Yilinga 19:26 - Mukanda Wa Zambi 1970

²⁶ Nunamono ni nunevu ngwo, mutu yono, Paulu, hanakununa atu anji. Kakwamba ngwenyi: ‘Mazambi waze akulinga ni moko ja atu, hi mazambi ko.’ Chino kachilingile ko mu Efesu wika, kwasala hakepe ni mu chifuchi cheswe cha Asia nawa.

MUKANDA USANDU WA ZAMBI 1975

²⁶ Mba nunamono, nunevu ngwe hi ku Efwesu wika ko, alioze ndusu mu Eshia mweswe, chikepe chinasala, yono Paulu hanakununa nikukondolola mbunga yinene ngwenyi, Hi mazambi ko aze akutengewa ku moko ja atu.

Yilinga 19:26 Iomraidhean Croise

Jeremia 10:11

(Yenu chanutamba kulweza atu ngwenu, mazambi waze kaatangile ko hashi ni malilu kumaakonona. Keechi kalinduluka hano hashi.)

Hosea 8:6

Umwe Kaisraele mukwa utotombo yafula hamba yoze. Hamba yoze hi zambi ko! Kuji a ngombe wa oru yoze akuwayila mu limbo lia Samaria maakamubalwola!

Yilinga 14:15

“Yenu malunga, yika nunalingila Chuma chino? Tuli lume atu ngwe yenu. Tunanwambulwila Sango Jibema, ngwetu, mbilenu yuma yino yamokomoko, nutewulukile kuli Zambi ya mwono, yoze watangile lilu ni hashi, ni kalunga lwiji, ni yeswe yize yilimo.

Yilinga 17:29

Kashika, mumu tuli ana ja Zambi, hi chibema ko kunyonga ngwetu, Zambi kalifwa ni oru, hanji prata, hanji liwe lia kusonga ni utotombo ni mana ja atu.

Yilinga 18:19

Yaheta ku limbo lia Efesu. Kwenako ahichikile Prisila ni Akwila. Neye yanjila mu zuwo lia kuwayila lia Ayuda, yahamika no.

Yilinga 19:1

Muze te Apolo achili ku limbo lia Korintu, Paulu yabalika ndusu mu yifuchi ya ku tunda, yaheta ku limbo lia Efesu, yawana ko amwe tumbaji,

Yilinga 19:10

Chino yichibwa ha miaka yaali. Kashika atu eswe a mu chifuchi cha Asia, Ayuda ni waze hi Ayuda ko, yeevwa sango ja Mwene Yesu.

Yilinga 19:25

Mwenawo yakungulula akwa milimo jenyi, ni waze te alinga nenyi milimo yimuwika. Yaambila ngwenyi: “Akwetu, nunanyingika ngwenu, ubite wetu wakukatuka ku milimo yino.

1 Korintu 12:2

Nunanyingika ngwenu, muze te kanda nuchifuliela, mahamba waze keeshi kuhanjika te kaakunuyula ni kunupiangula.

1 Korintu 8:4

Kashika, hakutwala ku yifwo yize mavungu akwo akulambula ku mahamba, tunanyingika ngwetu, hamba hi Chuma chamwenemwene ko. Zambi kali umuwika lume.

Galashia 4:8

Ha miaka yikulu te kunwanyingikine Zambi, ni nwabwile ndungo ja mazambi waze hi amwenemwene ko.

Shimbi 4:28

Kwenako munukawayila mazambi a mitondo ni a mawe waze akulinga ni moko, mazambi waze kaahashile kumona chibwe kwivwa, hanji kulia chibwe kuhumbika.

1 Tesalonika 1:9

Eswe kaakwambulula chize nwatutambwile muze twanuhetele. Kaakwambulula nawa chize hinunehuka mahamba ni kutewuluka kuli Zambi, mu kulingila Zambi ya mwono ni yamwenemwene,

Usolwelo 9:20

Masalila waze eswe, waze kaafwile ko mu lamba lize, kaambilile ko mahamba waze asongele ni moko jo. Keehukile kuwayila mwiku wa luchisa, ni mahamba ja oru, ni prata, ni unengu, ni mawe, ni mitondo, mahamba waze keeshi kumona, keeshi kwivwa, keeshi kwenda.