Yilinga 19:10 - Mukanda Wa Zambi 1970

¹⁰ Chino yichibwa ha miaka yaali. Kashika atu eswe a mu chifuchi cha Asia, Ayuda ni waze hi Ayuda ko, yeevwa sango ja Mwene Yesu.

MUKANDA USANDU WA ZAMBI 1975

¹⁰ Chino chapwile ha miaka yiali; chocho waze eswe atwamine mu Eshia, evwile liji lia Mwene Yesu, ni A-Yunda ni A-Ngresia.

Yilinga 19:10 Iomraidhean Croise

Yilinga 13:12

Ha kuchiimona, mukwa kuyula yafuliela, yalishikishila ha longeso Hakutwala kuli Mwene Yesu.

Yilinga 16:6

Shimbu abalikile ndusu mu chifuchi cha Frigia ni cha Galashia, Mwiku wa Linanga yiwakinda kwambujola maliji a Zambi mu chifuchi cha Asia.

Yilinga 18:11

Kashika yatwama ko mwaka ni tukweji asambano nikwalongesa maliji a Zambi.

Yilinga 18:4

Tangwa heswe lia kuhwima, Paulu yalongesa mu zuwo lia kuwayila lia Ayuda, yafupa kukununa Ayuda ni Agresia.

Yilinga 19:20

Chenacho maliji a Zambi yaafumana ni tachi kuhiana.

Yilinga 19:22

Yatuma aali a kuli yikwashi jenyi ku Masedonia, Timoteu ni Erastu. Alioze iye mwene yasala shimbu limwe mu chifuchi cha Asia.

Yilinga 19:8

Paulu yanjila mu zuwo lia kuwayila lia Ayuda. Ha shimbu lia tukweji atatu yahanjika ni hamu, yeseka kwakununa hakutwala ku Wanangana wa Zambi.

Yilinga 2:9

Tuli atu ja mu yifuchi ya Parte, ni Meda, ni Elame, ni Mesopotamia, ni Yudea, ni Kapadosia, ni Pontu, ni Asia,

Yilinga 20:18

Muze heeza, yaamba ngwenyi: “Yenwene nunanyingika ndako yami chize nabwile hakachi kenu matangwa eswe, chize ku tangwa litangu muze nahetele ku chifuchi cha Asia.

Yilinga 20:31

Kashika kanyamenu, iwulukenu ngwenu, ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 6:9

Alioze yikukatuka amwe akwa kuvundula a ku zuwo lia kuwayila, lize te akuvuluka ngwo: “Kule.” Mukachi ko yimubwa Ayuda a ku membo ja Sirene, ni Alexandria. No yaabutuka kuhamika ni Estevau (Etienne) hamwe ni Ayuda akwo a ku Silisia ni Asia.

A-ROMA 1:16

Mumu Chishi kwivwa sonyi ha Sango Jibema, mumu jili ndundo ja Zambi ha kulamwina eswe waze akufuliela, hatangu Ayuda, ni mavungu akwo nawa.

A-ROMA 10:12

Kulisa chakuhi mukachi ka Ayuda ni mavungu akwo, mumu eswe Mwene umuwika akwete, yoze wakuyukisa eswe waze akumufuliela.

A-ROMA 10:18

Alioze ngunahula ngwami, keevwile ko sango jize, nyi? Chamwenemwene haanajivu! Ngwe Mukanda wa Zambi unambe ngwo: “Liji lio haanalivu hashi heswe. Maliji jo haanahete ku masongo ja yifuchi yeswe ya hashi.”

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.

2 Timoteu 1:15

Unanyingika ngwe, atu eswe mu chifuchi cha Asia haanangwehuka. Hakachi ko Figelu ni Hermogene.

1 Petulu 1:1

Yami Petulu, kanganda ka Yesu Kristu, ngunanusonekena yenu waze Zambi atongwele, yenu njize waze nunamwangashana mu yifuchi ya Pontu, ni Galashia, ni Kapadosia, ni Asia, ni Bitinia.

Usolwelo 1:11

ngwenyi: “Yize unamono, yisoneke mu mukanda. Ukautume ku Yikungulwila yino shimbiali: Efesu, ni Smirna, ni Pergamu, ni Tiatira, ni Sardu, ni Filadelfia, ni Laodisea.”

Usolwelo 1:4

Yami Yoano, ngunameneka Yikungulwila shimbiali ya mu chifuchi cha Asia: Zambi yoze kwali, yoze wabwile, yoze makabwa, ni Mwiku shimbiali uze uli kulutwe lia chitwamo chenyi cha wanangana, ni Yesu Kristu chela wakushishika, Mwana mutangu kusemuka, mutangu kuhinduka, mukwa kuyula mianangana a hashi, anulweze utu ni anwehe uhwimino. Yesu Kristu kakutuzanga. Ku kufwa chenyi hanatulamwina ku milonga yetu,