Yilinga 18:5 - Mukanda Wa Zambi 1970

⁵ Muze Sila ni Timoteu haakatuka ku chifuchi cha Masedonia ni haaheta mu limbo lia Korintu, Paulu yabutuka kulongesa tangwa ha tangwa. Yashindakenya Ayuda ngwenyi: “Yesu mwe Chilamwina yoze Zambi alakenyene.”

MUKANDA USANDU WA ZAMBI 1975

⁵ Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 18:5 Iomraidhean Croise

Jeremia 20:9

Muze nakwamba ngwami: “Munguvulama Mwene Zambi, chichi kwambujola nawa mu jina lienyi,” maliji je kaakubwa ngwe kahia kaze kanangwocho mu mbunge. Nakweseka kulihumikiza, alioze Chishi kuhasa.

Jeremia 6:11

Ufwatulo we wakulimika no ni yami nawa unangwocho, Mwene Zambi, yuma yino ni yami chahashile kulihumikiza nayo nawa.” Mba Mwene Zambi yangwamba ngwenyi: “Nyi Chenacho, solola ufwatulo wami hali ana mu majila ni ha mbunga ya akweze. Malunga ni mapwo jo, chibwe tushinakaji maakaatwala mu undungo.

Ezekiel 3:14

Mwene Zambi yangusa kwoko lia tachi; mba mwiku wenyi yiungumbata; yingwivwa kubiha ni wuli.

Mika 3:8

Alioze hakutwala kuli yami, Mika, Mwene Zambi kakunguzalisa ni Mwiku wenyi wa tachi. Hangwaha yinyingi ya ululi ni hamu lia kulweza Aisraele milonga yo.

Luka 12:50

Chatamba kungupapachisa; ngunanenganyana chinji ndoo muukamanunuka!

Luka 16:28

kuli anakwetu atano. Aye hanga akaatoweze, kuchina ayo nawa maakeza muma muno mwa kubinda.’

Yoano 1:41

Andre yawana hatangu yayo Simone, yamwamba ngwenyi: “Hitwamona Mesiya.” (Hanji Kristu, kulumbunuka ngwo, Chilamwina yoze Zambi alakenyene.)

Yoano 10:24

Ayuda yaamukunguluka, yaamuhula ngwo: “Ndoo mwiji muka muutupwisa ni chisweswe? Nyi mwe Chilamwina yoze Zambi alakenyene yena, twambulwile cho mwazu.”

Yoano 15:27

Ni yenu nawa, munukashindakenya hali yami, mumu nwabwile hamwe ni yami chize ku kabutu.”

Yoano 3:28

Yenwene nuli yela ja maliji waze nambile ngwami: ‘Yami hi nguli ko Chilamwina yoze Zambi alakenyene alioze Zambi hanangutumu kulutwe lienyi.’

Yilinga 10:42

Yatwaha Shimbi ya kwambujola kuli atu ni kushindakenya ngwetu, Yesu mwe asele ngaji ya amwono ni ya waze haanafu kulu.

Yilinga 15:22

Hohene yichibemena tunganda twa Yesu, ni makulwana, hamwe ni Chikungulwila cheswe kutongola amwe hakachi ko ni kwatuma ku limbo lia Antiokia hamwe ni Paulu ni Barnaba. Yaatongola Yudase, jina lienyi likwo Barsaba, ni Sila, akwa lufuma hakachi ka akwa Kristu.

Yilinga 16:1

Paulu yaheta ku membo ja Derbe ni Listra, yawana ko umwe kambaji, jina lienyi Timoteu, mwana wa umwe pwo Kayuda, mukwa kufuliela, alioze tato Kagresia.

Yilinga 16:12

Ha kukatuka ko yituya ku Filipu, limbo lia mu chifuchi chitangu cha mu Masedonia, te chifuchi chili mu chiyulo cha Aroma. Yitutwama amwe matangwa mu limbo lize.

Yilinga 16:9

Ha ufuku uzewene Paulu yamona mu Usolwelo umwe lunga wa ku chifuchi cha Masedonia, te kanamana nikumulembela ngwenyi: “Zauka, Wize kama kuno ku Masedonia utukwase.”

Yilinga 17:3

yaalumbunwina pundu nikwalweza ngwenyi, Kristu chamutamba kumona lamba ni kuhinduka ku kufwa. Ngwenyi: “Yono Yesu, yoze ngunanwambulwila, mwe Chilamwina yoze Zambi alakenyene.”

Yilinga 18:28

Mumu yakununa Ayuda ni tachi ku meso ja atu eswe. Yaalongesa ni ku shindakenya ku Mukanda wa Zambi ngwenyi: “Yesu mwe Chilamwina yoze Zambi alakenyene.”

Yilinga 2:36

“Aisraele eswe chaatamba kunyingika kanawa ngwo, Yesu yoze nwahachile ha kulusu, Zambi hanamupwisa Mwene kanda Chilamwina yoze iye mwene alakenyene.”

Yilinga 20:21

Hingunashindakenya kuli Ayuda ni kuli waze hi Ayuda ko, ngwe chize chaatamba kwalumuna mbunge jo kuli Zambi ni kufuliela Mwene wetu Yesu.

Yilinga 20:23

shina Mwiku wa Linanga wakungushindakenya mu limbo ni limbo ngwenyi: Luyinda ni zuwo lia lamba yinakutwaminyina.”

Yilinga 20:24

Alioze Chishi kwalula mwono wami ngwe Chuma chilemu. Nakuzanga kuhwisa kwenda chami ni milimo yami yize natambwile kuli Mwene Yesu. Milimo yino yenayi ayi: kushindakenya chikolo Sango Jibema ja utu wa Zambi.

Yilinga 4:20

Mumu yetu kutwahashile kuhola ha yize twevwile ni yize twamwene.”

Yilinga 9:22

Hindu Saulu yahiana tachi mu kwambujola chenyi, yakomwesa Ayuda waze te atwama mu Damasku. No kaahashile ko kumukumbulula muze waalumbununwine ngwenyi: “Yesu mwe Chilamwina yoze Zambi alakenyene.”

2 Korintu 1:19

Mumu Yesu Kristu Mwana Zambi, yoze Sila, ni Timoteu, ni yami twambujolele mukachi kenu, kejile ko kubwa ha chisuho chimuwika “Ewa” ni “Ka”. Muli Yesu, Zambi hanatayiza ngwenyi: “Ewa”.

2 Korintu 11:9

Muze nabwile mukachi kenu, nyi te hinabwa ni chikala cha mbongo, Chanuhele lamba ngwami: “Ngwehenu mbongo.” Mumu akwetu akwo waze akatukile ku chifuchi cha Masedonia yaangunehena yuma yeswe te nahonene. Nalifungile ha kunwaha yilemu chibwe ku cheswe Chuma. Chenacho mungukalifunga chibwe kulutwe ha kunutwika yilemu.

2 Korintu 5:14

Mumu zango ha Kristu kuliakutuyula, yetu waze tunanyingika ngwetu, umuwika wafwile mumu hali atu eswe. Chinalumbunuka ngwo, eswe afwile hamwe nenyi.

Filipu 1:23

Nguli wakutachika sali ni sali: ngunazange kukatuka mu mwono uno hanga ngubwe ni Kristu, chize muchibwa chibema kuhiana.

1 Tesalonika 3:2

nikunutumina Timoteu, mukwetu yoze wakulinga milimo ya Zambi hamwe ni yetu—milimo ya kwambujola Sango Jibema hakutwala kuli Kristu. Yitunutumina ye mu kunutakamisa ni kunukolesa mu ufulielo wenu,

1 Tesalonika 3:6

Alioze Timoteu muze anakakatuka kuli yenu, hahiluka kuli yetu. Hatwambulwila sango jibema ja ufulielo wenu ni zango lienu. Hatwambulwila nawa ngwenyi, nwakutwiwuluka ni manyonga abema matangwa eswe, ni nwakutuvwila usona wa kutumona ngwe chize yetu nawa twakunuvwila usona.

1 Petulu 5:12

Silvanu unangukwase kunusonekena mukanda uno ukepe. Kali mukwetu mukwa kushishika. Ngunazange kunutakamisa ni kushindakenya ngwami, uno we utu wamwenemwene wa Zambi. Manenu mo nguu.