiso wa Yoano.”

MUKANDA USANDU WA ZAMBI 1975

³ Iye wambile kuli ayo ngwenyi, Ku chuma chika anupapachishile? O ambile ngwo, Ku upapachiso wa Yoano.

Yilinga 19:3 Iomraidhean Croise

Mateu 28:19

Kashika, yeenu ku mavungu eswe, nukaapwise tumbaji twami, ni kwapapachisa mu jina lia Tata, ni lia Mwana, ni lia Mwiku wa Linanga,

Luka 7:29

Akwa kulambwisa lijimu ni atu akwo ese yaamwivwa. No yaamba ngwo: “Zambi kali mukwa ululi.” Enoo Yoano apapachishile hatangu.

Yilinga 18:25

Haanamulongesa jila ya Mwene. Neye yalihana kuhiana kunyingikisa ni kulongesa kanawa chikuma cha Yesu, alioze yanyingika shina upapachiso wa Yoano.

Yilinga 8:16

Mumu te hanaapapachisa mu jina lia Mwene Yesu, alioze Mwiku te kanda uchihulumuka kama muli umwe wa kuli ayo.

1 Korintu 12:13

Chimuwika nawa, yetu eswe, Ayuda ni waze hi Ayuda ko, ndungo ni enyaho, hanatupapachisa ni Mwiku umuwika hanga tubwe mujimba umuwika. Yetu eswe hanatunwisa kuli Mwiku umuwika.

Hebreu 6:2

ni upapachiso weka ni weka, ni kusa moko hali atu, ni uhindukilo wa afu, ni ubatwilo wa miaka yeswe.