Yilinga 19:21 - Mukanda Wa Zambi 1970

²¹ Kulutwe lia yuma yino, Paulu yanyonga kubalika mu chifuchi cha Masedonia ndoo mu chifuchi cha Gresia, ni kuheta ku limbo lia Yerusaleme. Yamba ngwenyi: “Nyi naheta ko, Changutamba kuya nawa kutala limbo lia Roma.”

MUKANDA USANDU WA ZAMBI 1975

²¹ Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Yilinga 19:21 Iomraidhean Croise

Lungungu 3:37

Iya mahasa kwamba chimwe Chuma, mba chibwe, nyi Zambi kachitayijile?

Yilinga 16:12

Ha kukatuka ko yituya ku Filipu, limbo lia mu chifuchi chitangu cha mu Masedonia, te chifuchi chili mu chiyulo cha Aroma. Yitutwama amwe matangwa mu limbo lize.

Yilinga 18:12

Alioze, muze haapwisa Galiu mukwa kuyula wa chifuchi cha Gresia, Ayuda yaakatukila Paulu ni mbunge yimuwika, yaamutwala ku chisopelo.

Yilinga 18:21

alioze yalishika no ngwenyi: “Mungukeza nawa, nyi Zambi mapala.” Mba yakatuka ku Efesu, yanjila mu ulungu.

Yilinga 19:22

Yatuma aali a kuli yikwashi jenyi ku Masedonia, Timoteu ni Erastu. Alioze iye mwene yasala shimbu limwe mu chifuchi cha Asia.

Yilinga 19:29

Limbo heswe yilibwa ni Vunda jinji. Mbunga yaakwata Gayu ni Aristarku, akwa Masedonia, waze te akwenda ni Paulu, yaalundumukina ni mbunge yimuwika nikwatwala ku lwaza.

Yilinga 20:16

Paulu yanyonga ha kuhiana Efesu, mumu te kazangile kushimbula mu chifuchi cha Asia. Yalipupwisa akahete ku Yerusaleme shimbu tangwa lia Pentekoste kanda lichiheta, nyi te muchibwa chashi.

Yilinga 20:22

Talenu, haliabwila ngunayi ku Yerusaleme. Mwiku wa Linanga unangushinjika. Chanyingikine Chuma chize muchikanguwana ko,

Yilinga 21:17

Muze hitwaheta ku Yerusaleme, akwetu akwa Kristu yatusambilila.

Yilinga 21:4

Yituwana tumbaji, mba yitutwama ko matangwa shimbiali. Ku tachi ja Mwiku wa Linanga, e tumbaji yaambila Paulu ngwo: “Kanda uya ku Yerusaleme.”

Yilinga 23:11

Ha ufuku uze, Mwene Yesu yamana hehi ni Paulu, yamba ngwenyi: “Hamuka lume! Hiwangushindakenyena muno mu Yerusaleme. Chizechene nawa Chakutamba kushindakenya ku Roma.”

Yilinga 27:1

Muze habatula ngwo, mutwenda mu ulungu ku chifichi cha Italia, yaakunjika Paulu ni funge akwo kuli mwata wa tujita, jina lienyi Juliu, wa ku mbunga ya tujita yize anavuluka ngwo, Mbunga ya mwanangana wa Aroma,

Yilinga 27:24

Ngwenyi: ‘Paulu, kanda wivwa woma! Chakutamba kumana ku meso ja mwanangana wa Aroma. Ni chikwo nawa, Zambi, ku utu wenyi, hakwaha mwono wa eswe waze unazauka no.’

Yilinga 28:16

Muze hitwaheta ku Roma, mwata wa miata ja tujita yatayiza Paulu kutwama ukawenyi hamwe ni kajita yoze te wamufunga.

A-ROMA 1:11

Mumu ngunevu usona wa kunomona ni kulianyina yiwape yize Mwiku wa Linanga wakuhana, hanga ngunatakamise.

A-ROMA 1:13

Akwetu, ngunazange nunyingike ngwenu, kanji nanyongene kunuheta, alioze navumewene ndoo musono. Nazangile milimo yami kubwa ni mihuko yimwe mukachi kenu nawa, ngwe mukachi ka mavungu akwo.

A-ROMA 1:15

Kashika, ngunafwila kwambujola Sango Jibema kuli yenu nawa nwatwama mu Roma.

1 Korintu 16:5

Mungukanuheta muze mungukabalika mu chifuchi cha Masedonia, mumu Changutamba kubalika mu Masedonia.

1 Korintu 4:19

Alioze, nyi Mwene mapala, mungunuheta nikawashi. Ha ola yize chichi kunyingika wika yize akwamba akwa kulengumuka, alioze mungunyingika nawa yuma yize maahasa kulinga.

2 Korintu 10:16

Mba mutukahasa nawa kutwala Sango Jibema mu yifuchi yize yanujingilika, hi ni kulisamba ko ha yize atu akwo alingile mu yifuchi yo.

Galashia 2:1

Muze miaka kumi ni yiwana hiyabalika, yinguya ku limbo lia Yerusaleme hamwe ni Barnaba, nanjile nawa Titu nikuya nenyi.

1 Tesalonika 1:7

Kashika hinunalumuka chilweza cha akwa kufuliela eswe a mu yifuchi ya Masedonia ni Gresia.