Yilinga 19:19 - Mukanda Wa Zambi 1970

¹⁹ Anji waze te akulinga yuma ya tufutafuta yaaneha mikanda yo, yaayisa ku meso ja atu eswe, yaayocha, yaalula ndando yayo, te makumi atano a tununu a mbongo ja prata.

MUKANDA USANDU WA ZAMBI 1975

¹⁹ Anji a kuli waze apwile nikulinga tufutafuta, anehene mikanda yo, ayochele kumeso ja eswe; ha kwalula ndando jayo, ajiwanyine makumi atano a tununu twa mbongo ja prata.

Yilinga 19:19 Iomraidhean Croise

Ubutukilo 35:4

Mba yaamwaha Yakoba mahamba eswe a yilambala waze abwile no, yaamwaha nawa yingeliengelie ya ku matwi yize te akuzala. Yakoba yayivumbika mushi lia mutondo shene uze wabwile hakamwihi ni limbo lia Shekeme.

1 Sango Ja Mianangana 10:13

Chenacho Saulu afwile mumu ha utanguko wenyi kuli Mwene Zambi. Yakolema Shimbi jenyi, chikwo nawa, yahula chiyulo kuli mukwa mahamba

2 Sango Ja Mianangana 33:6

Yalambula ana jenyi a malunga milambu ya kwocha mu chikulo cha Hinome. Yataha ngombo, yapanda wanga, yalinga tufutafuta. Yavulumuna Mwene Zambi kuhiana, yamuvwisa ufwatulo.

Kutuhuka 32:20

Mba yanda chimbembe wa kuji yoze alingile, yamwocha mweswe, yamufwenya yifenyufenyu. Yasa uto uze mu meya, mba yanwisa Aisraele meya waze.

Kutuhuka 7:11

Alioze mwanangana yatambika akwa mana ni akwa kulinga yipupu, no yaalinga chizechene ni mana jo.

Kutuhuka 7:22

Akwa kulinga yipupu a mu Egiptu yaalinga chizechene ni mana jo, mba mbunge ya mwanangana yiikala. Hikevwilile ko Mose ni Arane, ngwe chize ambile Zambi.

Izaya 30:22

Munukanda mahamba jenu akulamika prata ni oru, nikwaambila ngwe Chuma cha luchisa, nikukololoka ngwenu: “Katukenu ko!”

Izaya 8:19

Alioze maakakulweza ngwo: “Chatamba kwita mana kuli tahi ni kuli akwa mahamba waze akulinyinguna ni kulinyinyita, mumu chatamba kwita mana kuli mwiku, ni kuhula afu hakutwala kuli akwa mwono.”

Daniel 2:2

Kashika yasaka tahi, ni akwa tufutafuta, ni akwa kupanda, ni mbuki amulumbunwine che chilota. No yaaheta, yaamana kulutwe lienyi.

Alevi 13:52

Hako akocha che Chuma, mumu hichabwa ni mbundu yize yinatande.

Luka 14:33

Yesu yawezaho ngwenyi: “Chimuwika nawa, niumwe wa kuli yenu mahasa kubwa kambaji kami shina mehuka yize yeswe ali nayo.”

Luka 15:8

“Hanji, nyi umwe pwo mabwa ni mbongo kumi, nyi matokesa umuwika, kuchi malinga? Kechi kuwika ndeya ni kukomba mu zuwo ni kuhengula hengula ndoo mamuwana, nyi?

Yilinga 13:6

Yaabalika mu tungu lieswe ndoo ku limbo lia Pafo Yaawana mo umwe lunga, Kayuda, jina lienyi Bar-Yesu, mukwa munanyi wa mahuza te mukwa kulinga tufutafuta.

Yilinga 13:8

Alioze mukwa kulinga tufutafuta, Elima (lie jina lienyi mu greke), yamanangana no, yazanga kukwika mukwa kuyula ku ufulielo.

Yilinga 19:18

Atu anji waze afulielele yaashikisa milonga yo, nikusolola ku meso ja atu eswe yize alingile hatangu.

Hebreu 10:34

Yinuvwila funge keke mu zuwo lia lamba, ni muze te atu akunwiya yuma yenu, yinwaatayiza ni uwahililo ngwenu, aye nayo, mumu te nunanyingika ngwenu, nuli ni ubite Wahiana uze wakulinduluka.