Yilinga 19:22 - Mukanda Wa Zambi 1970

²² Yatuma aali a kuli yikwashi jenyi ku Masedonia, Timoteu ni Erastu. Alioze iye mwene yasala shimbu limwe mu chifuchi cha Asia.

MUKANDA USANDU WA ZAMBI 1975

²² Iye se watumine ku Masendoniya, aali a kuli waze apwile nikumuvumbika, Timoteu ni Erasetu; iye mwene wasalile shimbu mu Eshia.

Yilinga 19:22 Iomraidhean Croise

Yilinga 13:5

Muze haaheta mu limbo lia Salamina, yaambujola maliji a Zambi mu mazuwo a kuwayila a Ayuda. Yoano te chikwashi cho.

Yilinga 16:1

Paulu yaheta ku membo ja Derbe ni Listra, yawana ko umwe kambaji, jina lienyi Timoteu, mwana wa umwe pwo Kayuda, mukwa kufuliela, alioze tato Kagresia.

Yilinga 16:3

Paulu yazanga Timoteu kuya hamwe nenyi, yamwanda, mba yamupwisa ngalami. Yachilinga mumu hali Ayuda a ku chifuchi chize, mumu eswe te kaamunyingika ngwo, tato Kagresia.

Yilinga 18:5

Muze Sila ni Timoteu haakatuka ku chifuchi cha Masedonia ni haaheta mu limbo lia Korintu, Paulu yabutuka kulongesa tangwa ha tangwa. Yashindakenya Ayuda ngwenyi: “Yesu mwe Chilamwina yoze Zambi alakenyene.”

Yilinga 19:10

Chino yichibwa ha miaka yaali. Kashika atu eswe a mu chifuchi cha Asia, Ayuda ni waze hi Ayuda ko, yeevwa sango ja Mwene Yesu.

Yilinga 19:21

Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

Yilinga 19:29

Limbo heswe yilibwa ni Vunda jinji. Mbunga yaakwata Gayu ni Aristarku, akwa Masedonia, waze te akwenda ni Paulu, yaalundumukina ni mbunge yimuwika nikwatwala ku lwaza.

Yilinga 20:1

Muze te zungo hiliahola, Paulu yatambika tumbaji, yaashinjila maliji, yalishika no, yakatuka ni kuya ku Masedonia.

Yilinga 20:34

Nunanyingika yenwene chize nalingile milimo ni moko ja yami mwene ha kubwa ni yeswe yize nahonene ni yize ahonene waze abwile hamwe ni yami.

A-ROMA 16:23

Gayu, yoze wakunguzumbula, kuli yoze kwakukunguluka Chikungulwila cheswe, kananumeneka. Erastu, mukwa ujiji wa mu limbo, ni mukwetu Kwartu, kaananumeneka. [

2 Korintu 1:16

Mumu nanyongene kunuheta mu wenyi wami wakuya ku chifuchi cha Masedonia, ni ha kuhiluka chami nawa, hanga nikangukwase ha kuhiluka chami ku chifuchi cha Yudea.

2 Korintu 11:9

Muze nabwile mukachi kenu, nyi te hinabwa ni chikala cha mbongo, Chanuhele lamba ngwami: “Ngwehenu mbongo.” Mumu akwetu akwo waze akatukile ku chifuchi cha Masedonia yaangunehena yuma yeswe te nahonene. Nalifungile ha kunwaha yilemu chibwe ku cheswe Chuma. Chenacho mungukalifunga chibwe kulutwe ha kunutwika yilemu.

2 Korintu 2:13

Alioze nulibikalile kuhiana muze Chamwene mukwetu Titu. Kashika nashikile akwa Troa, yinguya ku chifuchi cha Masedonia.

2 Korintu 8:1

Akwetu, tunazange nunyingike chize Zambi alwezele utu wenyi mu Yikungulwila ya mu chifuchi cha Masedonia.

2 Korintu 8:19

Nawa akwa Yikungulwila haanamutongola hanga abwe ni kwendangana hamwe ni yetu muze mutuya ni kutambula yawana ha kuhalisa Mwene wetu Yesu ni kulweza nawa atu zango lietu lia kukwasa.

1 Tesalonika 1:8

Mumu liji hakutwala kuli Mwene Yesu hinunalinyingikisa lio, hi ku Masedonia ni Gresia wika ko, alioze sango ja ufulielo wenu hakutwala kuli Zambi hijinamwangana; atu keechi kufupa nawa ha kujivwa.

2 Timoteu 4:20

Erastu hanasala ku limbo lia Korintu. Nahichikile Trofimu ku limbo lia Miletu, mumu te kanayiji.