Yilinga 19:23 - Mukanda Wa Zambi 1970

²³ Ha mwaka uze yikubwa zungo linji mumu ha longeso hakutwala kuli Mwene Yesu.

MUKANDA USANDU WA ZAMBI 1975

²³ Kwapwile ha mwaka uze wene Chizungozungo chinene ha kutwala ku Jila yino.

Yilinga 19:23 Iomraidhean Croise

Yilinga 18:26

Yabutuka kuhanjika ni hamu mu zuwo lia kuwayila lia Ayuda. Muze Prisila ni Akwila haamwivwa, yaamutwala ku mahio, yaamulumbunwina jila ya Zambi kanawa.

Yilinga 19:9

Alioze akwo yaakala mbunge, yaalituna kufuliela, yaalelesa ku meso ja atu eswe longeso hakutwala kuli Mwene Yesu. Kashika Paulu yakatuka, yatwala tumbaji hamwe nenyi nikwalongesa tangwa ha tangwa mu shikola ya Tiranu.

Yilinga 22:4

Nahungumionene ndoo ku kufwa waze akawile longeso hakutwala kuli Mwene Yesu. Nakwachile malunga ni mapwo nikwasa mu zuwo ha lamba.

Yilinga 24:14

Alioze ngunatayiza ku meso je ngwami, nakuwayila Zambi ya tushakulu twetu ni kukaula jila yize akwamba ngwo, ya mahuza. Alioze nakufuliela yuma yeswe yize hiyinasonewa mu mikanda ya Shimbi ni ya akwa munanyi a Zambi.

Yilinga 24:22

Felix, nikunyingika pundu longeso hakutwala kuli Yesu Kristu, yaashimbwishila, yaamba ngwenyi: “Muze mwata wa tujita Lisia makeza, mba mungukabatula mulonga wenu.”

Yilinga 9:2

yamwita mikanda ya kunjila nayo mu mazuwo ja kuwayila ja Ayuda mu limbo lia Damasku Yazanga kufupa atu waze te akukaula jila ya Yesu, malunga ni mapwo, ha kwakwata ni kwaneha ku Yerusaleme.

2 Korintu 11:26

Muze te nakwendangana, nabwile mu utoji ha kuzala cha njiji, ni utoji wa akwetu jami Ayuda ni wa yilambala. Nabwile ni utoji mukachi ka membo ni wa mu puya, ni utoji wa tulanga lwiji, ni utoji wa akwetu akwo akwa mahuza.

2 Korintu 6:5

Haanatulambe, haanatuse mu zuwo lia lamba, haanatubinjisa. Hitunalingi milimo ya lamba kuhiana. Yisuho yinji kutushi kuhasa kulia hanji kuya tulo.

2 Korintu 6:9

ngwe kaatunyingikine, hindu eswe kaanatunyingika; ngwe tuli afu, hindu tuli ni mwono. Kaakutumwesa lamba, hindu kutushi kufwa.