Yilinga 18:6 - Mukanda Wa Zambi 1970

⁶ Alioze yaalimika nenyi ni kumushililika. Paulu yakukumuna fufuta ku mahina jenyi. (Ha chino, yaalweza ngwenyi, kanalihandununa no.) Mba yaamba ngwenyi: “Nyi munukafwa mu milonga yenu, ayo yinanutale. Yami ngunasambe. Chize ku haliabwila ngunayi kuli waze hi Ayuda ko.”

MUKANDA USANDU WA ZAMBI 1975

⁶ Alioze se alimikine nikushililika, wakukumwine mazalo jenyi, ngwenyi, Manyinga jenu akapwe ha mitwe ya yenwene; yami ngunasambe: chize ku haliapwila ndo ku miaka munguya kuli akwa mavungu.

Yilinga 18:6 Iomraidhean Croise

2 Samuel 1:16

David yambila mwe mukwa Amaleke ngwenyi: “Kufwa chino chili mulonga wa yena mwene, mumu washindakenya kushiha mwanangana yoze Mwene Zambi hanawayisa maji.”

1 Yitanga Ya Mianangana 2:33

Joabe ni vungu lienyi maamwesa lamba ndoo ku miaka yeswe mumu ha kufwa cha atu waze. Alioze Mwene Zambi makawahisa vungu lia David ni waze maakamuhinga ndoo ku miaka yeswe.”

Nehemia 5:13

Mba yingulikukumuna hina lize te ngunazala mu zalilo yami ni kulizula. Yingwalweza ngwami: “Chenacho makalinga Zambi kuli yenu nyi kunuchi kufunga chilakenyo chenu. Zambi makatambula mazuwo jenu ni yuma yenu yeswe, makanukatwisa mokomoko.” Atu eswe waze te anamana ko yaamba ngwo: “Chibwe kama Chenacho!” Mba yachichimieka Mwene Zambi. Miata yaafunga yilakenyo yo.

Ezekiel 18:13

Kakuhana mbongo ni kufumbula mbwezo. Mwana ngwe yoze makatwama ni mwono, nyi? Kaa! Hanalingi yuma yino yeswe ya kuzelwokesa, kashika kumakafwa. Uhiso wa kufwa chenyi muukabwa wa iye mwene.

Ezekiel 33:4

Nyi umwe mutu hevwa ko, kachisele ku mbunge, mba akwa kole meeza ni kumushiha, kufwa chize chinamutale iye mwene.

Ezekiel 33:6

Nyi mwe kafunga mamoma akwa kole, hindu kechi kuhumuna chitavwi, akwa kole kumeeza ni kushiha yivulumunyi waze, alioze kufwa chize chili mulonga wa mwe kafunga.

Alevi 20:9

Mwene Zambi yalongesa Shimbi jino. Mweswawo matuka tato hanji naye, amushiha. Uhiso muubwa wa iye mwene.

Mateu 10:14

Nyi zuwo limwe hanji chihunda chimwe maakanulituna, hanji keechi kanwivwa, katukenu ko, kukumunenu fufuta ya ku molu jenu.

Mateu 21:41

No yaamukumbulula ngwo: “Makashiha lume yingulungulu waze. Mba makakunjika munda ku moko ja njimi eka waze maakamwaha yimwe mihuko ha mwaka wayo.”

Mateu 21:43

“Kashika, ngwami, Zambi makanuchiza Wanangana wenyi ni kuuhana kuli atu waze maakema mihuko yawo. [

Mateu 22:10

E tuvumbi yaaya mu majila, yaakungulula eswe waze awanyine, abi ni abema. Chenacho zuwo lia umbachiso yilizala ni atu.

Mateu 27:25

Atu eswe yaakumbulula ngwo: “Uhiso ubwe wa yetu ni ana jetu!”

Mateu 8:11

Ngunanwambe ngwami, anji maakeza ku chivumbuko ni ku chitokelo ni kutwama ku mesa mu Wanangana wa mwilu hamwe ni tata Abrahama ni tata Isake, ni tata Yakoba.

Luka 22:65

Yaamushililika ni maliji akwo anji.

Luka 9:5

Kweswako keechi kanutambula, katukenu mu limbo lio. Kukumunenu fufuta ya ku molu jenu ha kwatoweza. Chikabwe shindakenyo kuli ayo.”

Yilinga 13:51

Mba Paulu ni Barnaba yaakukumuna fufuta ya ku molu jo, yaaya ku limbo lia Ikoniu.

Yilinga 26:11

Yisuho yinji naamwesene lamba mu mazuwo ja kuwayila, nikwashinjika kulikala ufulielo wo. Yingwevwila ufwatulo, yingwahungumiona ndoo ku membo ja yilambala.”

Yilinga 26:20

Alioze hatangu yingwambujola mu Damasku ni mu Yerusaleme, mba mu chifuchi cheswe cha Yudea, ni mukachi ka waze hi Ayuda ko. Yingwambujola ngwami: ‘Alumukenu ku mbunge, nutewulukile kuli Zambi. Nulinge yitanga yize yinalweze kwalumuka cha ku mbunge.’

Yilinga 28:28

Paulu yawezela maliji ngwenyi: “Nyingikenu ngwenu, liji lia ulamwino hilinatumiwa kuli waze hi Ayuda ko. No maakalivwa.” (

A-ROMA 3:29

Zambi kali Zambi ya Ayuda wika, nyi? Hi Zambi ya mavungu akwo nawa ko, nyi? Chamwenemwene kali Zambi ya mavungu akwo nawa,

1 Timoteu 5:22

Kanda ulipupwisa kusa moko hali umwe mutu mu milimo ya Chikungulwila. Kanda ulichinga mu milonga ya mbala. Ulinange.

2 Timoteu 2:25

Chamutamba kulongesa akwa pami ni uhomboloji. Tangwa likwo Zambi makaaha tangwa lia kwalumuka ku mbunge ni kunyingika umwenemwene.

1 Petulu 4:14

Kunwawaha muze atu maanuchoka mumu nuli akwa Kristu. Mumu chinalumbunuka ngwo, Mwiku wa uhenya wa Zambi kuwatwama muli yenu.

1 Petulu 4:4

Alioze haliabwila waze hi akwa Kristu ko kaakulishimwoka, mumu kunushi kulichinga nawa no ha kuhungumuka ni yibi. Kashika akunushililika.