Yilinga 18:26 - Mukanda Wa Zambi 1970

²⁶ Yabutuka kuhanjika ni hamu mu zuwo lia kuwayila lia Ayuda. Muze Prisila ni Akwila haamwivwa, yaamutwala ku mahio, yaamulumbunwina jila ya Zambi kanawa.

MUKANDA USANDU WA ZAMBI 1975

²⁶ iye waputukile kuhanjika ni hamu mu sunangonga. Alioze muze Akwila ni Prisela amuvwile, amutwalile hamwe no, washindunwine kuli iye pundu nawa jila ya Zambi.

Yilinga 18:26 Iomraidhean Croise

Yishima 1:5

Yishima yino muyihasa kulongesa yinyingi chibwe kuli akwa mana, ni kusongwela chibwe waze haalilongesa chinji,

Yishima 25:12

Kukanyamisa cha mukwa mana kuli mutu yoze mazanga kubanjika chili ngwe tuzeya twa oru hanji ngwe yingeliengelie ya oru yibema yahiana.

Yishima 9:9

Fumba mukwa mana, mba maliwezela mana. Longesa mukwa ululi mba maliwezela yinyingi.

Izaya 58:1

Mwene Zambi kanambe ngwenyi: “Kololokenu chikolo! Lwezenu atu jami Aisraele milonga yo!

Marku 10:15

Chamwenemwene ngunanwambulwila ngwami, yoze keshi kutayiza Wanangana wa Zambi ngwe mwana mukepe kechi kanjila mo.”

Luka 19:26

Yakumbulula ngwenyi: ‘Ngunambe ngwami yoze ukwete, makamuweza alioze yoze keshi nacho, makamuchiza chibwe chize chikepe ali nacho.

Luka 24:27

Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

Yoano 7:17

Yoze wakuzanga kulinga chize Zambi anazange, manyingika nyi longeso liami lili lia Zambi hanji lia yami mwene.

Yilinga 14:3

Paulu ni Barnaba yaatwama ko shimbu lisuku, yaalongesa ni hamu hakutwala kuli Mwene Yesu. Mwenawo yashindakenya maliji jo hakutwala ku utu wenyi ni kwaha tachi ja kulinga yilayi ni yipupu.

Yilinga 18:18

Paulu yatwama matangwa anji ku Korintu, mba yalishika ni akwetu akwa Kristu, yanjila mu ulungu, yaya ku chifuchi cha Siria hamwe ni Prisila ni Akwila. Muze kanda achikatuka ku limbo lia Senkria, Paulu yalakenya chilakenyo, mba yatewula kambu jenyi.

Yilinga 18:25

Haanamulongesa jila ya Mwene. Neye yalihana kuhiana kunyingikisa ni kulongesa kanawa chikuma cha Yesu, alioze yanyingika shina upapachiso wa Yoano.

Yilinga 19:8

Paulu yanjila mu zuwo lia kuwayila lia Ayuda. Ha shimbu lia tukweji atatu yahanjika ni hamu, yeseka kwakununa hakutwala ku Wanangana wa Zambi.

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

Yilinga 8:31

Neye ngwenyi: “Ngwe kuchi munguhasa, nyi kukushi yoze mangulumbunwina yo?” Yaliumba kuli Filipe anyine atwame nenyi.

1 Korintu 12:21

Liso kuliahashile kwambila kwoko ngwenyi: “Chikusolo”! Chibwe mutwe kuwahashile kwambila molu nichimwe ngwenyi: “Chinusolo”!

1 Korintu 3:18

Niumwe kanda alionga. Nyi umwe hakachi kenu Wakulinyonga ngwenyi, nguli mukwa mana nikulita ni ndako ya hashi, hatangu chamutamba kubwa chihepuke, mba makabwa mukwa mana wamwenemwene.

1 Korintu 8:2

Yoze Wakulinyonga ngwenyi, ngunanyingika chimwe Chuma, chamwenemwene mutu yoze kanyingikine chize chamutamba kunyingika.

Hebreu 6:1

Haliabwila tulikolezenu ni kuya kulutwe, tulilongesenu ndako ja ukulwana, twehukenu yikuma yitangu ya ufulielo wetu. Kutwahashile kuhiluka nawa ku kabutu ka longeso lize, ngwe: kwehuka yitanga yamokomoko, ni kufuliela Zambi,

2 Petulu 3:18

Alioze nyongononenu ha kutatuka mu utu ni yinyingi ya Mwene wetu kanda Chilamwina chetu Yesu Kristu. Uhenya wenyi usoloke chize musono uno ndoo ku miaka yeswe! Chibwe kama Chenacho.